වත්මන් ආණ්ඩුවේ නායකයන් දෙපළ 2015 ජනවාරි 08 ජයග‍්‍රහණයට කැපවුණ හැට දෙලක්ෂයකට අධික පුරවැසියන්ගේ ප‍්‍රාර්ථනා බොඳ කරමින් නිර්ලජ්ජිත තත්වයකට පත්ව සිටින අන්දම ශෝචනීය වේ. හොරගල් ඇහිලීමෙන් හා ගරිල්ලා සටන්වල නිමග්නවීමෙන් නායකයන් දෙපළ සමසමව ආණ්ඩුකරණය අර්බුදයකට ලක් කොට තිබේ.

වසර තුනක් ගෙවීයන තුරු මේ නායකයන් දෙපළ හරිමඟ ගමන් කරනු අපේක්ෂාවෙන් පසුවුණ සිවිල් බලවේගවලට අද සිදුව තිබෙන්නේ නීතිගරුක පුරවැසියන් අබිමුවට පැමිණ ඇත්ත නැත්ත කොන්දේසි රහිතව අනාවරණය කිරීමටය. යළි වතාවක් රාජ්‍ය පාලනය උදෙසා මොනම අන්දමක හෝ ජනවරමක් ලැබීමට මේ නායකයෝ දෙදෙනා නුසුදුස්සෝ වෙති. එ් බව දෙදෙනාම කි‍්‍රයාවෙන් ඔප්පු කර සිටිති.
බල තණ්හාව හා ජනවරමට ද්‍රෝහී වූ අන්දම ජනාධිපතිවරයා සම්බන්ධව ප‍්‍රථමයෙන් ද, දෙවනුව අගමැතිවරයා සම්බන්ධව ද සමාලෝචනය කිරීම වැදගත් යයි සිතමි. මේ ලිපියෙන් විවේචනයට බඳුන් වන්නේ ජනාධිපතිවරයාගේ කි‍්‍රයා කලාපයයි.

අකෘතඥ වීම
මෛතී‍්‍රපාල සිරිසේන මහතා ජනාධිපති පදවියේ දිව්රුම් දීමෙන් අනතුරුව පොදු අපේක්ෂකයාගේ භූමිකාව තනි කැමැත්තෙන් ඉවත ලෑමෙන් හිතින් හිතා ගන්නටවත් නොහැකි අන්දමින් සෝභිත හිමියන්ට පිටුපෑවේය. අනතුරුව හෙතෙම තමා ජනාධිපති පදවියට පත් කිරීමට පිඹුරු පත් සකස් කළ චන්ද්‍රිකා මැතිනියට පිටුපෑවේය. මේ වන විට තමාට ජන වරමක් ලබා දීමට කැපවුණ සියලූ පාර්ශ්වයන්ට ජනාධිපතිවරයා පිටුපා සිටියි.
දෛවයේ සරදම නම්, එක් රැුයකින් අසාමාන්‍ය කීර්තියක් ලබා අසාමාන්‍ය ජනවරමක් ලත් නිර්පාක්ෂික පොදු අපේක්ෂකයා වසර තුනක් ගත වන විට, තමන්ව ඉහළට ඔසවා තබන ලද රටේ හැට දෙලක්ෂයකට අධික ජනතාවකගේ අප‍්‍රසාදයට, පිළිකුලට හා කෝපයට පත්ව සිටීමයි. එ් වූ කලි අකෘතඥතාව හේතුවෙන් උරුම කර ගන්නා ශෝචනීය ඉරණම වන්නේය.

නිර්පාක්ෂික පොදු අපේක්ෂකයා
2015 ජනාධිපතිවරණයේ දී මහින්ද රාජපක්ෂ පරාද කිරීමට පොදු අපේක්ෂකයෙකු අවශ්‍ය බවත්, නිර්පාක්ෂික පොදු අපේක්ෂකයෙකු ඉදිරිපත් කරන බවත් සෝභිත හිමියන් රටට පවසන විට, මෛතී‍්‍රපාල සිරිසේන මහතා මහින්ද රාජපක්ෂ ජනාධිපතිවරයාට ප‍්‍රශස්ති ගායනා කරමින් ඔහුගේ පා සෙවණේ දැවටෙමින් සිටි නිවට නියාලූ ඇමතිවරයෙකි. එ් වන විට රටේ සිටි විපක්ෂ නායකවරයා මහින්ද රාජපක්ෂ සමඟ කළු කෝපි බොමින් පක්ෂයේ ජවය බලය ශක්තිය හීන කර දමා සිටි බෙලසුන් පුද්ගලයෙකි. ප‍්‍රධාන දේශපාලන පක්ෂ දෙකේම ජාතික තලයට මතුව සිටි නායකයන් විවිධ දෘෂ්ටිවාද හිසින් ගත්තවුන් බැවින් දේශපාලන භූමිය වියළි කතරක්ව පැවතියේය. මේ සංදර්භය තුළ හිටපු ජනාධිපතිනිය ප‍්‍රගතිශීලී බලවේග අබිමුව පවසා සිටියේ ශී‍්‍රලනිපයෙන් අවංක නායකයෙකු තමාට ඉදිරිපත් කළ හැකි බවයි. එ් නායකයා සතු වැදගත් ලක්ෂණ තුනක් චන්ද්‍රිකා මැතිනිය අවධාරණයෙන් පවසා සිටියාය. එතුමිය පවසා සිටි පළමු කාරණාව වන්නේ තමා නම් කරන පුද්ගලයා දූෂිතයෙකු හා අපරාධකාරයෙකු නොවන්නේය යන්නයි. දෙවැනි කාරණාව ලෙස එතුමිය පවසා සිටියේ හෙතෙම ජාතිවාදියෙකු හෝ ආගමික අන්තවාදියෙකු නොවේය යන්නයි. තුන්වෙනි කාරණාව ලෙස හිටපු ජනාධිපතිනිය අවධාරණයෙන් පවසා සිටියේ රාජපක්ෂවරුන්ගේ පාලනය ඉවසා දරා ගත නොහැකි ප‍්‍රධාන පෙළේ අමාත්‍යවරුන් පිරිසක් මෙතුමා සමඟ පක්ෂයෙන් පිටතට පැමිණීමට සූදානම්ය යන්නයි. මේ සාධක ඉතා වැදගත් එ්වා ලෙස බැලූ බැල්මටම පෙනීගිය ද, ඇතැමුන් ප‍්‍රශ්න කර සිටියේ නිර්පාක්ෂික නායකයෙකු බවට එතුමා කටයුතු කරන බවට සහතිකය කුමක් ද යන්නයි. මෛතී‍්‍රපාල සිරිසේන මහතා නිර්පාක්ෂික පොදු අපේක්ෂකයා ලෙසින් ජයග‍්‍රහණය කළහොත් ඔහු නිර්පාක්ෂික නායකයෙකු ලෙස රටට අවශ්‍ය නායකත්වය ලබා දේවිද යන පැනය ආර් සම්බන්ධන් මහතා මෙන්ම රනිල් වික‍්‍රමසිංහ මහතා ද විමසා සිටි විට, හිටපු ජනාධිපතිනිය සිය ළය මත අත තබා ප‍්‍රබලව පවසා සිටියේ තමා කෙරේ විශ්වාසය තබන ලෙසයි. විස්මය දනවන කාරණාව වන්නේ ජනාධිපති පදවියට පත් කිරීමට මැණිකක් ගරන්නා සේ හිටපු ජනාධිපතිනිය සොයා ගත් තැනැත්තා කල් නොමරාම එතුමියට අවිනීතයන් ලවා අතුල් පහරවල් නොකඩවා එල්ල කිරීමට, නොසලකා හැරීමට සහ අවමන් කිරීමට සහ පිටුවහල් කිරීමට තරම් සාහසික වීමය. මේ තරම් අකෘතාඥතාවක් ගැන මින් පෙර කා වෙනුවෙන් හෝ කොතැනකවත් ලියවී නැතැයි සිතමි. මෙවැන්නෙකුට කවර නම් යහ පාලනයක් කැපවේ ද?

ඉනිමඟට පයින් ගැසීම
ජනාධිපති පදවියේ දිව්රුම් දීමෙන් අනතුරුව මෛතී‍්‍රපාල සිරිසේන මහතා ප‍්‍රථමයෙන් ගත් තීන්දු කීපයම සෝභිත හිමියන්ගේ දැඩි කණස්සල්ලට හේතු විය. ජනාධිපති ලේකම් පදවියට සිරිසේන ජනාධිපතිවරයා පත් කර ගත්තේ මහින්ද රාජපක්ෂගේ ජයග‍්‍රහණය වෙනුවෙන් අවසන් තත්පරය දක්වා නීතිය අවභාවිත කළ රාජ්‍ය නිලධාරියෙකු වූ අබේකෝන් මහතාය. ජනාධිපතිවරණ සමයේ දී නීතිය අවභාවිත කරන්නන් හªනා ගැනීමට පිළියෙළ වුණ බ්ලැක් බොක්ස් එකේ පළවෙනියා බවට පත්ව සිටියේ අබේකෝන් මහතාය. රාජ්‍ය ආරක්ෂක ලේකම් තනතුරට පත් කරන ලද බස්නායක මහතා වැඩ පටන් ගත්තේ ගෝඨාභය රාජපක්ෂගේ ආශීර්වාදය තමන්ට තිබෙන බව මාධ්‍ය හමුවේ විවෘතව පවසමිනි. ඔහු පදවියේ වැඩ භාර ගත් තැන සිට ගෝඨාභය රාජපක්ෂ වෙනුවෙන් උපරිමයෙන් සේවය කිරීමට කැප වූ බව නම් කිව යුතුය.
මෛතී‍්‍රපාල සිරිසේන මහතා සිදුකළ නින්දිතම පත්වීම වන්නේ රනිල් වික‍්‍රමසිංහ මහතාගේ පරම හතුරෙකු බවට දේශපාලන භූමිය තුළ සිටි ශිරාල් ලක්තිලක සම්බන්ධීකරණ ලේකම්වරයා බවට පත් කර ගැනීමය. එම පත් කිරීම රනිල් වික‍්‍රමසිංහ මහතා එ් වන විට මෛතී‍්‍රපාල සිරිසේන මහතා කෙරේ තැබූ විශ්වාසය දරුණු ලෙස බිඳ දැමීමට හේතු විය යන්න සත්‍යයකි. මේ සම්බන්ධව සෝභිත හිමියන් ද ජනාධිපතිවරයාගෙන් විමසා සිටි විට පැවසුවේ ටික දවසකට කළ තාවකාලික පත්වීමක් බවයි. එ් ටික කාලය තවමත් අවසන් නොවී තිබීමෙන් විශද වන්නේ ජනාධිපතිවරයා සෝභිත හිමියන් මුළා කළ අවිනීත අන්දම යි.
ජනාධිපතිවරයා තමන්ට අභිමත අන්දමට ශිරාල් ලක්තිලක පත් කර ගැනීමෙන් කෝපයට පත්වුණ රනිල් වික‍්‍රමසිංහ මහතා එතැන් සිට කටයුතු කළේ ජනාධිපතිවරයා ගෞරවනීය අන්දමට මායිම් නොකරමිනි. තතු කෙසේ වුව අනතුරුව අගමැතිවරයාත් ඔහුට අවශ්‍ය අන්දමට රටේ වැදගත් තනතුරුවලට පුද්ගලයන් පත් කිරීමට ජනාධිපතිවරයාට බල කර සිටින තැනකට පත් විය. දෙදෙනා එකට වැඩ කිරීමට ඇති කරගෙන තිබුණ විශ්වාසය බිඳ වැටිණි. ලිච්ඡුවි ක‍්‍රමය මිහිදන් කෙරිණි. එහි විපාක වික‍්‍රමසිංහ මහතාට ද නොඅඩුව අත් විඳින්නට සිදු වුව, සියල්ලෙන් අනර්ථයක් වුණේ රටටයි. ජනවාරි අට ජයග‍්‍රහණයටයි. යහ පාලනයටයි.

