සජිත් ඉල්ලීම පොදු සංධානයට හූනියමකි.
සජිත් පේ‍්‍රමදාස ජනාධිපති අපේක්‍ෂකයා කිරීමට කබීර් හෂීම් පාර්ලිමේන්තු කණ්ඩායම් රැුස්වීමට කළ යෝජනාව බිත්තරය බිම වැටුණා මෙන් කට්ට බිඳී ජූස් හැම තැනම විසිරිණ. එය මලික් සමරවික‍්‍රම එජාපයට කළ තවත් හූනියමකි. එජාප සභාපති තනතුර කිළිටි කරන කබීර්, මලික්ගේ රූකඩයකි.
පොදු සංධානයකට යාමට, එජාපය ගත් තීරණය අවුල් කිරීමට සජිත්- තිස්ස අත්තනායක මෙවැනි කුමන්ත‍්‍රණයක් 2015දීද දියත් විය. එය පිටුපස සිටියේ රාජපක්‍ෂලාය. එය අවසානයේ තිස්ස අත්තනායකට උන්හිටි තැන් අහිමි විය. මෙවර පොදු සංධානය විනාස කිරීමට කැසකවන කබීර් හෂීම් ද්‍රෝහියෙකි. ආර්. පේ‍්‍රමදාස එජාපයට අහිමි කළ ගාමිණි දිසානායක, එජාපයට නැවත පැමිණි අවස්ථාවේ, විපක්‍ෂ නායකකමට වැඩි ඡුන්දයෙන් තේරුවේ, එජාප පාර්ලිමේන්තු කණ්ඩායම විසිනි. එවැනි ඓතිහාසික තීන්දු ගත් එජාප පාර්ලිමේන්තු කණ්ඩායම මලික්, සජිත්ලා කබීර්ලාට, අවනත නොවීම රටේත් පක්‍ෂයේත් ජයග‍්‍රහණයකි.
වර්තමාන එජාපයට සජිත් තබා රනිල් ගැන හෝ හුදෙකලා තනි තීරණයක් ගත නොහැකිය. හේතුව එජාපය පුළුල් සංධානයක ප‍්‍රමුඛයා වන හෙයිනි. ජනවාරියේ මහින්ද ලබාගත් පනස් හත්ලක්‍ෂය පෙබරවාරියේ හතලිස් නවලක්‍ෂය තෙක් අඩුවී ඇත. අගෝ්ස්තුවේ එජාපය ගත් පනස් ලක්‍ෂය පෙබරවාරියේ තිස් හය ලක්‍ෂය තෙක් අඩුවී ඇත. සිරිසේන රනිල් දෙදෙනා කොළේ ඉරා ගත්තාට, ජනවාරියේ පුළුල් සංධානය සහ එහි අරමුණු අදටත් එදා මෙන් ශක්තිමත්ය. ජනවාරිවරු හිස් චරිත මෙන්ම වංචනික පක්‍ෂ විශ්වාස නොකරති. විධායකයේ බලතල කප්පාදු කළ ජනවාරි ව්‍යාපාරය රටේ අනාගතයට අවශ්‍ය පදනම දමා අවසන්ය. එජාපය සංධානගත වන්නේද ගතවිය යුත්තේද එකී යුග මෙහෙවර සඳහාය. ඒ පසුබිමෙහි එජාපය හුදෙකලාව ජනාධිපති තරගයට මුහුණ දෙන්නේ ඇයි? 1999දී සහ 2005දී ළග ළග ජනාධිපති මැතිවරණ දෙකකින් එජාපය පරාජය විය. ඒ නිසාම, 2010 සහ 2015 යන ජනාධිපති මැතිවරණ දෙකම මගහැරීමටද දිවයිනේ පැරණිම පක්‍ෂයට සිදුවිය. 19 වෙනි සංශෝධනයෙන් එක් කකුලක් සහ අතක් බිඳදැමූ විධායක ජනාධිපති ධුරය අහෝසි කිරීමට කැපවෙනු මිස අපේක්‍ෂකයා එජාපයෙන් ඕනෑ ආදි කොන් කතා කීමේ උවමනාව කාගේද?
