පාර්ලිමේන්තු මන්ත්රී රන්ජන් රාමනායකට ඉදිරි මහ මැතිවරණයේදී නාමයෝජනා ලබාදෙන බව විපක්ෂ නායක සජිත් පේ‍්‍රමදාස පොරොන්දු වී ඇතැයි වාර්තා වේ.
ඒ අනුව ගම්පහ දිස්ත‍්‍රික්කයෙන් රන්ජන් රාමනායක මන්ත‍්‍රීවරයාට නාමයෝජනා ලබාදීමට බලාපොරොත්තු වන බව වැඩිදුරටත් වාර්තා වෙයි.
අනිද්දා කළ විමසීමකදී රන්ජන් රාමනායක මන්ත‍්‍රීවරයා ප‍්‍රකාශ කළේ තමා ඉදිරි මහ මැතිවරණයට ස්වාධීන අපේක්ෂකයෙකු ලෙස ඉදිරිපත් වීමට සැලසුම් කර තිබුණත්, එක්සත් ජාතික පක්ෂයෙන් මැතිවරණයට ඉදිරිපත් වන ලෙස ඉහළ ඉල්ලූමක් ඇති බවය.
තමාට චෝදනා එල්ල වූ මුල් අවස්ථාවේ එක්සත් ජාතික පක්ෂයේ ඇතැම් කණ්ඩායම් තමා විවේචනය කළත්, මේ වන විට ජනප‍්‍රියත්වය වැඩිවී ඇති නිසා බොහෝ අය තමා සමග හිතවත්ව කතා කරන බව ඔහු කීය.
රන්ජන් රාමනායක මන්ත‍්‍රීවරයාගේ හඩපට ප‍්‍රසිද්ධ වීමෙන් පසුව ජනවාරි 08 වැනිදා ඔහුට එරෙහිව විනය පරීක්ෂණයක් පවත්වන බව එක්සත් ජාතික පක්ෂ මහලේකම් අකිල විරාජ් කාරියවසම් ප‍්‍රකාශ කර තිබුණි.
ඊට පෙර එක්සත් ජාතික පක්ෂයේ මන්ත්රීවරුන් පිරිසක් රන්ජන් රාමනායක මන්ත‍්‍රීවරයා විවේචනය කරමින් කියා තිබුණේ බෞද්ධ හිමිවරුන් විවේචනය කළ නිසා ඔහුට ඉදිරි මැතිවරණයේදී නාමයෝජනා ලබා නොදිය යුතු බවය.