කන්දෙන් පල්ලට
පක්ෂයේ සභාපති පදවිය භාර ගැනීම යම් යම් හේතු මත සාධාරණීකරණය කළ හැකි වුව අභාග්‍යය වන්නේ පක්ෂයට නිසි නායකත්වයක් ලබා දීමට අවශ්‍ය පෞරුෂයක් මෛතී‍්‍රපාල සිරිසේන චරිතය තුළ නොතිබීමය. ඔහුගේ සීමාවන් හා අසීමිත දුබලකම් හොඳින් හªනාගෙන සිටි පක්ෂයේ ජ්‍යෙෂ්ඨයන්, ඔහුව පරාජය කිරීමට උපරිමයෙන් කැපවුණ පුද්ගලයන්, ඉතා ශූර ලෙස ජනාධිපතිවරයාව හීලෑ කරගෙන, හීලෑ කර ගත් නාගයෙකු නටවන විලසට නටවන්නට දිගින් දිගටම පියවර ගැනීමය. ජනාධිපතිවරයා ශී‍්‍රලනිපයේ සභාපති පදවිය භාර ගත් බව දැනගත් අවස්ථාවේ සෝභිත හිමියන් පැවසූ වැකි දෙකක් මෙසේය.
01. අපි මෛතී‍්‍රපාල සිරිසේන මහත්තයව විධායක ජනාධිපති පුටුවෙ වාඩි කළා. එතුමා ගිහින් ශී‍්‍ර ලංකා එකේ සභාපති පුටුවෙ වාඩි වුණා. එතුමාට විධායක ජනාධිපති පදවියට වඩා ශී‍්‍රී‍්‍ර ලංකා එකේ සභාපතිකම ඉහළයි කියලා හිතෙන්න ඇති.
02. සිරිසේන මහත්තයගෙන් අපි රටේ යහපතට බලාපොරොත්තු වුණ කිසි දෙයක් වෙයි කියලා දැන් ඉතින් හිතන්න බෑ. හරි දුර්වල මනුස්සයෙක්. අනික මෙයා බලය අතරින්න ලෑස්ති වෙන්නෑ.
ජනාධිපතිවරයා ශී‍්‍රලනිපයේ සභාපති පදවිය භාර ගැනීම හා අනතුරුව සිදු කළ අවිචාරවත් පත්වීම් හේතු කොට ගෙන සෝභිත හිමියන් ජනාධිපතිවරයා ගැන අතිශයින් කලකිරුණේය. උන් වහන්සේ ඇතැම් අවස්ථාවන්හි තමන් වහන්සේ සමීපයට කැඳවා ගත් සිවිල් සංවිධානවල නායකයන්ට පවා ෙදාස් නඟමින් සිය කුටිය තුළට වී ෙදාර වසා ගත්තේ මට කිසි දේකට කතා කරන්න එපා කියමිනි. එහෙත් ළිඳට වැටුණ මිනිහා ළිංකටෙන්ම ගොඩ එන්නට ක‍්‍රමයක් ගැන හිතා බැලිය යුතුය යන්න හිසින් ගෙන උන් වහන්සේ සමඟ කටයුතු කළ බොහෝ දෙනා කටයුතු කළහ. උන් වහන්සේට බැගෑපත් වෙමින් ජනාධිපතිවරයා මුණ ගැසීමට යාම ඇතුළු බොහෝ කටයුතුවලට දැඩි අසීරුවෙන් උන් වහන්සේ දායක කර ගත් බව සත්‍යයකි. එ් හැම අවස්ථාවකම අප‍්‍රසාදය පළ කරමින් පැමිණි උන් වහන්සේ පැහැදිලිව පවසා සිටියේ, ”මේ මනුස්සයා අපි බලාපොරොත්තු වෙච්ච කිසි දෙයක් කරන්නෑ”
ශී‍්‍රලනිපයේ ලේකම් පදවිය දැරුවාට මෛතී‍්‍රපාල සිරිසේන මහතාව මහින්ද රාජපක්ෂ මහතා විසින් පරිහරණය කරන ලද්දේ ”පියන්” කෙනෙකු හැටියට බව ප‍්‍රකට කාරණාවකි. දීර්ඝ කාලයක් පක්ෂයට දර දිය ඇද්දද තමන්ට කළ මදිපුංචිකම් නිසා විඳි පීඩනය, ඉන් පෙළන්නට වූ හීනමානය තුනී කර ගැනීමට, පක්ෂයේ සභාපති පදවිය භාර ගත්ත ද පක්ෂයට නිසි නායකත්වයක් ලබා දී පක්ෂය ගොඩ නැඟීමට අවශ්‍ය මානසික ශක්තිය ජනාධිපතිවරයා සතු නොවීය. තමා නායකත්වය දරන පක්ෂය විනාශ කිරීමට විනය විරෝධී වැඩ දිගින් දිගටම සාමූහිකව මහින්ද රාජපක්ෂ සිදු කරන විට, කලින් සේම නිවට නියාලූව ඔහේ බලා සිටීම පමණි ජනාධිපතිවරයා කළේ හා කරන්නේ. කිසිවකින් ඔහු පාඩමක් ඉගෙන ගත්තේ නැත. ඊට ප‍්‍රධාන හේතුව මහින්ද රාජපක්ෂගේ සපත්තුවට පෑගී සිටීමෙන් ලත් පීඩනය හා ඉන් අත් වින්ද බිය තවමත් තුරන් වී නොමැතිකම මිස අන් කිසිවක් නොවන්නේය. ප‍්‍රතිඵලය කුමක් ද? කල් යල් බලා බැසිල් රාජපක්ෂ ජනාධිපතිවරයාගේ ඔලූව මැද්දටම කුළු ගෙඩි පහර එල්ල කිරීමට වග බලා ගැනීමය. එ් තත්වය උදා වන්්නේ ජනාධිපතිවරයාගේ දුබලතා නිරතුරුව විදහා පෑම හොඳින් කළමනාකරණය කර ගනිමින් බව පැහැදිලිය.

අවිනීතයි සාහසිකයි
පක්ෂයට නිසි නායකත්වයක් ලබා දෙන්නට අසමත් වීම ඔස්සේ මෛතී‍්‍රපාල සිරිසේන ජනාධිපතිවරයා ගතවුණ කාලය තුළ හොඳින් විශද කර සිටින්නේ තමන්ට රටට අවශ්‍ය නායකත්වය ලබා දිය නොහැකි බවයි. පළාත් පාලන මැතිවරණය පැවැත්වීම අසාමාන්‍ය අන්දමින් ප‍්‍රමාද වන්නේ ජනාධිපතිවරයා නිසාය. පක්ෂයේ බලය තහවුරු කර ගැනීම උදෙසා පළාත් පාලන මැතිවරණය ඈතට ඈතට තල්ලූ කරවා ගත්තේ අගමැතිවරයාට පින්සෙන්ඩු වෙමිනි. ගතවුණ කාලය තුළ සිදු වුණේ තව තවත් බෙලසුන් වීම පමණි. අවසන බැසිල් රාජපක්ෂට ආයාචනා කරන තැනකට ද ජනාධිපතිවරයා පත් වන්නේය.
මයික‍්‍රෆෝනයක් ඉදිරිපිට දී හිතට ඔහේ ගලා එන වචන වරු ගණන් වැමෑරුව ද ජනාධිපතිවරයා රටට ලබා දුන් ප‍්‍රතිඥාවලින් කිසිවක්ම ඉටු කිරීමට අසමත් විය. මහා ඝෝෂා නඟමින් තබන ලද වෙඩි සියල්ලම පුස් වෙඩි බව දැන් රටම අවබෝධ කරගෙන හමාරය. තමන් ජාත්‍යන්තරය දිනා ගත් බවට උජාරු බස් කීව ද එ් වූ කලි අනුන් වැපිරූ කුඹුරක අස්වැන්නට සින්නක්කර අයිතිය කියාපෑමකි.
විධායක ජනාධිපති පදවිය දරන්නට වරම් හිමි දවස් අඩුවී අවසන් වූ සැණින් ඔහු නිසැකවම දේශපාලන භූමියේ පාරාජිකා වන්නේය. එ් බව වැටහී තිබෙන නිසාෙදා් රාජපක්ෂවරුන්ගේ දාසයෙකු වීමට කල්පනා කරනවා විය හැකිය. මතු දිනක බැසිල් රාජපක්ෂ ළඟ දෙපයින් වැටෙන තත්වයකට තම ඉරණම තීන්දු කර ගැනීමට වුව පසුබට නොවනු නිසැකය.
මෛතී‍්‍රපාල සිරිසේනට මොනම ලෙසකින්වත් මහින්ද රාජපක්ෂ කෙනෙකු විය නොහැකිය. ඔහුට මහින්ද රාජපක්ෂට වඩා හොඳ පාලකයෙකු –නායකයෙකු වීමට ඉඩ තිබුණි. එ් අවකාශය ඔහු අනුවණ ලෙස අහිමි කර ගත්තේය. ජනවාරි 08 ප‍්‍රතිඥා වෙනුවෙන් පෙනීසිටි, ඔහු බලයට පත් කිරීමට කැපවුණ බලවේග ජනාධිපතිවරයා ද අද හෙළාදකින්නේ ”එන්ජී ඕ බලවේග, යුඇන්පීකාරයන්” ලෙස අවිනීත අවලාද නඟමිනි. එ් ඔහුගේ මුග්ධ අවස්ථාවාදී උපදේශකයන් සමීපව සවනට කොඳුරන වහසි බස්් බවට සැකයක් නැත. කෙසේ වෙතත් ජනාධිපතිවරයා එ් අවලාද නඟන්නට මත්තෙන් කැඩපතක් ඉදිරියේ පියවි සිහියෙන් සිට ගත යුතුව තිබේ.
චන්ද්‍රිකා බණ්ඩාරනායක මැතිනිය ළය මත අත තබා තමා විශ්වාස කරන ලෙස අවධාරණයෙන් ප‍්‍රතිඥා ලබා දී ප‍්‍රගතිශීලී බලවේග අබිමුවට ගෙන ආ පොදු අපේක්ෂකයා වෙනුවෙන් ලබා දුන් සියලූ සහතික ජන මනසෙහි පිළිස්සෙමින් තිබේ. ජනාධිපතිවරයා ජාතිවාදය හා ආගමික අන්තවාදය හිසින් ගෙන කටයුතු කරනු පෙනේ. රාජපක්ෂවරුන් කළ කී දෑ අතරින් ඔහු තවම නොකරන්නේ මිනීමැරීම පමණකි.
ශී‍්‍රලනිපය තුළ දීර්ඝ කාලයක් මුළු ගැන්වී සිටි අහිංසකයෙකුට චන්ද්‍රිකා මැතිනිය නොගැළපෙන ඇඳුමක් අන්දවා, ඔහුට ඔරොත්තු නොදෙන පාවහන් යුවළක් පළඳවා වැදගත් ගමනක් එඩිතරව යන්නැයි පවසා තිබෙන්නේ අවසිහියෙන් දැයි එතුමියගෙන් අසන්නටය අද නීතිගරුක පුරවැසියන්ට සිදුව තිබෙන්නේ!

