25.7 C
Sri Lanka
23 October,2021

චරිත මොනවා (නො)කරයිද?

Must read

ගෝඨාභය රාජපක්‍ෂ ආණ්ඩුවේ විශේෂ ලක්‍ෂණයක් නම්, රාජ්‍යයේ පාරදෘශ්‍යභාවය ක්‍රමයෙන් වසා දැමීමත්, මහජන මුදල් මංකොල්ලකෑමට ඇති මාවත් ක්‍රමයෙන් පුළුල් කිරිමත්ය. 20වැනි ආණ්ඩුක්‍රම ව්‍යවස්ථා සංශෝධනයේ ඇතැම් විධිවිධාන මේ කාරණය මැනැවින් තහවුරු කරයි.

එහිම දිගුවක් හැටියට, පාර්ලිමේන්තු කාරක සභා සැසිවාර මාධ්‍යයට විවෘත කරමින් මෙතෙක් පවත්වාගෙන ආ පාරදෘශ්‍ය භාවිතාවටද නැවතීමේ තිත වහාම තබනු ලැබ තිබේ. පාර්ලිමේන්තු රැස්වීම් මතු නොව, කාරක සභාවල සැසිවාරද මාධ්‍යවලට විවෘත කරන්නටයැයි ඉල්ලීමක් තිබුණේ අවුරුදු දශක ගණනකට පෙර සිටය. යහපාලන ආණ්ඩු කාලයේ, පාර්ලිමේන්තුව ඒ විවෘත කිරීම කළේය. ඒ හරහා රජය විසින් පවත්වාගෙන යනු ලබන පොදු ව්‍යාපාරවලදී මහජන මුදල් වියදම් වන ආකාරය, ඒවායේ අක්‍රමිකතා ඇත්නම් ඒවා යනාදිය ගැන දැනගැනීමට මහජනතාවට හැකිවිය. එය මහජන අයිතියකට ගරු කිරීමකි.

දැන් එම කාරක සභා මාධ්‍යයට වසා දමන්නට තීරණය කර තිබේ. ඒ ගැන පාර්ලිමේන්තුවේදී ප්‍රශ්න කළ විට, එක් පොහොට්ටු ජාතික ලැයිස්තු මන්ත්‍රීවරයකු කීවේ, දැන් තියෙන්නේ අපේ ආණ්ඩුව, ඒ ආණ්ඩුව කළ දේවල් අපි කරන්න ඕනෑ නැහැ කියාය. ආණ්ඩුවේ ප්‍රධාන සංවිධායකවරයා කීවේ, මාධ්‍ය තමන්ට වුවමනා තැනින් අල්ලා වාර්තා කරන නිසා, රාජ්‍ය නිලධාරීන්ගේ ආත්ම ගෞරවය රැකදීමට මෙම තීරණය ගත් බවය.

මේ අතර, පොදු ව්‍යාපාර කාරක සභාවේ හෙවත් කෝප් කමිටුවේ සභාපති පදවියට මහාචාර්ය චරිත හේරත් පත්විය. ප්‍රජාතන්ත්‍රවාදය පිළිබඳ දාර්ශනික දැක්මක් තිබෙන ඔහුට වුවමනා නම්, තම කාරක සභාවේ සැසිවාර මාධ්‍යයට විවෘත කරන්නට තීරණයක් ගත හැකිය. ඔහු ඒ ගැන මොනවා කරනු ඇද්ද? නොකරනු ඇද්ද ?■

 

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි