ශ‍්‍රී ලංකා නිදහස් පක්ෂය පොදුජන පෙරමුණ සමඟ එක්වීමට විරෝධය පළ කරමින් චන්ද්‍රිකා කුමාරතුංග සහ කුමාර වෙල්ගම ප‍්‍රමුඛ ශ‍්‍රීලනිපය සුරැුකීමේ කණ්ඩායම ඉදිරි සතියේදී දිස්ත‍්‍රික්ක 14ක රැුස්වීම් පවත්වමින් ගෝඨාභය රාජපක්ෂ මහතා පරාජය කළ යුතු බව ශ‍්‍රීලනිප සාමාජිකයන්ට පෙන්වාදීමට බලාපොරොත්තු වන බව එම කණ්ඩායමේ නියෝජිතයෝ කිහිපදෙනෙක් අනිද්දා සමග පැවසූහ.
තවත් සතියක පමණ කාලයක් පවතින බවත්, හැකි උපරිමයෙන් එම කාලය ඇතුළත තම මතය සමාජගත කිරීමට කටයුතු කරන බවත් ඒ පිළිබඳව අදහස් දක්වමින් ශ‍්‍රීලනිපය සුරැුකීමේ සංවිධානයේ ලේකම් රජික කොඩිතුවක්කු පැවසීය.
එම කණ්ඩායම නොවැම්බර් 05 වැනිදා සුගතදාස ගෘහස්ථ ක‍්‍රීඩාංගණයේදී පැවැත්වූ සමුළුවේ සංවිධායකයෙකු වූ ශ‍්‍රීලනිප මීරිගම ආසන සංවිධායක සංජය සිරිවර්ධන ඒ පිළිබඳව අදහස් දක්වමින් ප‍්‍රකාශ කළේ ඉදිරියේදී ශ‍්‍රීලනිපයේ තවත් කණ්ඩායමක් තමන් සමඟ එකතුවීමට බලාපොරොත්තු වන බවයි. නොවැම්බර් 05 සමුළුවට ශ‍්‍රීලනිප ආසන සංවිධායකවරුන් 20කට වැඩි පිරිසක් සහ දිස්ත‍්‍රික් සංවිධායකවරුන් 40කට වැඩි පිරිසක් සහභාගි වූ බව ඔහු කීය. එම සමුළුවෙන් පසුව ආසන සංවිධායකවරුන් සහ ශ‍්‍රීලනිප වෘත්තිය සමිති නායකයන් සැලකිය යුතු පිරිසක් තම කණ්ඩායම සමඟ එක්වීමට කැමැත්ත පළකර ඇතැයි ඔහු කීය.
ජනාධිපතිවරණයේදී ගෝඨාභය රාජපක්ෂ මහතා පරාජය කිරීම තම කණ්ඩායමේ ප‍්‍රධානම අරමුණ බව ඔහු කීය. ජනාධිපතිවරණයෙන් පසුව ශ‍්‍රීලනිපය සමඟ එක්ව, පොදුජන පෙරමුණ අබිබවමින් එය නැවත ශක්තිමත් කිරීමට බලාපොරොත්තු වන බවද ඔහු පැවසූ අතර ඒ වෙනුවෙන් ශ‍්‍රීලනිප සභාපතිධුරයට හිටපු ජනාධිපතිනි චන්ද්‍රිකා බණ්ඩාරනායක මැතිනිය පත්කළ යුතු බව ඉල්ලමින් රට පුරා ප‍්‍රචාරක ව්‍යාපාරයක් දියත් කිරීමටද බලාපොරොත්තු වන බව කීය. ශ‍්‍රීලනිප මධ්‍යම කාරක සභිකයන් එම අරමුණට සහයෝගය පළකරනු ඇතැයි බලාපොරොත්තු වන බවත් ඔහු පැවසීය.