එජාප-ශී‍්‍රලනිප සභාග ආණ්ඩුවේ ඉදිරි කි‍්‍රයාමාර්ග පිළිබඳව ආණ්ඩුව පැත්තෙන් ගනු ලැබෙමින් තිබෙනවායැයි කියැවෙන නොයෙකුත් දේ පිළිබඳ මාධ්‍ය වාර්තා ගණනාවක්ම පසුගිය දිනවල පළවිය. ඒවා මාධ්‍යවේදීන්ගේ නිර්මාණද, නැතහොත් ඇත්තටම සිදුවන දේ පිළිබඳ ඇත්ත වාර්තාද යන්න ගැන තීරණය කිරීමද පහසු නැත. මෙම නොයෙකුත් වාර්තා මැද ඇත්ත වශයෙන් සිදුවෙනවා ඇත්තේ මොනවාදැයි අනුමාන කිරීම අපට කළ හැක්කේ, දේශපාලන කි‍්‍රයාවලියට බලපාන අභ්‍යන්තර ගතිකත්ව දෙසද බලමින් කරන තක්සේරුවකිනි.

එවැනි තක්සේරු කිරීමකදී, අගමැතිට එරෙහිව විශ්වාසභංග යෝජනාවෙන් පසුව ආණ්ඩුව ඇතුළත පවතින බලතුලනය පිළිබඳව වාස්තවික ඇස්තමේන්තුවක් කරන්නේ නම්, කෙනෙකුට පහත සඳහන් නිරීක්‍ෂණ කළ හැකිය.

* පසුගිය මාස හයක පමණ කාලය තුළ මෝරමින් සහ ප‍්‍රසිද්ධියේ ප‍්‍රකාශයට පත්වෙමින්  තිබුණ ආණ්ඩුවේ අභ්‍යන්තර බල අරගලය අපේ‍්‍රල්් හතරවෙනිදායින් පසුව තාවකාලික සහ අලූත් තුල්‍යතාවකට පත්වී තිබේ.

* එම තාවකාලික තුල්‍යතාවේ ප‍්‍රධාන ලක්ෂණය නම්, එජාපය සහ ශී‍්‍රලනිපය අතරත්,  අගමැතිවරයා සහ ජනාධිපතිවරයාත් අතර බලතුලනය අගමැතිවරයාට සහ එජාපයට වාසිවන සහ ශී‍්‍රලනිපයට සහ ජනාධිපතිවරණයට අවාසිවන පරිදි යළි සකස්වීමයි.

* මෙම වෙනස් වූ  බලතුල්‍යතාව තුළ පවා එජාපයට සහ අගමැතිවරයාට ලැබී ඇත්තේ  සම්පූර්ණ ජයග‍්‍රහණයක් නොවේ. ජනාධිපතිවරයා සහ ශී‍්‍රලනිපය පත්වී තිබෙන්නේ සම්පූර්ණ පරාජයකටද නොවේ. දෙපාර්ශ්වයටම දැන් බලකෙරී තිබෙන තත්ත්වයට නම් තම තමන්ගේ සාපේක්‍ෂ ශක්තීන් සහ දුර්වලතා ගැන යථාර්ථවාදී ඇස්තමේන්තුවක් කරමින්, ඉදිරි   අවුරුදු දෙකටත්, ඉන්පසු අවුරුදු පහටත් සුදුසු මූලෝපායික වැඩ පිළිවෙළක් සකස්කර ගැනීමයි.

ඉහත කියා තිබෙන තුන්වැනි කරණය ගැන උනන්දුවක් දක්වන පිරිස් ආණ්ඩුවේ පාර්ශ්ව දෙකෙහි සිටින්නේ නම්, ඔවුන්ගේ අවධානයට යොමුවිය යුතු කරුණු කිහිපයක් මතුකිරීම මේ රචනයේ  ප‍්‍රධාන අරමුණයි.

ශක්තීන් සහ දුබලතා: අගමැති

ජනාධිපති සහ අගමැති යන දෙදෙනා නියෝජනය කරන බල මධ්‍යස්ථාන දෙකක් ආණ්ඩුවේ තිබෙනවාය යන්න පැහැදිලි යථාර්ථයකි. අපි‍්‍රයෙල් 04දායින් පසුව විද්‍යමාන වන එම බල මධ්‍යස්ථාන දෙකෙහි ඇති සාපේක්‍ෂ ශක්තීන් සහ දුබලතා හඳුනාගැනීමට දැන් අපි උත්සාහ ගනිමු.

අගමැතිවරයාගේ සහ එජාප පාර්ශ්වයේ ඇති ප‍්‍රධානතම ශක්තිය නම්, කැඞීයෑමට හා අභ්‍යන්තර වශයෙන් දුර්වල වීමට ඉඩ තිබුණු එජාපය, එයට එරෙහිව ශී‍්‍රලනිපයෙන් සහ ඒකාබද්ධ විපක්‍ෂයෙන් එල්ලවූ ජීවිත තර්ජනය ඉදිරියේ, පක්‍ෂයක් ලෙස කැඞී බිඳී නොගොස් එකට සිටීමයි. එය එජාපයේ විවිධ කණ්ඩායම් එකතුවීමක්ද යන්න තවම පැහැදිලි නැත. ඒ හා සම්බන්ධ දෙවැනි කරුණ නම්, එජාපයේ හා අගමැති රනිල් වික‍්‍රමසිංහගේ දේශපාලන අනාගතය තර්ජනයට පත්වූ මොහොතක, ඔවුන්ගේ ආධාරයට ද්‍රවිඩ හා මුස්ලිම් සුළු ජන පක්‍ෂ ඉදිරියට පැමිණීමයි. මෙය ජනාධිපතිවරයාටවත්, ඔහුගේ ශී‍්‍රලනිපයටවත්, මහින්ද රාජපක්‍ෂටවත් ඔහුගේ පොදුජන පෙරමුණටත් නැති ශක්තියකි.

මේ අතර එජාපය සහ අගමැතිවරයාට ආණ්ඩුව ඇතුළේ පවතින බල සම්බන්ධතාවේදී ඔවුන්ගේ ප‍්‍රධාන දුබලතාවකුත් තිබේ. එය නම් ආණ්ඩුවේ ප‍්‍රධාන පක්‍ෂ දෙක අතර වැඩිම මන්තී‍්‍ර ආසන සංඛ්‍යාවක් එජාපයට තිබුණත් ජනාධිපතිවරයා සහ අගමැතිවරයා අතර 19 වැනි ආණ්ඩුක‍්‍රම ව්‍යවස්ථාවට අනුව තිබෙන ආයතනික බල සම්බන්ධතාවේදී අගමැතිවරයා ජනාධිපතිවරයාට ඉහළින් නොසිටීමයි. 19 වැනි සංශෝධනයෙන් අගමැතිවරයාගේ තත්ත්වය ශක්තිමත් වී ඇති නමුදු, තමන්ගේම න්‍යාය පත‍්‍රයක් මුළු සභාග ආණ්ඩුවේම න්‍යාය පත‍්‍රයක් බවට පත්කිරීමේ බලයක් හෝ ශක්තියක් අගමැති වික‍්‍රමසිංහට නෛතික සහ ආයතනික වශයෙන් නැත. ඔහුට ඇත්තේ අමනාප කර ගත් ජනාධිපතිවරයෙකු විසින් නොයෙකුත් සෘජු සහ වක‍්‍ර මාර්ගවලින් බාධා සහ අවහිරතාවලට පාත‍්‍ර කරනු ලැබීමෙන් බල රහිත කිරීමට ඉඩ තිබෙන අගමැතිවරයෙකු සතු බලයකි.

