විධායක ජනාධිපති ක‍්‍රමය අවසන් කිරීම, යහ පාලනය ඇති කිරිම තරමටම දේශපාලනයේ පුද්ගල ජනපි‍්‍රයත්වය පිළිබඳ ප‍්‍රබල සංවාදයක් අවශ්‍ය වේ. ලංකා ජනපි‍්‍රය දේශපාලනය බරපතල අර්බුදයකි. වරක් ජේ.ආර් මරමු (ජේ.ආර් මරමු* කියාද, පසුව, මේ කවුද මොකද කරන්නේ (මේ කවුද මොකද කරන්නේ* කියාද පෝස්ටර් දෙකක් රටේ තාප්ප බිත්තිවල ඇලවිණ. ඒ එජාපයට එරෙහි ජනපි‍්‍රය පුද්ගල ව්‍යාපාරයකි. ඒ හරහා ලැබූ ජයග‍්‍රහණ හරහා ඇද වැටුණ එක්සත් ජාතික පක්‍ෂයට අදත් නැගිටිමක් නැත.
1995 වනවිට විශිෂ්ට මිනිසුන්ගේ දේශපාලනය වඳ වෙමින් තිබිණ. එ දවස නායකයන්ට තිබුණේ භක්තියකි. ගෞරවයකි. එය තීන්දු වුණේ ඔහුගේ කි‍්‍රයා කලාපය අනුවය. ඒ කාලයේ පාලකයන් ජනපි‍්‍රයත්වය පසුපස ගියේ නැත. ගොවි ජනපද ව්‍යාපාර ඞී.එස්. සේනානායකගේ ව්‍යාපෘතියකි. එදා විපක්‍ෂයේ මාක්ස්වාදීන් එය දුටුවේ කාක්කන් වැනි මැලේරියා මදුරුවන්ට මිනිසුන් බිලි දීමක් ලෙසය. ජාතියේ බත්පතවූ ගොවි ජනපද ව්‍යාපාර වර්ගවාදි යුද සමයේ මායිම් ගම්මානවල සකි‍්‍රය ආරක්‍ෂක පවුරද විය. සැබෑ නායකත්වය එහෙමය. හිතූ පරිදි මගීන් ගසා කන නිසා, ත‍්‍රීවිලර්වලට මීටර් සවි කිරිමට ගත් තීන්දුව රටේ ජනාධිපති නතර කළේය. හේතුව දස ලක්‍ෂය ඉක්මවූ ත‍්‍රීවිලර්කරුවන් සතු විසි ලක්‍ෂයක ඡුන්ද ප‍්‍රමාණයයි.
ගෝනවල සුනිල්ට සහ කතරගම මනම්පේරි ඝාතනයේ දෙවන විත්තිකරුට ජනාධිපති සමාව ලැබිණ. ඒ ඡුන්ද ගැන හිතලාය. එල්ලූම් ගහට නියමවූ කෙනෙකුට ජනාධිපති ලබා දීමට පිරිසක් විලියම් ගොපල්ලව හමුවිය. විස්තර ඇසූ නාමික ජනාධිපති කීවේ මම මේකා ගැන දන්නවා. මූ නිදහස් කළොත් මගෙ වලටත් හෙණ ගහයි කියා ය. පාලකයන් හෘදය සාක්‍ෂියට අවනත වෙනවා කියන්නේ එහෙමය.
රටක අවශ්‍යතා ඡුන්දයෙන් යටපත් කිරීම අපරාධයකි. මැලේරියාව උග‍්‍රවූ නවසිය හැට ගණන්වල ආණ්ඩුව මාර්ග බාධක දමා බලෙන් මිනිසුන්ට මැලේරියා පෙති ගිල්ලවිය. ඒ ඡුන්ද ගැන නොව මිනිස් ජීවිතවල ආරක්‍ෂාව සැලකිල්ලට ගෙනය. හඳෙන් හාල් ගෙන දීමට ජනතාව පත් කළ ආණ්ඩුවක් යටතේ මිනිස්සු කුසට අහරක් නැතිව පාරේ මිය ගියහ. පරමාර්ථ දේශපාලනය සහ ජනපි‍්‍රය දේශපාලනය හැඩරුව එසේය.
