මේ ජනාධිපතිවරණයේ දී, කළ යුතු හොඳ ම දේ ගෝඨාභය රාජපක්‍ෂ පරාජය කළ හැකි ශක්තිමත් ම අපේක්‍ෂකයා මෙන් ම ප‍්‍රජාතන්ත‍්‍රවාදී පිළෙහි ශක්තිමත් ම අපේක්‍ෂකයා වන සජිත් පේ‍්‍රමදාසට ඡුන්දය දී ඔහු ජයග‍්‍රහණය කරවීම ය.
තරග වදින අපේක්‍ෂකයන්ගෙන් ප‍්‍රජාතන්ත‍්‍රවාදී පිල නියෝජනය කරන සජිත් පේ‍්‍රමදාස නොවන වෙනත් අපේක්‍ෂකයකුට, සිය කැමැත්ත පළ කිරීමට කැමති, සියලූ ඡුන්දදායකයන්, සිය පළමු මනාපය එකී අභිමත අපේක්‍ෂකයාට හෝ අපේක්‍ෂිකාවට දී, දෙවැනි මනාපය (හෝ තුන්වැනි මනාපය* ගෝඨාභය රාජපක්‍ෂ පරාජය කළ හැකි ශක්තිමත් ම අපේක්‍ෂකයාට ලබා දිය යුතු යැ’යි අපි යෝජනා කරමු.
සංයුක්ත ව කිව්වොත්, ජාතික ජන බලවේගයේ අනුර කුමාර දිසානායකටත්, ජනතා ව්‍යාපාරයේ මහේෂ් සේනානායකටත් සිය කැමැත්ත පළ කරනු රිසි ඡුන්දදායකයන්, සිය දෙවැනි හෝ තුන්වැනි හෝ මනාපය, ගෝඨාභය රාජපක්‍ෂ පරාජය කළ හැකි ශක්තිමත් ම අපේක්‍ෂකයා වන සජිත් පේ‍්‍රමදාසට දිය යුතු යැයි අපි විවෘතව ම කියමු.
එසේ කරන විට, කිසිවකුගේ දේශපාලන පාරිශුද්ධභාවයට කිසිම පාඩුවක්, අවමානයක් වන්නේ නැත. පළමු මනාපය ගණන් කරන විට, තමා අභිමත අපේක්‍ෂකයාට තමාගේ කැමැත්ත ලැබී ඇති බව පැහැදිලි වනු ඇත. එමගින්, අවුරුදු හැත්තෑ එකක් පුරා ලංකාව විනාසයට ඇද දැම්මේ යැ’යි කියන ප‍්‍රධාන දේශපාලන පක්‍ෂ දෙකේ අපේක්‍ෂකයන්ට තමාගේ ඇති බලවත් විරෝධතාව පළ කළ හැකි ය.
එහෙත්, ඒ පාරිශුද්ධභාවයත් ආරක්‍ෂා කර ගෙන, නොමැරී, වධබන්ධනයන්ට භාජනය නොවී, අයිතිවාසිකම් රැුකෙන ජීවිතයක් ගත කරන්නට කිසිවකු කැමැති නම්, ඔහු හෝ ඇය, ගෝඨාභය රාජපක්‍ෂ රාජ්‍ය පාලනය ඩැහැ ගැනීමේ අනතුර පහ කරන්නට ද දායක විය යුතු ය.
මෙසේ ඉල්ලන්නට අප කිසිම හිතේ කහටක් නැත්තේ, යුක්තිය, සාධාරණය, නීතිය කැමති අප හැම දෙනාගේ ම නිරුපද්‍රැත අනාගතය සහතික වනු ඇත්තේ අඩු ගණනේ ඒ පියවර ගතහොත් පමණක් වන නිසා ය.
ඒ නිසා අනුර දිසානායක මහතාත්, මහේෂ් සේනානායක මහතාත් ඇතුළු ප‍්‍රජාතන්ත‍්‍රවාදී පිල නියෝජනය කරන ජනාධිපති අපේක්‍ෂකයන් සියලූ දෙනා, තමන්ගේ ඡුන්දදායකයන්ගෙන් පළමු මනාපය තමන්ට දෙන ලෙසත්, දෙවැනි මනාපය සජිත් පේ‍්‍රමදාසට දෙන ලෙසත්, ඉල්ලා සිටීම මැනවැ’යි අපි යෝජනා කරමු. ඒ යෝජනාව, දශක ගණනක දේශපාලන ඥාන සම්භාරයක් හා පළපුරුද්දක් මෙන් ම, මහා ජන පදනමක් ද ඇති තමන්ගෙන්, කිසි ම ජන පදනමක් නැති, කිසිවකුට කඬේ යන, හුදු පත්තරකාරයන් කරන විකාර සහගත ඉල්ලීමක් නොවේදැ’යි සලකා අවඥාවෙන් බැහැර නොකරන ලෙස ද ඉල්ලමු.