ශක්තීන් සහ දුබලතා : ජනාධිපති

ජනාධිපතිවරයාගේ පැත්තෙන් බලන විට, අපි‍්‍රයෙල් 04දායින්  පසුව සිදුව ඇත්තේ සභාග ආණ්ඩුව ඇතුළත ඔහුගේ පාර්ලිමේන්තුවේ බලය විශාල ලෙස දුර්වල වීමකි. ශ‍්‍රීලනිප මන්තී‍්‍ර කණ්ඩායම දෙකඩ වීම නැවැත්වීමට ඔහුට නොහැකි විය. ඔහුගේ නායකත්වය ශී‍්‍රලනිප පාර්ලිමේන්තු කණ්ඩායම අතර ඇත්තේ හුදෙක් නාමිකවය යන්න නැවත වරක් තහවුරු විය. මේ අතර විශ්වාසභංග යෝජනාව පක්‍ෂව ඡුන්දය දුන් ඇමතිවරුන් කණ්ඩායම, ඒකාබද්ධ විපක්‍ෂයට පළමුවත්, පොදු ජන පෙරමුණට දෙවනුවත් පළායාම වැළැක්වීමට පියවර ගැනීමට ජනාධිපති සිරිසේන මහතාට නොහැකිය. මේ අතර එම ඇමතිවරුන් පිරිස මේ දිනවල ඉන්න බව පෙනෙන්නේ, සිරිසේන මහතා සම`ග දේශපාලන වශයෙන් සිටින බව අ`ගවමින්, ඔහු තවදුරටත් දුර්වල කිරීමේ ව්‍යායාමයකය. පාර්ලිමේන්තුව සහ කැබිනට් මණ්ඩලය ඇතුළත්, රටේත් ජනාධිපති සිරිසේන මහතාගේ දේශපාලන ශක්තිය තීරණාත්මක ලෙස දුර්වල වී තිබේ.

එසේ වෙතත් එතුමාට, ආණ්ඩුවේ දුන් කෙනෙකුට නැති ශක්තියක් තිබේ. එය ජනාධිපතිවරයා ලෙස ආණ්ඩුක‍්‍රම ව්‍යවස්ථාවෙන් ලැබෙන ශක්තියකි. 19වැනි ව්‍යවස්ථා සංශෝධනය යටතේ ජනාධිපතිවරයා සතු බලතල පෙරට තිබුණාට වඩා අඩුවූවත්, ආණ්ඩුක‍්‍රම ව්‍යුහය තුළ ජනාධිපතිවරයාට තවමත් ඇත්තේ වැදගත් බලතල පරාසයකි. ඒවා අගමැතිගේ කැමැත්ත හෝ සහභාගිත්වය  හෝ නැතිව කි‍්‍රයාත්මක කළ හැකි ඒවාය.

උදාහරණයක් හැටියට, දැනට කාගේත් කතාබහට ලක්වී ඇති පාර්ලිමේන්තු සැසිවාරය කල්තැබීම ගත හැකිය. එය ව්‍යවස්ථාවෙන් ජනාධිපතිවරයා සතු බලයකි. වෙස්ට්මිනිස්ටර් පාර්ලිමේන්තු ආකෘතිය තිබුණු 1972 ව්‍යවස්ථාව යටතේත්, ඊට පෙර තිබුණු සෝල්බරි ව්‍යවස්ථාව යටතේත්, ජනාධිපතිවරයා හෝ අග‍්‍රාණ්ඩුකාරයා පාර්ලිමේන්තු සැසිවාර කල් දැමීම සිදු කළේ, ව්‍යවස්ථාවේ එසේ කළ යුතුයැයි සඳහන් නොවූවත්, අගමැතිවරයාගේ උපදෙස් මතය. එය ව්‍යවස්ථාවේ ලිඛිතව නොතිබුණු, එහෙත් වෙස්ට්මිනිස්ටර් පාර්ලිමේන්තු සම්ප‍්‍රදායට අනුව පිළිගෙන තිබුණ මූලධර්මයකි. පසුගියදා ජනාධිපති සිරිසේන මහතා පාර්ලිමේන්තු සැසිවාරය කල්දැම්මේ අගමැති රනිල් වික‍්‍රමසිංහගේ උපදෙස් මත හෝ ඔහු සම`ග සාකච්ඡුා කිරීමෙන් පසුවද හෝ යන්න පැහැදිලි නැති දෙයකි. ජනමාධ්‍යයෙන් ඒ ගැන  කිසිදු තොරතුරක් නොලැබේ. ජනාධිපතිතුමා, අගමැතිවරයාට නොකියාම, ස්වකැමැත්තට අනුව  එම කාර්යය කළා නම් අය පුදුම විය යුතුද නැත. මන්ද යත් ජනාධිපතිවරයාට සිය කැමැත්තෙන් කි‍්‍රයාත්මක කළ හැකි බලතල සංවරණය කිරීමේ සැබෑ බලයක් අගමැතිවරයාට නැති නිසාය. එම හැකියාව ලබාග ැනීමට අගමැතිවරයාට හැකිවනු ඇත්තේ, ජනාධිපතිවරයා සම`ග අලූතෙන් ඇතිකරගන්නා දේශපාලන අවබෝධතා ගිවිසුමකින් සහ අලූතෙන් ගොඩනැගෙන අන්‍යොන්‍ය විශ්වාස රාමුවකින් පමණි.

පාඩම්

මෙම පසුබිම ගැන සවිඥානකව සිටිමින්, මෙම ආණ්ඩුව ඉගෙනගත යුතු දේශපාලන  පාඩම කුමක්ද? ඒ සඳහා ගත යුතු ප‍්‍රධාන පියවර කිහිපයක් තිබේ.

පළමුවැන්න, ආණ්ඩුවේ දේශපාලන පක්‍ෂ සහ මෙම ආණ්ඩුව බලයට ගෙනඒමට දායකවූ සිවිල් සමාජ බලවේග අතර අලූත් අවබෝධතා ගිවිසුමක් ඇත්සන් කිරීමයි.

දෙවැන්න, ඉදිරි අවුරුදු දෙක තුන ඇතුළත ඇත්තටම කි‍්‍රයාත්මක කළ හැකි යථාර්ථවාදී වැඩ පිළිවෙළක් කෙටුම්පත් කරගැනීමයි.

තුන්වැන්න, එම වැඩ පිළිවෙළ කි‍්‍රයාත්මක කිරීමට අවශ්‍ය දේශපාලන අධිෂ්ඨානය සහ කැපවීමත්, දේශපාලන නිර්භීතභාවයත් ඇතිකර ගැනීමයි. මෙම ආණ්ඩුවට පසුගිය අවුරුදු තුනේ නොතිබුණේද මේ ගුණාංග තුනයි.

අද මේ ආණ්ඩුව ඉදිරියේ ඇති අභියෝගය වන්නේ තමන්ම රු-සබඩැබඑ කරගැනීමයි. එනම් අලූතෙන් නිර්මාණය කරගැනීමයි. ඒ සඳහා වැඩි කාලයක්ද නැත. ඇත්තේ සති කිහිපයකි.

ඇයි?

මේ තරම් පසුබෑම්, අඩුපාඩු සහ අසාර්ථකභාවයක් පෙන්නුම් කර ඇති සිරිසේන-වික‍්‍රමසිංහ ආණ්ඩුව Re-invent කරගෙන හෝ ඉදිරි කාලයේද සිටිය යුතුයැයි මා යෝජනා කරන්නේ මක් නිසාද? මෙය වනාහි මා මටම පිළිතුරු දිය යුතු ප‍්‍රශ්නයක්ද වේ.

ලංකාව දේශපාලන වශයෙන් ඉක්මණින් නැවත වරක් ළ`ගාවී සිටින්නේ තීරණාත්මක සන්ධිස්ථානයකටය. එය කුළුගැන්නෙු ඇත්තේ 2019 වසරේ අගදී පැවැත්වෙන ජනාධිපතිවරණයේදී සහ ඉන් පසුව පැවැත්වෙන පාර්ලිමේන්තු මැතිවරණයේදීය. ඒ මැතිවරණ දෙකෙන්ම තීරණය වන ප‍්‍රධාන  කරුණක් වන්නේ, ලංකාවේ දේශපාලන අනාගතය යොමුවනු ඇත්තේ නිර්-ප‍්‍රජාතන්ත‍්‍රවාදී අධිකාරවාදී දිසාවකටද නැද්ද යන්නයි.

ඒකාබද්ධ විපක්‍ෂය හා එකතුවන පොදු ජන පෙරමුණ, ආණ්ඩු බලය සඳහා තරග වදින ප‍්‍රධාන පරදු පාර්ශ්වයක් ලෙස ඉදිරියට එන්නේය යන්න පැහැදිලි කරුණකි. පොදු ජන පෙරමුණ ජයග‍්‍රහණය කරන්නේ නම් එයට දායකත්වය සපයන ප‍්‍රධාන සාධකය වනු ඇත්තේ සිරිසේන-වික‍්‍රමසිංහ ආණ්ඩුවේ අසාර්ථකත්වයයි.

පොදු ජන පෙරමුණ බලයට එනවාට මා අකමැති ඇයි? ප‍්‍රධාන හේතු තුනක් නිසා, රාජපක්‍ෂ පවුලේ නායකත්වයෙන් බලයට එන ආණ්ඩුවක් ලංකාවේ දේශපාලන අනාගතයට හානිකර වනු ඇත. පළමුවැන්න, එය ලංකාවේ දැනට ඇති ප‍්‍රධානම නිර්-ලිබරල්, නිර්-ප‍්‍රජාතන්ත‍්‍රවාදී හා අධිකාරවාදී දේශපාලන බලවේගය නිසාය. දෙවැන්න, එය ලංකාවේ දැනට ඇති ප‍්‍රධානතම සිංහල-බෞද්ධ බහුතරවාදී දේශපාලන බලවේගය නිසාය. තුන්වැන්න, එය 2015දී ලද පරාජයෙන් කිසිදු ප‍්‍රජාතන්ත‍්‍රවාදී දේශපාලන පාඩමක් ඉගෙන නොගත්, කිසිදු ප‍්‍රජාතාන්ති‍්‍රක ප‍්‍රතිසංස්කරණවාදී විභවතාවක් නැති නායකත්වයකින්ද, න්‍යායාචාර්යවරුන්ගෙන්ද සමන්විත දේශපාලන බලවේගයක් වන නිසාය. මෙම ලක්ෂණ තුන සිය ගතිලක්‍ෂණය කරගත් දේශපාලන බලවේගයක් බලයට පත්වූ පසු, ලංකාව පසුගිය කාලයේ ලබාගෙන තිබුණු ප‍්‍රජාතන්ත‍්‍රවාදී ජයග‍්‍රහණ ආපසු හැරවීම අප සමාජය මුහුණ දෙන අමිහිරි යථාර්ථයක් වනු ඇත.