දිළින්දෙකු ලෙස මියගිය ආචාර්ය සී.ඩබ්ලිව්.ඩබ්ලිව්. කන්නන්ගර නිදහස් අධ්‍යාපනයේ පියාය. 1936 රාජ්‍ය මන්ත‍්‍රණ සභාවට පත් වූ හෙතෙම, 1947දී මුහුණ දුන් සිය දෙවන මැතිවරණයෙදී පරාජය විය. ජනාධිපති පේ‍්‍රමදාස මහපොළ අරමුදල නිර්මානය කළ ලලිත් ඇතුලත් මුදලි එජාපයෙන් නෙරපීය.
1956දී පැය 24න් සිංහල රාජ්‍ය භාෂාව කිරිම පල් බොරුවකි. සිංහල භාෂාව අදටත් අධිකරණ පද්ධතියේ නිල භාෂාව නොවේ. ලේ සොලවා රට කළඹා වාහනවලට යෙ¥ ශී‍්‍ර අකුරත් රටේ සංහිඳීයාවත් දෙකම නැත. බොහෝ ජනපි‍්‍රය දේ පල නොදරති. හානිකරය. ශ‍්‍රී ලංකා රාමඤ්ඤ මහා නිකායේ භාරකරු ඩි.එස්.සේනානායක හේන්පිටගෙදර ඤාණසිංහ හිමියන්ට භික්‍ෂු අභ්‍යාස විද්‍යාලයක් සඳහා රජයේ මුදල් යෙදවීමට කැමති නෙවීය. හාමුදුරුවරුන්ට එජාපය එපාවිම 56 පෙරළියට මුල් විය. භික්‍ෂුන් රජ කරවූ බණ්ඩාරනායක භික්‍ෂුවක් අතින් මැරුම් කෑවේය. අදටත් ඞී.එස්. ජාතියේ පියා මෙන්ම මහාමාන්‍ය සේනානායක වෙති. බණ්ඩාරනායක සෙවල බණ්ඩාය. ඩඞ්ලි කපන්න කපන්න සුවඳ හමන සඳුන් ගසකි. ජනපි‍්‍රය දේශපාලනය පල නො දරති. හානිකරය. අද ආර්. පේ‍්‍රමදාස ගැන කතා කරන්නේ සජිත් පමණකි.
1968-70 කාලයේ ඇමති ආර්. පේ‍්‍රමදාසගේ පූට්ටු පාලම් ව්‍යාපෘතිය ජන රැුල්ලක පාවිය. එය දුටු ඩඞ්ලි දේශපාලනඥයෙක් විදියට මෙහෙම පිම්බෙන්න පේ‍්‍රමදාසට ලජ්ජා නැද්ද කියා කැබිනට් මණ්ඩලයේදී ඇසීය. එදා පරමාදර්ශී විශිෂ්ටයන් පිළිකුල් කළ ඒ ලජ්ජා නැති ජනපි‍්‍රයකම අද වන විට රටම විනාස කරමින් සිටි. ඩඞ්ලි දුටු පේ‍්‍රමදාසගේ ලජ්ජා නැති දේශපාලනය ආමර් වීදියෙන් අවසන් විය. අනේ අපොයි කී අය අඩුය. ජානගත දෝෂයක් නිසා පේ‍්‍රමදාසගේ පුතා වර්තමානයේ රටේ පෙළ ගැස්ම අවුල් කරමින් සිටියි. යුද්ධය දිනු මහින්ද එපාවුණේ ජනපි‍්‍රය වීමට රටේ නීතිය කැඞීම නිසාය.
