ජාතික පාසැල්වල හා මධ්‍ය මහා විද්‍යාලවල පුරප්පාඩු සම්පූර්ණ කිරීම සඳහා බඳවාගැනීමට නියමිත සිසුන් වෙනුවෙන් බඳවාගැනීමේ උත්සවයක් අරලියගහ මන්දිරයේ සංවිධානය කර ඇති බවත් එය මැතිවරණයක් ප‍්‍රකාශ කර ඇති මොහොතක නීතිවිරෝධී ක‍්‍රියාවක් බවත් ලංකා ගුරු සංගමයේ ප‍්‍රධාන ලේකම් ජෝසෆ් ස්ටාලින් මහතා පැවසීය.
එම උත්සවය සැප්තැම්බර් 24 වැනිදා උදෑසන 8.30 පැවැත්වීමට සැලසුම් කර ඇත. එම පාසැල්වල විදුහල්පතිවරුන්ට අධ්‍යාපන අමාත්‍යාංශයෙන් දන්වා ඇත්තේ එසේ බඳවාගැනීමට නියමිත සිසුන්ව හා මාපියන්ව රැුගෙන අදාල දින අරලියගහ මන්දිරයේ පැවැත්වෙන උත්සවයට පැමිණෙන ලෙසය.
ජෝසෆ් ස්ටාලින් මහතා පෙන්වාදෙන්නේ එම සිසුන්ව බඳවාගැනීමේ ක‍්‍රියාවලිය උත්සව පවත්වා කළ යුතු එකක් නොවන බවයි. එමෙන්ම ඒ සඳහා අරලියගහ මන්දිරයට ගෙන්වා ලියුම් ලබාදීමක්ද සිදුකළ යුතු දෙයක් නොවන බවය.