එම බලවේගය ප‍්‍රජාතන්ත‍්‍රවාදී ලෙස නැවැත්වීමට ශක්තිය තිබෙන්නේ 2014 අගදී ප‍්‍රතිෂ්ඨාපනය කරන ලද පුළුල් දේශපාලන-සිවිල් සමාජ සහ අන්තර්වාර්ගික සන්ධානය යළි ගොඩ නැගුවහොත් පමණි. එම සන්ධානය දැන් දුර්වල වී ඇත. එහි ප‍්‍රධාන බලවේගයක් වූ ජවිපෙ එය අතහැර ගොස් ඇත. එම සන්ධානයේ නායකයන් අතර අසමගිය, බල තරගය සහ අන්‍යොන්‍ය සැකය වර්ධනය වී ඇත. එහෙත් එය තවමත් කඩා වැටී නැත. පසුගිය සති දෙක තුන තුළ පෙනුණේ, දුර්වල වුවත් එය නොවැටී පවතින බවයි. එය පිළිසකර කර යළි ශක්තිමත් කළ යුතුව තිබේ. එම සන්ධානය Re-invent කළ යුතුව තිබේ. එය ලංකාවේ ප‍්‍රජාන්ත‍්‍රවාදී අනාගතය සඳහා වාර්තමානයේ ඇති ඉතාම තීරණාත්මක කොන්දේසියයි.

යහපාලනයක් ඇති රටකට  ඕනෑ වුණේ නීතියේ පාලනය දැඩිව විශ්වාස කරන පොලිස්පතිවරයෙකි. එහෙත් අපට සිටින්නේ බෝධිපූජා තබා මාර්ග අනතුරු වැළැක්විය යුතුයැයි සිතන පොලිස්පතිවරයෙකි.

යහපාලන ප‍්‍රතිපත්ති අතර පොලිස්පතිවරයා විසින් ඉටු කළ යුතු වගකීම් රැුසක් විය. ආණ්ඩුවම යහපාලනයෙන් පීලි පනින්නට උත්සාහ කළත් එය වළක්වමින් කොන්ද කෙලින් තබාගෙන සිටින පොලිස්පතිවරයෙකු අපට අවැසි විය. එහෙත් දැන් සිටින්නේ නිලමේව අත්අඩංගුවට නොගන්නා බව ප‍්‍රසිද්ධියේ් ‘සර්’ලාට පොරොන්දු වෙන පොලිස්පතිවරයෙකි. අපට අවැසි වුණේ නීතියට ගරු කරන පොලිස්පතිවරයෙකි. එහෙත් අපට ඉන්නේ පූජිත් ජයසුන්දර නම් නීතිය නවන, නීතිය නොතකන පොලිස්පතිවරයෙකි.

පළිගැනීම්

දැන් පොලිස්පතිවරයා තමන්ගේ පෞද්ගලික කෝන්තර පිරිමසාගන්නට පොලිස් කොමිසමේ නියෝගවලටත් පිටුපාමින් ඉතාම නරක සම්ප‍්‍රදායක් නිර්මාණය කරමින් සිටියි. මෙය ඔහුගේ අලූ‍ත් සෙල්ලමක් නොවේ. මීට ටික කාලයකට කලින් අපරාධ විමර්ශන දෙපාර්තමේන්තුවේ අධ්‍යක්ෂ ලෙස පත්වීමට සුදුසුකම් තිබූ ශානි අබේසේකර මහතා ඒ තනතුරට පත් නොකර පොලිස් කොමිසමේ නියෝගය මඟ හරිමින් සිටියේය. අන්තිමේදී ශානි අබේසේකර මහතා පත්කළේ පොලිස් කොමිසමේ තනි මතයට, විශාල බලපෑමක් කිරීමෙන් පසුවය. සති කිහිපයක් තිස්සේ නියෝජ්‍ය පොලිස්පතිවරුන් පස්දෙනෙකු පත් නොකර මඟ හරිමින්, පොලිස් කොමිසමේ නියෝග මඟ හරිමින් සිටින්නට පොලිස්පතිවරයා පටන්ගෙන ඇත. ඒ නිලධාරීන් පස්දෙනා අතරින් දෙදෙනෙකු සමග පොලිස්පතිවරයා මීට පෙර ගැටුම් ඇති කරගෙන තිබේ.

පාලිත සිරිවර්ධන

කිලිනොච්චිය කොට්ඨාසය භාර ජ්‍යෙෂ්ඨ පොලිස් අධිකාරීවරයා පාලිත සිරිවර්ධන නම් වෙයි. 2016 ජුනි 18 වැනිදා පොලිස්පති පූජිත් ජයසුන්දර මහතා කිලිනොච්චියේ දිස්ත‍්‍රික් ලේකම් කාර්යාලයෙහි ප‍්‍රසිද්ධ උත්සවයකට සහභාගි වී ඇත. ඒ අවස්ථාවේදී පොලිස්පතිවරයා ප‍්‍රසිද්ධියේ කියා ඇත්තේ පාලිත සිරිවර්ධන මහතා ගැන දේශපාලනඥයන්ගෙන් චෝදනා ඇති නිසා ඔහු කිසිම රාජකාරියක් නොදී මාරු කර යවන බවයි. ඒ ප‍්‍රකාශය සම්බන්ධයෙන් එෆ්.ආර්. 2018/16 අංකය යටතේ පාලිත සිරිවර්ධන මහතා මූලික අයිතිවාසිකම් පෙත්සමක් ගොනු කර ඇත. එහි තීන්දුව ලැබී ඇත්තේ පොලිස් අධිකාරීවරයෙකුගෙන් ඉහළ තනතුරුවල මාරුවීම් පිළිබඳ බලය ඇත්තේ පොලිස් කොමිෂන් සභාවට නිසා පොලිස්පතිවරයාට එවැනි බලයක් නොමැති බවයි.

ඒ සිදුවීමෙන් ටික කාලයකට පසුව පොලීසියට ඔත්තු ලබාදෙන හිටපු එල්ටීටීඊ සාමාජිකයෙකු පාලිත සිරිවර්ධන මහතා හමුවී කියා ඇත්තේ තමන්ගේ ගිනිඅවිය නිවස පසුපස වළ දමා ඇති බවයි. පාලිත සිරිවර්ධන මහතා සමග ගොස් එම අවිය ගොඩගැනීමට ඔත්තුකරුවා යෝජනා කර ඇත. එහෙත් ඔහු ඒ සඳහා කිලිනොච්චි පොලීසියේ අපරාධ අංශයේ ස්ථානාධිපති යවා ඇත. නිවස පසුපස හාරා ඇතත් ගිනිඅවිය හමුවී නැත.

ඒ සිදුවීමෙන් පසුව පොලිස්පති පූජිත් ජයසුන්දර මහතා සී.අයි.ඞී.යට කිලිනොච්චිය භාර ජ්‍යෙෂ්ඨ පොලිස් අධිකාරීවරයා නිධන් ගොඩගන්නා බව දැනුම්දෙමින් ඒ පිළිබඳ පරීක්ෂණ කරන ලෙස දැනුම් දී ඇත. සී.අයි.ඞී.යෙන් පරීක්ෂණ කොට එවන් වරදක් සිදුව නොමැති බව දැනුම් දී ඇත. නැවතත් ඒ පිළිබඳ පරීක්ෂණ කරන්නැයි වවුනියාව භාර නියෝජ්‍ය පොලිස්පති දේශබන්දු තෙන්නකෝන් මහතා යටතේ සහකාර පොලිස් අධිකාරීවරයෙක් ලවා පරීක්ෂණයක් ආරම්භ කරවන්නට පොලිස්පතිවරයා මැදිහත් වී ඇත. ඒ අනුව පාලිත සිරිවර්ධන මහතාට චෝදනා පත‍්‍රයක් ඉදිරිපත් වී ඇති අතර එහි ඇති කරුණු වැරදි බව පාලිත සිරිවර්ධන මහතා කරුණු දක්වා ඇත. මේ සියල්ල මැද ත‍්‍රස්ත විමර්ශන අංශයෙන් වාර්තාවක් ලැබී ඇත්තේ කිලිනොච්චියේ ජංගම මුර සේවා රථවලට එල්.ටී.ටී.ඊ. සංවිධානයේ සිටි සාමාජිකයන් පහරදී ඇති බවත්, එල්.ටී.ටී.ඊ.ය යළි හිස ඔසවන බවත් කොට්ඨාසය භාර පොලිස් අංශවල නිසි පාලනයක් නොමැති බවත් එහි සඳහන් වී ඇත. ඒ කාරණය දින කිහිපයක් යනතෙක් මාධ්‍ය හරහාද, සමාජ මාධ්‍ය හරහාද හුවමාරු වී සමාජගත විය. එයට ප‍්‍රතිචාර ලෙස පාලිත සිරිවර්ධන මහතා කොට්ඨාසය භාර සියලූ පොලිස් ස්ථානවලින් ජංගම මුර සේවා රථ පිළිබඳ වාර්තාවක් ලබාගෙන ඒ කරුණ සාවද්‍ය බව පෙන්වා ඇත. ඒ පසුගිය වසරේ මැයි, ජුනි කාලයේදීය.

ඒ සිදුවීමෙන් පසුව පාලිත සිරිවර්ධන මහතා පිළිබඳ පරීක්ෂණය පොලිස් අපරාධ විමර්ශන අංශයට බාර දී ඇත.

මේ සිදුවීම් මැද නැවත වතාවක් පාලිත සිරිවර්ධන මහතා මූලික අයිතිවාසිකම් නඩුවක් 89/2017 යටතේ ගොනු කර ඇත. තමන්ට අවමන් සහගත සැලකීම් සිදුවන බව ඔහු පෙන්වා දී තිබුණි. ඒ අනුව නීතිපතිවරයා විසින් පොලිස් කොමිසමට පාලිත සිරිවර්ධන මහතාට ඇති චෝදනා ගැන පරීක්ෂණ බාර දෙන ලෙස දැනුම් දී ඇත. පොලිස් කොමිසමෙන් පාලිත සිරිවර්ධන මහතාට චෝදනා පත‍්‍රයක් ලබාදී තිබුණේ නැත. පොලිස් කොමිසම අභ්‍යන්තර ආරංචි මාර්ග කියන්නේ පාලිත සිරිවර්ධන මහතාට පදනම් සහගත චෝදනා නොතිබූ නිසා එසේ නොකළ බවයි.

ගාමිණී පෙරේරා

නියෝජ්‍ය පොලිස්පති ගාමිණී පෙරේරා 2014 – 2016 කාලසීමාවෙහි කන්කසන්තුරේ කොට්ඨාස බාර පොලිස් අධිකාරි ලෙස කටයුතු කර ඇති නිලධාරියෙකි. ඔහු නැවතත් යාපනයේ කොට්ඨාස භාර පොලිස් අධිකාරී ලෙස මාරු කර යවන්නට පොලිස්පතිවරයා කටයුතු කර ඇත. ගාමිණී පෙරේරා මහතා විසින් ඒ සම්බන්ධයෙන් අභියාචනයක් පොලිස් කොමිසම වෙත ඉදිරිපත් කර ඇත. ඉන්පසුව ගාමිණී පෙරේරාගේ ඉල්ලීම සලකා බලා පොලිස් කොමිසම මාරුවීම නවත්වා ඇත.