ඔහුගේ සිල් රෙදි බෙදිල්ලෙන් ජනාධිපති ලේකම් හිරේ ගියේය. නියමවූ දඩ ගෙවන්න පිණ්ඩපාතික පාත්තර ගෙන භික්‍ෂුන් පාරට බැසිමෙන් භික්‍ෂුත්වය කම්බස් විය. යුද්දේ අවසන් කළ නිසා හොරකම් කළත් කමක් නැත යයි බෞද්ධ භික්‍ෂුන් අනුදැන වදාලේ කාර් පර්මිට් වාසිය නිසාය. ඒ අල්ලස් දුන්නේ ආණ්ඩුවේ අරමුදලෙනි. උසාවියට අපහාස කොට හිරේ ගිය මහනෙකු වීරයෙකු වුණේ ද, ජනපි‍්‍රය දේශපාලනය නිසාය.
වේඬරුවේ උපාලි නා හිමියන් යතීන්ද්‍ර පූජා (යතීන්ද්‍ර පූජා* උත්සවයේදී සුදු අඳින සියලූ දෙනා පිරිසිදු චරිත ඇති අය බවට විශ්වාස නැති බව කීහ. තම චරිත කිළිටි කරගත් බොහෝ දෙනා සැගවෙන්නේ සුදු ඇඳුම තුළ බවත් එවන් සමාජයක කතානායක කරු ජයසුරිය දුර්ලභ ගණයේ උතුම් චරිත ලක්‍ෂණ වලින් හෙබි සැබෑ ලෙසම මනුෂ්‍යත්වය අර්ථවත් කළ නායකයෙකු බව උන්වහන්සේ ප‍්‍රකාශ කළහ. ඒ කතාවට ගල්මුල් වැදුණේද නැත.
උන්වහන්සේ නීතියක් නැති රටට හිට්ලර් වර්ගයේ පාලකයෙකු ඉල්ලා සිටි විට ගල්මුල් එල්ල විය. ලංකාවේ දේශපාලනයේ පවත්නා විකෘතිවූ ජනපි‍්‍රයත්වයට තවත් උදාහරණ උවමනා නැත. අගමැති ඞී.එස්. සේනානායකට 1951දී විදේශ සංචාරයට් සඳහා ලංකාණ්ඩුව පවුම් 150ක් නිකුත් කළේය. සංචාරය අවසානයේ අගමැති වරයා අත ඉතිරි, පවුම් 101ක මුදලක් ආපසු රජයට භාර දුන්නේය. බෝතලේ වලව්වේ සුරක්‍ෂිතව ඇති ගමන් බල පත‍්‍රයේ මේ සටහන දැකිය හැකිය.
යු.බි.වන්නිනායක මුදල් ඇමති ලෙස වරක් ලෝකු බැංකුවේ සැසිියක සභාපති ලෙස පත්විය. එකී තනතුර වෙනුවෙන් ත්‍යාග කළ මෝටර් රියේ වටිනාකම ලංකා රජයට බැර කරන ලෙස එතුමා බලධාරින්ට දැන්වීය. ඒ අවස්ථාවේ ලෝක බැංකුව කියා සිටියේ එකී සිහිවටන ත්‍යාගය උක්කු බණ්ඩා වන්නිනායකට මිස ලංකාණ්ඩුවට නොවන බවය. එදා වන්නිනායක කියා ඇත්තේ රැුස්විමට පැමිණියේ ලංකාවේ මුදල් ඇමති මිස වන්නිනායක නොවන බවය. එ දවස පාර්ලිමේන්තුවේ මාල හොරු සිටියේ නැත. ඉහත කී සිද්ධින්ට තටු ලැබී ඉගිළ පෝස්ටර් ලෙස ඇලවුණේ නැත. එසේම රජයෙන් නිකුත් සියථ කාර් පර්මිට් පෙරළා රජයට භාරදුන් කරු ජයසුරියගේ කතාව තටු ලැබී ඉගිළී පෝස්ටර් ලෙස ඇලවුණේ නැත. එහෙත් රට ඉල්ලන්නේ ආණ්ඩුවේ මුදල් අයථා ලෙස යොදා දෙමාපියන්ගේ සොහොන් කොත් තැනූ පාලකයන් නම්………? ලංකා දේශපාලනය ජනපි‍්‍රයත්වය ඩැහැ ගැනීමට ඉඩදිය යුතු නැත.