2015දී, මහින්ද රාජපක්‍ෂ මහතා පරාජය කිරීමට එක පෙරමුණක සිට ඡුන්දය දුන් සියලූ ම යුක්ති ගරුක මිනිසුන්ගෙන් අප ඉල්ලා සිටින්නේ, තමන්ගේ දේශපාලන පාරිශුද්ධභාවය ද තබා ගෙන, රට බිහිසුණු අනාගතයකට ඇද ගෙන යන ප‍්‍රජාතන්ත‍්‍ර විරෝධී ෆැසිස්ට් බලවේගය බලයට පැමිණීමේ ක්‍ෂණික තර්ජනය පරාජය කිරීමට නොවැම්බර් 16 වැනිදා, එක පෙරමුණක සිටගන්නා ලෙස ය. තනි කතිරයක් ගැසීමෙන් ඊට දායක වන්නට කිසියම් පැකිළීමක්, විරෝධයක් තිබේ නම්, පළමුවැනි හා දෙවැනි වශයෙන් මනාප ලකුණු කර වක‍්‍ර ව හෝ ඊට දායක වන ලෙස ය. (ප‍්‍රධාන අපේක්‍ෂකයන් දෙදෙනා නොවන අපේක්‍ෂකයකු වෙනුවෙන් ලකුණු කෙරෙන දෙවැනි හෝ තුන්වැනි හෝ මනාපයක්, ඡුන්ද ගණන් කිරීමේ දී ගණන් කරන්නේ වත් නැති බව ද ජනාධිපතිවරණයේ නීතියයි.*
ගෝඨාභය රාජපක්‍ෂ පෙරමුණු කර ගත් පරණ ¥ෂිත රාජපක්‍ෂ පාර්ශ්වය බලයට පැමිණීම වනාහි 2015න් පසු අප ලබා ගෙන ඇති රටේ සැලකිය යුතු ප‍්‍රජාතන්ත‍්‍රවාදී ප‍්‍රතිසංස්කරණ ආපස්සට හැරවීම බව අලූතෙන් කිව යුතු නැත. අප සියලූ දෙනාට ම දේශපාලනය කළ හැකි වන්නේත්, අපගේ ජීවිකා වෘත්තීන්හි බිය නැතිව නියැලිය හැකි වන්නේත්, අදහස් පළකිරීමේ නිදහස රැුක ගත හැකි වන්නේත්, ඊළඟ මහ මැතිවරණයේ දී අපේ ඉහළ නැගෙන බලය උරගා බලන්නට හැකි වන්නේත්, හැම දෙනාට ම බයෙන් සැකෙන් තොර ව ජීවත් විය හැකි සමබිමක් ඇත්නම් බව ද අලූතෙන් කිව යුතු නැත. ඒ නිසා, කවර අඩුපාඩුකම් තිබුණත්, මේ ජයග‍්‍රහණ කිසිවක් ආපස්සට හරවන්නට ප‍්‍රජාතන්ත‍්‍ර විරෝධී බලවේගයට ඉඩ දිය යුතු නොවේ.
2015න් පසු අප දිනා ගත් ප‍්‍රජාතන්ත‍්‍රවාදී ප‍්‍රතිසංස්කරණ ආපස්සට හරවන්නට අපි කැමැත්තෙමු ද? මරණ බිය සමග ඉදිරිය ගෙවන්නට අපි කැමැත්තෙමු ද? එසේ නොමැති නම්, කළ යුත්තේ තමන්ගේ දේශපාලන අනන්‍යතාව ද රැුක ගන්නා ගමන්, ආඥාදායකත්වය පරාජය කිරීමට ද දායක වීම ය.
ඒ නිසා, ඡුන්දය සජිත් පේ‍්‍රමදාසට දෙන්න. එසේ කිරීමට ඇති සාධාරණ හේතු සති ගණනාවක් පුරා අපි කියා ඇත්තෙමු.
ඊට අකමැති, එහෙත් ප්රජාතන්ත්රවාදය වෙනුවෙන් කැක්කුමක් ඇති අය, පළමු මනාපය අනුර දිසානායකට හෝ මහේෂ් සේනානායකට හෝ දුන්නා වුණත්, දෙවැනි මනාපය සජිත් පේ‍්‍රමදාසට දෙන්න.x
කතුවැකිය 2