2017 සිට පොලීසියේ නියෝජ්‍ය පොලිස්පති තනතුරු සඳහා පුරප්පාඩු හයක් තිබී ඇත.

එම තනතුරුවලට නාමයෝජනා හයක් පොලිස් කොමිසම වෙත නීතිය හා සාමය පිළිබඳ අමාත්‍යාංශ ලේකම්වරයා විසින් එවා ඇත. ඉන් එක් නිලධාරියෙකු විශ‍්‍රාම ගොසිනි. අනෙක් නිලධාරීන් පස්දෙනා වන්නේ ඊ. ජයසූරිය, අනුර අබේවික‍්‍රම, මෙවන් සිල්වා, ගාමිණී පෙරේරා සහ පාලිත සිරිවර්ධන යන නිලධාරීන්ය. පොලිස් කොමිසම මේ නිලධාරීන්ගේ නම් අනුමත කර ඇත. පොලිස්පතිවරයා සහ නීතිය හා සාමය පිළිබඳ අමාත්‍යාංශය වෙත එම නම් යවා ඇත. පොලිස්පතිවරයා මේ තනතුරු ප‍්‍රකාශයට පත් කළ යුතුය.

එසේ වෙතත් පොලිස්පති පූජිත් ජයසුන්දර පොලිස්පතිවරයා ඒ තනතුරු පත් නොකර ගාමිණී පෙරේරා සහ පාලිත සිරිවර්ධන මහත්වරුන්ට උසස්වීම් ලබාදීම පිළිබඳ යළි සලකා බලන ලෙස පොලිස් කොමිසමට දැනුම් දී ඇත. පොලිස් කොමිසම ඒ පිළිබඳ සලකා බලා නැවතත් දැනුම් දී ඇත්තේ ඔවුන්ට උසස්වීම් ලබාදීම පිළිබඳ ගැටලූ‍වක් නොමැති බවයි. තෙවතාවක් මේ උසස්වීම ලබාදෙන ලෙස පොලිස් කොමිසම දැනුම් දුන්නත් ඒවාට පොලිස්පතිවරයා පිළිතුරු ලබාදී තිබුණේ නැත. අපේ‍්‍රල් 23 වනවිට ලිඛිත පැහැදිලි කිරීමක් කරන ලෙස පොලිස්පතිවරයාට පොලිස් කොමිසම විසින් දැනුම් දී තිබුණි. පසුගිය 23 වැනිදාද ඒ පිළිබඳ පැහැදිලි කිරීමක් සිදු වී නොතිබුණි. 23 වැනිදා පොලිස් කොමිසම නැවතත් දැනුම් දී ඇත්තේ සතියක කාලයක් තුළ මේ පත්වීම් සිදුකරන ලෙසයි. එසේ වුණත් මේ සටහන ලියැවෙන මොහොත තෙක්ම ඒ උසස්වීම් ලබාදීමට පොලිස්පතිවරයා කටයුතු කර නැත. මේ වෙද්දී උසස්වීම් ලැබීමට නියමිත නිලධාහු මූලික අයිතිවාසිකම් පෙත්සමක් ගොනුකිරීමේ සූදානමකින් සිටිති. පොලිස් කොමිසම නොතකා හැරීමත්, එය දුර්වල කිරීමත් පොලිස්පතිවරයා විසින් ඇති කරමින් සිටින ඉතාම නරක සම්ප‍්‍රදායකි.

තවත් නිලධාරියෙක්

පූජිත් ජයසුන්දර මහතා යාපනය පොලිස් අධිකාරී ලෙස කටයුතු කළ සමයේදී යාපනයේ සිටි පොලිස් පරීක්ෂකවරයෙකු තමන්ගේ පෞද්ගලික කාරණාවකට නිවාඩු ලබාගෙන ඇත. පූජිත් ජයසුන්දර නිවාඩුව මැදදී නැවත වහා පැමිණෙන ලෙස නියෝග කර ඇති අතර පොලිස් පරීක්ෂකවරයා තමන්ගේ පෞද්ගලික කාරණය එවකට සිටි පොලිස්පතිවරයාට කියා නිවාඩුව දිගටම ලබාගෙන ඇත. ඉන් පසුවද වතාවක් පූජිත් ජයසුන්දර මහතා බස්නානාහිර පළාත බාරව කටයුතු කළ කාලයේදී ඔහුගේ ඉල්ලීමක් ප‍්‍රතික්ෂේප කරන්නට පෙර නිලධාරියාට සිදුවී ඇත. පූජිත් ජයසුන්දර මහතා පොලිස්පති තනතුරට පත්වී ටික කාලයකින් අර නිලධාරියාට බදුල්ල පොලීසියේ රාජකාරියක් නොමැති පත්වීමක් ලැබී ඇත. අදටත් ඒ නිලධාරියා ඉන්නේ ඒ තනතුරේය.

පරණ කතා ටිකක්

පොලිස්පතිවරයා ගැන අතීතය කෙටියෙන් ස්මරණය කිරීම වටියි. පොලිස්පතිවරයා උපාසක රංගනයන්ට කැමති අයෙකු බව ප‍්‍රසිද්ධ කාරණයකි. ඔහු පොලිස්පති තනතුරට පත්වූ විගස අපූරු කතාවක් කීවේය. ඒ පොලිස්පති තනතුර පුරප්පාඩු වූ විගස තමාට තනතුර ලැබෙන ලෙස ප‍්‍රාර්ථනා කරමින් ‘පූජා මිෂන්’ එකක් තමන් ආරම්භ කළ බව ඔහු කීවේය.

පොලිස්පතිවරයා පොලීසියට අපූරු චක‍්‍රලේඛයක් ගෙනාවේය. ඒ අනුව සියලූ පොලිස් ස්ථානවල පොලිස් නිලධාරීන් ආගම් භේදයක් නැතිව මෛත‍්‍රී භාවනාවේ සහ ආනාපානසති භාවනාවේ නිරත විය යුතු විය.  පොලීසිය වධහිංසනය සම්බන්ධයෙන් බරපතළ චෝදනා රැුසකට මුහුණදුන් කාලයක ඔහු එය වළක්වන්නට හොඳම උපක‍්‍රමය ලෙස කල්පනා කරන්නට ඇත්තේ පොලිස් නිලධාරීන් භාවනා කරවීමය. භාවනාව විශ්වාස නොකර, වෙනත් ආගම්වලට අයත් අයටද අවසානයේ භාවනා නියෝගය පිළිගන්නට විය. පොලිස් නිලධාරීන් මෛත‍්‍රීයෙන් පුරවන්නට භාවනාව ගෙන ආ ඔහු භාවනා නොකර සිටි බෞද්ධයෙකුද නොවන පොලිස් මූලස්ථානයේ සෝපාන යන්ත‍්‍ර ක‍්‍රියාකරුට පහර දුන්නේය.

ඒ සියල්ල තිබියදී ලියුම්කරු සමගම සම්මුඛ සාකච්ඡුාවකදී නීතිය හා සාමය පිළිබඳ අමාත්‍යාංශයේ හිටපු ඇමතිවරයා වන සාගල රත්නායක ඇමතිවරයා කීවේ අඩුපාඩු ටිකක් තිබුණත් පොලිස්පතිවරයා ‘වැඩ පෙන්වා’ ඇති බවයි. වැඩ පෙන්වා ඇත්තේ ඇමතිවරයාට සහ ආණ්ඩුවට විය යුතුය. නීතියට නම් ඔහු පෙන්වූ විශේෂ වැඩක් නැත. අපරාධ, මූල්‍ය අපරාධ පරීක්ෂණ කෙළවරක් නැතිව ඇදි ඇදී ගියත් පුරවැසියන් බලාපොරොත්තු වූ ප‍්‍රගතිය පෙන්වා නැත. ඒ පරීක්ෂණ හැකි තරම් ඉක්මනින්, ස්වාධීනව කරවීම තමන්ගේ වගකීමක් බව පොලිස්පතිවරයා විශ්වාස කළ බවක්ද පෙනෙන්නේ නැත.

ජ්‍යෙෂ්ඨ

නියෝජ්‍ය පොලිස්පතිවරු

මෑත කාලයේදී පොලිස් අපරාධ විමර්ශන දෙපාර්තමේන්තුව භාරව සිටි නියෝජ්‍ය පොලිස්පති රවී සෙනෙවිරත්න මහතාට දුරකථන අංක කිහිපයක් පොලිස්පතිවරයාගෙන් ලැබී ඇත. ඒ දුරකථන අංක පිළිබඳ පරීක්ෂා කොට වාර්තාවක් ලබාදෙන ලෙස උපදෙස් දී ඇත. දුරකථන අංක සියල්ල වහාම අදාළ අංශයට යවන්නට ජ්‍යෙෂ්ඨ පොලිස් අධිකාරීවරයා කටයුතු කර ඇත. අදාළ අංශයේ නිලධාරීන් නැවත පැමිණ පෙන්වා දී ඇත්තේ ඒ අංක අතර රවී සෙනෙවිරත්න මහතාගේ දුරකථන අංකයද ඇති බවයි. අනෙක් අංක අයත් වන්නේ අනෙක් ජ්‍යෙෂ්ඨ නියෝජ්‍ය පොලිස්පතිවරුන් කිහිපදෙනෙකුට බවත් ඔහු නිරීක්ෂණය කර ඇත. මේ සිදුවීම් නිසා එම නිලධාරීන්ද පූජිත් ජයසුන්දර පොලිස්පතිවරයා ගැන ඉන්නේ අවිශ්වාසයෙනි. පොලීසියේ පරිපාලනය බිඳවැටීම පිළිබඳව එම නිලධාරීන් පොලිස් කොමිසමට පැමිණිල්ලක්ද ඉදිරිපත් කොට තිබුණි. කෙසේ වෙතත් පොලිස් කොමිසමට පොලිස්පතිවරයා ගැන විමර්ශනය කිරීමේ බලයක් නැති නිසා ඒ පැමිණිල්ල විභාගයට ගැනුණේ නැත. සැබැවින්ම පොලිස්පතිවරයා ඉල්ලා අස්වීමෙන් මිස, සාධාරණ ක‍්‍රමවේදයක් හරහා ප‍්‍රායෝගිකව ඔහුව ඉවත් කළ නොහැකිය.