ඩුබායි හී පැවති එළිය සංවිධාන සාකච්ඡුාවේ මැදගොඩ අභයතිස්ස හිමි සමග වාඩිවි සිටියේ උදයංග වීරතුංග නම් ජාත්‍යන්තර වරෙන්තුකාරයාය. උදයංග වීරතුංගලා සමග ගෝඨාභයලා අභයතිස්සලා පෙළ ගැසීම රටේ පාලනය තක්කඩි පවුලකට බිලිවන බවට සහතිකයකි. තක්කඩින් සුද්ධ කරන්නේ ජනපි‍්‍රය දේශපාලනඥයන් සමග හිඳ ගත් විට සියලූ වරෙන්තුකරුවන් අපරාධකාරයන් නිදොස් කොට නිදහස්ව සුදු ඇන්ද කීර්තිමතුන් බවට පත්වේ.
වැලිකඩ හිරගෙදර විසි ගණනක් පෝලිම් ගස්වා ඝාතනය කිරිම, ලසන්ත වික‍්‍රමතුංග තාජුදීන් ඝාතන, ප‍්‍රදීප් එක්නැලිගොඩ අතුරුදන් කිරිම, කලක් යටපත්ව තිබීමද, තංගල්ලේ ස්තී‍්‍ර ¥ෂණ මිනි මරුම් සිද්ධිය මහා බි‍්‍රතාන්‍ය බලපෑම නිසා යටපත් නොවීම, මහ බැංකු මංකොල්ලය, ව්‍යාජ පාස්පෝර්ට් එකක් සමග හසුවූ විමල් වීරවංශ බේරා ගැනීම ආදි යහ පාලන සිද්ධින්ද රාජපක්‍ෂවාදින්ට ප‍්‍රශ්න නොවේ. එහෙත් යහපත් රටක් අපේක්‍ෂා කරන මධ්‍යම පන්තිකයන්, බුද්ධිමතුන් ඒ අතීතය ගැන දරන මතය කුමක්ද?
ජනපි‍්‍රයත්වයෙන් අන්ධව එක එකා පසුපස යා යුතු නැත.
ආමිස ලාභයෙන් අන්ධවූ මුරුත්තෙට්ටුවේ ආනන්ද භික්‍ෂුව හොරකම් කළත් යුද්ධය අවසන් කළා නේද කියා මහින්ද රාජපක්‍ෂට දුන් සහතිකයෙන් පේ‍්‍රමවතී මනම්පේරි ඝාතකයන්ද නිර්දෝෂී වේ. බෞද්ධ භික්‍ෂුවක් එසේ අපරාධ කාරයන්ට ආශීර්වාද කළාට, ස්වභාවික යුක්තිය යටපත් නොවේ. මනම්පේරි නඩුවේ පළවෙනි චුදිත ලූතිනන් ඇල්ප‍්‍රඞ් විජේසුරිය හෘදයාබාධයක් වැළඳී ජම්පරය පිටින් මිය ගියේ ය. දෙවන චුදිත සැරයන් රත්නායක හිරෙන් නිදහස් වුවද, 1988 භීෂණ යුගයේ පිහි ඇනුම් කා වෙඩි කා මිය ගියේය. විශිෂ්ඨයන් පැවැත්මෙන් ජනපි‍්‍රය වෙති. අශිෂ්ඨයන් ජනපි‍්‍රයවීමට නීතිය හසුරුවති. නූරියේ අතකොටාත්, ලලිත් වීරතුංගත්, හම්බන්තොට පිස්තෝල ප‍්‍රනාන්දුත්, ගලගොඩඅත්තේ භික්‍ෂුවත් දේශපාලනයට ගොදුරු වූ අපරාධ කරුවෝ වෙති. ජනවාරියේ සමාජගතවූ රණවිරු වියරුව නිල ඇඳුමට මිනී මැරීමට දුන් සහතිකයකි. අශිෂ්ඨත්වය නීතිගත කිරිමකි. ජනපි‍්‍රයකම පසුපස යමින් මිනිසුන් පුම්බන ජන මතය හැමදාම එකී පාපයෙන් දුක් විඳිති. විඳවති. සාරුව සුනිල්ට බිලිවූ අකුරැුස්සේ බොහෝ දැරියන්ගේ බොහෝ දෙමාපියන් රාජපක්‍ෂ වාදිහූ වෙති.