පොලිස්පතිවරයා ඉල්ලා අස්විය යුතුව තිබුණේ තෙල්දෙණියේ සිදුවීම් පොලීසියට පාලනය කරගත නොහැකි වුණ මොහොතේය. පොලීසිය මොනතරම් දුර්වලද යන්න තදින්ම පැහැදිලි වුණේ ඒ අවස්ථාවේදීය.

‘‘කරනවා නම් කරනවා. නැත්තන් යන්න යනවා.’’ පොලිස්පති තනතුර බාරගත් පසුව ඒ ගැන පූජිත් ජයසුන්දර කීවේ එසේය. දැන් ඔහු කරපු දෙයක් නැති නිසා දැන් ඔහුට කියන්න ඇත්තේ ඔබ කරපු දෙයක් නැති නිසා දැන් ගෙදර යන්න කියායි.

මෑත කාලයේ මත්පැන් සම්බන්ධයෙන් වූ සිය ව්‍යාජ ප‍්‍රතිපත්තිය ප‍්‍රසිද්ධියේම කරලියට ගෙන ආ පුද්ගලයා වූයේ හිටපු ජනපති මහිින්ද රාජපක්‍ෂය. ඒ ජෙනරාල් සරත් ෆෝන්සේකා සම`ග පැවති ඔහුගේ දෙවන ජනාධිපතිධුර සමයේදීය.
සිංහල බෞද්ධ ඡුන්ද ඇතුළු වෙනත් ඡුන්ද ආකර්ෂණය කර ගැනීම සඳහා ඔහු එය නම් කරනු ලැබුයේ ‘මතට තිත’ යනුවෙන්ය. ලියුම්කරු එම මතට තිත යන්න ව්‍යාජයක් බව ඒ සමයේම හෙළිදරව් කළේය. ඒ ජනාධිපතිවරණ ප‍්‍රචාරක සමය තුළ කර්තෘවරුන් සඳහා කොළඹ හිල්ටන් හෝටලයේ පැවති රාතී‍්‍ර භෝජන සංග‍්‍රහයේදී ප‍්‍රසිද්ධියේ නොව අප‍්‍රසිද්ධියේ කර්තෘවරුන්ට හෝටල් කාමර තුළ මත්පැන් සංග‍්‍රහ කළ බව පෙන්වාදෙමින්ය. ඊට ලියුම්කරු විසින් දෙනු ලැබූ නම වූයේ තිතට මත යන්නය. කොහොමත් හිටපු ජනාධිපති මහින්ද රාජපක්‍ෂ මත්පැන් පානය කළා සේම ඔහු විසින් පැවැත්වූ සාදවලදී එහි ආරාධිතයන්ට, මත්පැන් සංග‍්‍රහ කළේය.

වත්මන් ජනාධිපති මෛතී‍්‍රපාල සිරිසේන ජනාධිපති සටනට ඉදිරිපත් වන විට ඔහුගේ ප‍්‍රචාරක ව්‍යාපාරය තුළ මත්පැන් විරෝධයක් සඳහන් වන්නේ නැත. (ඇත්ත වශයෙන්ම එම අවස්ථාවේදී මෛතී‍්‍රපාල සිරිසේන යනු වෙනත් සමාජ බලවේගයක් විසින් කාලාන්තරයක් තිස්සේ මතුකරමින් ආ සමාජ ප‍්‍රජාතන්ත‍්‍රවාදී ප‍්‍රතිසංස්කරණ න්‍යාය පත‍්‍රයක් පිළිගනිමින් ඒවා කි‍්‍රයාත්මක කිරීම සඳහා නිර්පාක්ෂිකයෙකු ලෙස අවසාන මොහොතේ ජනාධිපති සටනට තෝරාගත් පුද්ගලයෙක් විය.)

කෙසේ වෙතත් 2015 ජනවාරි 08 ජයග‍්‍රහණයෙන් පසු පැවැති නිදහස් දින සැමරුම පවත්වනු ලැබුයේ ජනාධිපති මෛතී‍්‍රපාල සිරිසේනගේ ප‍්‍රධානත්වයෙනි. සාම්ප‍්‍රදායිකව රාජ්‍ය නායකයා විසින් නිදහස් දින සැමරීමේ රාතී‍්‍ර භෝජන සංග‍්‍රහය එදින පවත්වනු ලැබූයේ ජනාධිපති මන්දිරයේය. ඊට තානාපතිවරුන් ඇතුළු තානාපති කාර්යාල නියෝජිතයන්ටද, කථානායක ඇතුළු පාර්ලිමේන්තු නියෝජිතයන්ටද, ඉහළ රාජ්‍ය නිලධාරීන්ටද 2015 ජනවාරි 08 ජයග‍්‍රහණයට උරදුන් කි‍්‍රයාකාරීන්ටද ආරාධනා කර තිබුණි. ලියුම්කරුද ඉන් එක් අයෙක් විය.
අහෝ ඛේදයකි. විදේශීය තානාපතිවරුන් ඇතුළු තානාධිපති සේවයේ පිරිසටද ආරාධනා කර තිබූ රටේ ජාතික නිදහසේ එම රාතී‍්‍ර භෝජන සංග‍්‍රහය තුළ සැර මත්පැන් තබා සැර අඩු මත්පැන් ලෙස හඳුන්වන බියර් හෝ වයින්වත් සංග‍්‍රහ කළේ නැත. ඒ වෙනුවට තිබුණේ ජින්ජර් බියර් හා පැණි බීම වර්ගය. අතීතයේ මත්පැන් විරෝධියෙකු නොවූ ජනාධිපති මෛතී‍්‍රපාල සිරිසේන සිය ප‍්‍රචාරකවාදී මත්පැන් විරෝධය කරලියට ගෙනාවේ එදාය. එහි ඊළග පියවර ඔහු ප‍්‍රදර්ශනය කරනු ලැබුයේ හිටපු මුදල් අමාත්‍ය රවී කරුණානායක විසින් මහින්ද රාජපක්‍ෂ පාලන සමයේදී වැරදි ලෙස බියර් ඇතුළු සැර අඩු මත්පැන් සඳහා පනවා තිබූ බද්ද නිවැරදි කළ අවස්ථාවේදීය. සැර වැඩි මත්පැන් නිෂ්පාදකයන්ගේ කොන්ත‍්‍රාත්කරුවන් යැයි සිතිය හැකි මත්පැන් විරෝධී ප‍්‍රචාරකවාදීන්ගේ ප‍්‍රචාර හමුවේ කිසිදු තර්කානුකූල විග‍්‍රහයකින් තොරව ඔහු විසින් කරනු ලැබුයේ එම සුරාබදු නියෝග අවලංගු කරන ලෙස බල කිරීමය. එහි ප‍්‍රතිඵලය වූයේ බියර් ඇතුළු සැර අඩු මත්පැන් පානයට වඩා සැර වැඩි මත්පැන් පානය ලාභදායී එකක් බවට පත්වී මිනිසුන් තව තවත් සැර වැඩි මත්පැන් සඳහා යොමු කිරීමය.
කෙසේ වෙතත් මංගල සමරවීර මුදල් අමාත්‍යාංශය බාරගැනීමෙන් පසු සැර අඩු මත්පැන් සඳහා අධික ලෙස පනවා තිබූ බදු ඉවත් කරනු ලැබූ අතර ඊට ද ජනාධිපති මෛතී‍්‍රපාල සිරිසේනගෙන් එල්ලවූයේ දැඩි විරෝධයකි. එම අභියෝගයට මුහුණ දෙමින් මුදල් අමාත්‍ය මංගල සමරවීර මත්පැන් සඳහා බදු අයකරන ජාත්‍යන්තර ක‍්‍රමවේදය පිළිබඳව විග‍්‍රහකරමින් මත්පැන් බදු පිළිබඳ තාර්කික අදහසක් ඉදිරිපත් කරමින් නොසැලී සිටියේය.

එහෙත් අවසන් වරට සිදු කළ මත්පැන් සම්බන්ධ අයිතිවාසිකම් පිළිබඳ වූ සමානාත්මතාවේ නිවැරදි කිරීම නම් ජනාධිපති මෛතී‍්‍රපාල සිරිසේනගේ ප‍්‍රසිද්ධ ගෝරනාඩුව හමුවේ හා කැබිනට් මණ්ඩලයේ ගෝත‍්‍රිකයන්ගේ ඔළුගෙඩි ගණන වැඩිවීම හේතුවෙන් අකුලා ගන්නට මුදල් අමාත්‍ය මංගල සමරවීරට සිදුවිය. ඒ 1979 වර්ෂයේදී නිකුත් කර ඇති සූරාබදු නිවේදන 666 යටතේ මත්පැන් සම්බන්ධයෙන් කාන්තාවන්ට පමණක් වාරණ පනවමින් නිකුත් කර තිබූ නියෝග නිවැරදි කරමින් ස්තී‍්‍ර පුරුෂ සමානාත්මතාව පදනම් කර ගනිමින් නිකුත් කරන ලද ගැසට් පත‍්‍රය අවලංගු කර ගැනීමට සිදුවීමෙන්ය. එම අංක 666 වන සුරාබදු නිවේදනය අනුව අවුරුදු 18ට වැඩි කාන්තාවන්ට මත්පැන් මිලදී ගැනීමට, මත්පැන් නිෂ්පාදන ස්ථානවල සේවය කිරීමට හා පූර්ව අනුමැතියකින් තොරව මත්පැන් වෙළෙඳාම් කිරීම තහනම් කර තිබුණි. එම තහනම 2018 ජනවාරි 10 දින අංක 2053/26 දරන අතිවිශේෂ ගැසට් පත‍්‍රයෙන් මුදල් අමාත්‍ය මංගල සමරවීර ඉවත්කර තිබුණි. ඉහත කී ජනාධිපතිවරයාගේ හා කැබිනට් මණ්ඩල ගෝත‍්‍රිකයන්ගේ අත් එසවීම මගින් එය 2018 ජනවාරි 18 දින අංක 2054/42 දරන අතිවිශේෂ ගැසට් පත‍්‍රය මගින් ආපසු හරවන්නට සිදුවිය.

මේ ආපසු හැරවීමට එරෙහිව මෙරට පුරවැසි කාන්තාවන් 11 දෙනකු විසින් ීක්‍රැුත්‍ඍරැු25රැු2018 යටතේ දැනටමත් ශී‍්‍ර ලංකා ආණ්ඩුක‍්‍රම ව්‍යවස්ථාව මගින් ස්ථාපිත කර ඇති සිය අයිතිවාසිකම් කඩවූවා යැයි සඳහන් කරමින් ශ්‍රේෂ්ඨාධිකරණයේ පිහිට පතා ඇත. එහි වගඋත්තරකරුවන් වන්නේ මුදල් අමාත්‍ය මංගල සමරවීර, මුදල් අමාත්‍ය ලේකම් ආචාර්ය ආර්.එච්.එස්. සමරතුංග හා නීතිපතිවරයාය.
එම පෙත්සමින් ප‍්‍රකාශ කර ඇත්තේ ආණ්ඩුක‍්‍රම ව්‍යවස්ථාවෙන් සහතික කර ඇති නීතිය පසිඳලීම සහ කි‍්‍රයාත්මක කිරීමද නීතියේ රැුකවරණයද සර්ව සාධාරණ විය යුත්තේය. යන එහි 12(1) ව්‍යවස්ථාව,

කිසිම පුරවැසියකු වර්ගය, ආගම, භාෂාව, කුලය, ස්තී‍්‍ර පුරුෂභේදය, දේශපාලන මතය හෝ උපන් ස්ථානය යන හේතු මත හෝ ඉන් කවර හෝ හේතුවක් මත වෙනස්කමකට හෝ විශේෂයකට හෝ භාජනය නොවිය යුත්තේය යන 12(2) ව්‍යවස්ථාව හා එකලාව හෝ අන් අය හා සමග යම් නීත්‍යනුකූල රැකියාවක, වෘත්තියක කර්මාන්තයක වෙළෙඳ ව්‍යාපාරයක හෝ ව්‍යවසායක නියුක්තවීමේ නිදහසට හිමිකම් ඇති 14(1) (උ) ව්‍යවස්ථාව මේ තීරණ මගින් උල්ලංඝනය කර ඇති බවය. එහි තීරණය කුමක්ද යන්න පසුවට තීරණය වනු ඇත.
මත්පැන් යන්න නීති විරෝධි දෙයක් නොවේ. බදු අයකර, බලපත‍්‍ර ලබාදී කරගෙන යන ව්‍යාපාරයක්ය. රජයක් කළ යුත්තේ වඩා උසස් ප‍්‍රමිතියෙන් යුත් මත්පැන් නිෂ්පාදනයට දිරිදීමය. සැර අඩු මත්පැන් සඳහා මිනිසුන් පොළඹවාලීමය. එමගින් රජයට බදු ආදායමක් නොලැබෙන කිසි ප‍්‍රමිතියෙන් තොර නීති විරෝධී මත්පැන් ව්‍යාපාරය අඩාල කිරීමය. එහෙයින් අපි නීත්‍යනුකූල මත්පැන්වලට විරුද්ධ නැතැයි කිව යුතුය.

අප මෙම කථාව කියන්නේ නීත්‍යනුකූල මත්පැන්වලට විරුද්ධ නැති ඉහත පසුබිමේ පිහිටාය. ඔවා දෙනු පරහට තමා සම්මතයේ පිහිටා කියා කවුරුත් දන්නා ප‍්‍රසිද්ධ කියමනක් තිබේ. එය ජනාධිපති මෛතී‍්‍රපාල සිරිසේනටත් අදාළය. හිටපු ජනාධිපති මහින්ද රාජපක්‍ෂ මතට තිත නොව තිතට මත කි‍්‍රයාත්මක කරමින් සිටිනවා යනුවෙන් ලියුම්කරු එදා ලීවේ ඒ නිසාය. දැන් අපි මේ කියන්න යන්නේ ජනාධිපති මෛතී‍්‍රපාල සිරිසේනගේ ඔවා ඔහුගේ ක්ෂුද්‍ර පවුල සම්බන්ධයෙන්ද කි‍්‍රයාත්මක කරන්නට බැරීවීමක් පිළිබඳවය. කථානායිකාව පල්ලේවත්ත ගමරාළලාගේ දර්ශනී චතුරිකා පල්ලේවත්ත හෙවත් පල්ලේවත්ත ගමරාළලාගේ දර්ශනී චතුරිකා සිරිසේනය. නැත්නම් අපට සමාජයේදී ප‍්‍රකටව හමුවන ජනාධිපති සිරිසේනගේ දියණීය චතුරිකා සිරිසේනය. ලියුම්කරු මීට පෙරද ඇයගේ වෙළෙඳ දැන්වීම් සමාගම ගැන හෙළිදරව් කළ පරිදීම ඇයට කප්රුක පහළවන්නේ සිය පියා ජනාධිපති ධුරයට පත්වීමෙන් පසුය.

පොළොන්නරුව බැදිවැව, 23 වන සැතපුම් කණුව ලිපින යැති වත්මන් ‘තිදස් අරණ’ හෝටලය හා පෙර ‘තිදස් අරණ’ රෙස්ටුරන්ට් යන්න ඇයගේ හෝටල් ව්‍යාපාරයය. මේ රෙස්ටුරන්ට් එක සඳහා මත්පැන් විකිණීමේ බලපත‍්‍රයක් මුලින්ම ලබාගන්නේ 2015 ජනවාරි 08 ජයග‍්‍රහණයෙන් පසුය. සුරාබදු දෙපාර්තමේන්තුව FL 11 TB හෙවත් රට බීම 11 සංචාරක මණ්ඩලයේ A අනුමැතිය සහිත මත්පැන් බලපත‍්‍රයක් ඇය වෙනුවෙන් මුලින්ම නිකුත් කරන්නේ 2015.06.16 දින සිටය. බලපත‍්‍රලාභිනිය පල්ලේවත්ත ගමරාළලාගේ දර්ශනී චතුරිකා පල්ලේවත්තය. ඇගේ ලිපිනය පළමු පටුමග, නව නගරය, පොළොන්නරුවය. බලපත‍්‍රය කි‍්‍රයාත්මක වන ස්ථානය තිදස් අරණ රෙස්ටුරන්ට්, 23 වන සැතපුම් කණුව, බැදිවැව, පොළොන්නරුවය. වාර්ෂිකව නිකුත් කරන නැත්නම් අලූත් කරන එම බලපත‍්‍රය ඈ දිගටම පවත්වාගෙන යන්නීය. අප එම හෝටලයේ දුකරථන අංකය වන 0272225577 අපේ‍්‍රල් 19 දින කථාකොට එහි කාමර පහසුකම් ගැන විමසුවෙමු. එහිදී මත්පැන් ගැනද විමසුවෙමු. කිසිදු අවුලක් නැත. හෝටලයේ නවාතැන් ගන්නන්ට රාතී‍්‍ර 10 දක්වා එහි රෙස්ටුරන්ට් එකේ මත්පැන් ලබා ගත හැකිය. ඒ සඳහා තිදස් අරණ හෝටලයට අදාළ www.thidasarana.com වෙබ් අඩවියට ගොස් විස්තර බලා ගැනීමට හැකිය. නැත්නම් එම හෝටලයේ දුරකථන අංකයට කථාකර විස්තර දැනගැනීමට හැකිය.

දැන් ඔබට තවදුරටත් ගැටලූවක් ඇතිවීමට හැකිය. මේ කියන තිදස් අරණ හෝටලය චතුරිකා සිරිසේනගේද යන්නය. ඔව්. එය ඇයගේය. සමාගම් ලියාපදිංචි කිරීමේ දෙපාර්තමේන්තුවේ ඇති ලිපිගොනුව අනුව THIDAS ARANA HOTEL (PRIVATE) LIMIRED ලියාපදිංචි අංකPV 122949 යටතේ ලියාපදිංචි කර ඇත. එහි එකම අධ්‍යක්‍ෂවරිය හා කොටස්කාරිය ජාතික හැඳුනුම්පත් අංක 828034022 හිමි අංක 06 පළමු පටුමග, නව නගරය, පොළොන්නරුව ලිපිනයැති පල්ලේවත්ත ගමරාළලාගේ දර්ශනී චතුරිකා පල්ලේවත්තය. යහපාලන ආණ්ඩුව පැමිණීමට පෙර මත්පැන් විකිණීමේ බලපත‍්‍රයක්වත් නොමැතිව කුඩාවට තිබූ මේ හෝටලය අද එසේ මෙසේ එකක් නොවේ. වායුසමීකරණ, වයිෆයි, පිහිනුම් තටාක, මත්පැන් ඇතුළු සියලූ පහසුකම් අද එහි ගතකරන්නෙකුට ලබා ගත හැකිය. අපේ‍්‍රල් 19 දින අප එම හෝටලයට කථා කරන විට උදෑසන ආහාරය සමග ද්විත්ව කාමරයක මිල රුපියල් 17,045කි. ඒ දිනවල දෙනවා යැයි කියූ 30%ක වට්ටම අඩු කළ විට උදෑසන ආහාරය සමග කාමරයක මිල රුපියල් 11,932 කි. වට්ටම් සහිත උදෑසන, දිවා හා රාති‍්‍ර ආහාර සහිතව ද්විත්ව කාමරයක මිල රුපියල් 15,000කි. 2015 ජනවාරි 08න් පසු ජනාධිපති මෛතී‍්‍රපාල සිරිසේනගේ ක්ෂුද්‍ර පවුලට කප්රුක් පහළ වී ඇතැයි තිදස් අරණ හෝටලයේ මේ සුපිරි බවෙන් සිතා ගත හැකිය.

පෙර කියූ පරිදිම අප නීත්‍යනුකූල මත්පැන්වලට විරුද්ධ නැත. එමෙන්ම එහි ව්‍යාපාරික අවස්ථාවන්ටද විරුද්ධ නැත. චතුරිකා සිරිසේනටද මත්පැන් විකිණිය හැකිය. අපට ප‍්‍රශ්නය ඇත්තේ රටටම බණ දෙසන ජනාධිපති මෛතී‍්‍රපාල සිරිසේනගේ ප‍්‍රතිපත්ති හා කි‍්‍රයාව අතරය. ඔහුගේ ප‍්‍රතිපත්ති කෙසේවෙතත් දියණියගේ කි‍්‍රයාව අනුව නම් අපට අසන්නට වන්නේ අහෝ සිරිසේන ඔබගේ දහම අනුව හුදී ගැහැනුන්ට නම් මත්පැන් සමග බොහෝ දේ බැරිය. චතුරිකා සිරිසේනට විතරක් අරක්කු විකුණන්න පුළුවන් කියාය.