ඞී.එස්.සේනානායක උපන් ගම්පහ ජනතාවගේ 86 වසරක දේශපාලන හැසිරීම ජනපි‍්‍රය දේශපාලනයට බිලි වී හමරය. 1924 ව්‍යවස්ථාදායක සභාවට ඞී.එස්.සේනානායක නිතගයෙන් පත් වුණේ නිතරගයෙනි. ඔහු මිය යන තෙක්ම ගම්පහට මීරිගමට ආඩම්බරයක් ගෞරවයක් විය. 1931 දී ඞී.එස්. මෙන්ම ඩි.බි.ජයතිලක නිතරගයෙන් පත් විය. 1936දී ඇස්.ඩබ්ලිව්.ආර්.ඞී. බණ්ඩාරනායකද ඊට එක් කළහ.
2010 අපේ‍්‍රල් 8 වෙනි දින මහ මැතිිවරණයේදී ගම්පහ එජාප ඡුන්දදායකයන් මනාප 88850ක් දී දිස්ත‍්‍රික් ප‍්‍රථමයා ලෙස රුවන් විජේවර්ධනද, මනාප 88135ක් දී පබා හෙවත් උපේක්‍ෂා ස්වර්ණමාලී දෙවැන්නා ලෙසද, 60310ක්දී පබාටත් පැරදුණු කරු ජයසුරිය නිර්මානය කළහ. නිළියක නිසා පාර්ලිමේන්තු ගිය පබා, එකී පස් වසර තුළ සිය පෞද්ගලික ජීවිතයට බොහෝ දේ එකතු කර ගත්තාය. 2015දීද නථවෙකු නිසාම, ගම්පහ මිනිස්සු රන්ජන් රාමනායකට මනාප 216463ක් දෙමින්, අර්ජුන රණතුංගලා,රුවන් විජේවර්ධනලා, සවුත්තු කළහ. වර්තමානයේ අර්ජුන රණතුංගට රුවන්ට සාපේක්‍ෂකව රන්ජන්ගේ භූමිකාව කෙසේද? 2010දී ගම්පහින් තුන්වැනියා වූ දේශබන්දු කරු ජයසුරිය පුද්ගලික මන්ත්රී යෝජනාවක් ලෙස 2010.09.23. දින ගෙනා තොරතුරු ලබා ගැනීමේ නිදහස පනත් කෙටුම්පත අද එය ශක්තිමත් අයිතිවාසිකමකි.
2001දී සම්මත වූ 17 වෙනි සංශෝධනයට කරු ජයසුරිය මුල් විය. 2018 ඔක්තෝබර් කුමන්ත‍්‍රණය රටේ යහපතට කළමනාකරණය කළ අයෝමය පුරුෂයා 2010දී පබාටත් පැරදුණු කරු ජයසුරිය යි.ගම්පහ උදාහරණයට ගත්තාට රටේ සාමාන්‍ය මිනිස්සු සිය සර්ව ජන ඡුන්ද බලය පාවිච්චි කළේ එසේය. දේශපාලනයේ ජනපි‍්‍රය භාවය පිළිබඳ සත්‍යය ජනතාව තේරුම් ගත යුතුවේ. කරු ජයසූරිය 17 වෙනි සංශෝධන විවාදයට එක් වෙමින් 2001.09.24. දින කළ දීර්ඝ කතාවේ මෙසේ දැක්වේ. ‘‘ අප රාජ්‍ය සේවක ඔබට මෙසේ කියනවා. ඔබට පඩි ගෙවන්නේ මහජන මුදලින් මිස, බලයේ සිටින පාලක පැලැන්තියේ සාක්කුවෙන් නොවේ.
සෑම විටකම ඔබ තම යුතුකම ඉෂ්ඨ කරන්න. තම රාජකාරි කටයුතු වලදී ආත්ම ගෞරවය රැුක ගන්න.තම හෘදය සාක්‍ෂියට එකගව කි‍්‍රයා කරන්න.ඔබගේ දක්‍ෂතා හා කැපවීම මත රැුකියා උස්සවීම් ලැබෙන ක‍්‍රමයක් ස්වාධීන කොමිෂන් සභා වලින් නිර්මානය කරනු ඇත. එහෙයින් උසස්වීම්, මාරුවීම් හෝ අනෙකුත් සේවා කරුණු සම්බන්ධයන් බලවතුන්ට කත් අදින යුගය අවසන් විය යුතුවේ.’’කරු ජයසූරියලා අපේක්‍ෂා කරන්නේ මෙවැනි ජනතාවාදි දේශපාලනයකි. එහෙත් තවමත් රට එතනට ළ`ගාවී නැත.
අයහපත් දේශපාලනය යනු කරු ජයසූරිය අබිබවා උපේක්‍ෂා ස්වර්ණමාලිද, අර්ජුන රණතුුංග අබිබවා රන්ජන් රාමනායකද ඉස්මතු කිරිමය. කෙනෙකු චරිතවත් නොවේ නම් සුදු ඇන්දාට ජනපි‍්‍රය වුණාට පලක් නැත යයි වේඬරුවේ නා හිමියන් කීම මෙතැනට ගැලපේ. ජනපි‍්‍රය දේශපාලකයන් සමග වාඩිවන පල් හොරුන් සිල්වතුන් වේ. එක ජාතියේ කුරුල්ලන් එක අත්තේ වහනවා වාගේ ය. ඩුබායිහිදී උදයංග වීරතුංග මැදගොඩ අභයතිස්ස හිමි සමග එකට වාඩි වී සිටියේ ඒ නිසාය.
මුල් යුගයේ පාලකයන් තීරණ ගත්තේ රට වෙනුවෙනි. මිනිසුන් එල්ල කොට යමක් කළේ නැත. රට ශක්තිමත්වූ විට මිනිසුන් ඉබේම ශක්තිමත් වෙති. ජනපි‍්‍රය දේශපාලනඥයා වංචනිකයෙකි. මධ්‍යම පළාතේ ප‍්‍රකට එතනෝල් ව්‍යාපාරික දේශපාලනඥයෙකු සිය ධනය යොදා ප‍්‍රදේශයේ දිළිඳු වැඩිහිටියන් සිද්ධස්ථාන වන්දනාවේ ගෙන යති. ආර්.පේ‍්‍රමදාස යුගයේ තැනූ උදාගමකට ගිය එජාප මන්තී‍්‍රවරයෙකු හැම ගෙදරකම එල්ලා තිබුණ අර එතනොල්කාරයාගේ පින්තූරය ගැන විමසූ විට ලැබුණ පිළිතුර මෙසේය.
‘‘අපි අවුරුද්දකට සැරයක් වට වන්දනාවේ යන්නේ මේ උත්තමයා.’’ පිළිතුර ඇසූ අය උනුන් මුහුණ බලා නිහඬ වූහ. එතනෝල් සමග මුන් සිද්ධස්ථාන පමණක් නොව රටද විකුණති. සජිත් පේ‍්‍රමදාස වෙහෙසෙන්නේ විධායක ක‍්‍රමය අහොසි කිරිම හෝ සංහිඳීයාව ගැන නොවේ. චෛත්‍ය 2000ක් ගැනය. අර එතනෝල්කාරයාගෙත් පේ‍්‍රමදාසගේ පුතාත් අතර ඇති වෙනස කුමක්ද? 1911 ව්‍යවස්ථාදායක සභාවට ලාංකික කොට්ඨාසය වෙනුවෙන් පැවති තරගයේදී (ඡුන්ද 981 ලැබූ* දකුණේ දොස්තර මාකස් ප‍්‍රනාන්දු පරදවා (ඡුන්ද 1645දී * උතුරේ පොන්නම්ලම් රාමනාදන් වැඩි ඡුන්ද 664ක් තෝරා යැවූ ලාංකික ජනතාව අද සිටින්නේ කොතැනද? x
x නීතිඥ චන්ද්‍රසිරි සෙනෙවිරත්න