හම්බන්තොට ප‍්‍රාදේශීය සභාවක් දිනාගත නොහැකි සජිත් පේ‍්‍රමදාස රටේ ජනාධිපති අපේක්‍ෂකයා කරන්න උත්සාහ කරන්නේ දිනවන්න නොවේ. කාගේ හෝ උවමනාවටය. ඒ උවමනාව පිටුපස සමහර විට සිටින්නේ රාජපක්‍ෂලා විය හැකිය. සජිත් මෙහෙයවන ජනාධිපති සිරිසේනගේ විය හැකිය. මලික්ලා කබීර්ලා සේනසිංහලා අජිත් පෙරේරාලා මේ නටන්නේ පක්‍ෂයට ආදරෙන් නම් නොවේ. නාම යෝජනා උදුරාගෙන සිරිසේනගේ කරේ නැග ජනාධිපති වීමට, සජිත් හිතනවාය. ඒ කල්පනාව සජිත්ගේ පැත්තෙන් හරිය. හේතුව සජිත් නිසා රනිල් හතුරු කරගත් සිරිකොතට ගල් ගැසූ, සජිත්ගේ ටීම් එක සිරිසේනගේ උපදේශකයන් හෙයිනි. ඔවුහු වරක් රනිල් වට්ටන්නට මහින්ද රටේ අගමැති කරවීමට තැත් කළෝය. එයින් සිද්ධ වුණේ සිරිසේන විනාසවීම පමණකි. මේ කි‍්‍රයාත්මක වන්නේ එජාපයේ නායකයා වෙනස් කරන සටනේ තවත් කොටසකි. පාස්කු ප‍්‍රහාරය නොවන්නට මේ වන විට රටේ අගමැති සජිත්ය.
සිරිසේන ජනාධිපති අපේක්‍ෂකයාය. ඒ තනි අශ්වයාගේ රේස් එක නතර වුණේ පාස්කු ප‍්‍රහාරය නිසාය. සිරිසේනගෙන් බඩ පුරා කෑ එජාපය සිරිසේනට යටවන්නේ නැත. සජිත්ට දුන්නා කියන්නේ සිරිසේනට දුන්නා වාගේමය. 2019 ජූලි 23 වෙනිදා එජාප පාර්ලිමේන්තු කණ්ඩායම කබීර්ලාට මලික්ලාට සජිත්ලාට හත්පොළේ ගාගන්න ඉඩදී බලාසිටියේ සිරිසේන, සජිත් එකම පොට්ට කාසියේ දෙපැත්ත බව දන්නා හෙයිනි.
17 වසරක් ජයග‍්‍රාහීව රට කරවූ එජාපය, 1988දී පේ‍්‍රමදාස නිසා විනාස විය. ඔහු පළවෙනි කැබිනට් සංශෝධනයේදී පේ‍්‍රමදාස, ගාමිණී කපාහැරියේය. ගාමිණිලා උදව් නොකළා නම් 1988දී පේ‍්‍රමදාස දිනන්නේ නැත. ගාමිණී යනු එදවස එජාපයේ සිහින කුමරා විය. යෝධ ශක්තියක් වූ ගාමිණි දිසානායක, හාහාපුරා කියා 1970දී පාර්ලිිමේන්තු එනවිට, 28 හැවිරිදිය. පේ‍්‍රමදාස හාහාපුරා කියා 1960දී පාර්ලිිමේන්තු එනවිට, 36 හැවිරිදිය. ගාමිණි 1977දී මුලින් කැබිනට් ඇමති වන විට, 35 හැවිරිදිය. පේ‍්‍රමදාස 1968දී මුලින් කැබිනට් ඇමති වන විට, 44 හැවිරිදිය. මේ නිසාම පේ‍්‍රමදාස ගාමිණිටත්, ගාමිණීගේ පෞරුෂයටත් දැවැන්ත ශක්තියටත් හැමදාම වෛර කළේය. පේ‍්‍රමදාසගේ පුතා සජිත්ගෙන් තරුණ පසුපෙළ මන්තී‍්‍රන් අපේක්‍ක්‍ෂා කරන්නේ කුමක්ද? ජාතික නිවාස සංවර්ධන අධිකාරියට පමණක් 3785ක් නව පත්වීම් සජිත් පේ‍්‍රමදාස දී තිබිණ. ඒ සියලූ දෙනා හම්බන්තොටින්ය. එජාප පසුපෙළ මන්ත‍්‍රීන්ට සජිත් තුළ පවත්නා ඇල්ම ආදරය මෙයින් පැහැදිලි වේ. 2015 සිට රස්සා ඉල්ලමින් තමන් වට කරන රැුකියා විරහිත එජාප දරුවන් සජිත් ජනාධීපති කරවන්න ඡුන්දය දිය යුතුද? ඒ රැුකියා ප‍්‍රමාණය මන්ත‍්‍රීන් 20ක් අතර බෙදුවා නම් එක් දිස්ති‍්‍රක්කයක එජාප ඡන්දදායකයන් 150 දෙනෙකු රැකෙනවාය.
ජේආර් එජාපයේ ‘ටොප් ටෙන්’ තේරුවේ 1977 ජනවාරි 29 දිනය. රජ වෙන්නට සිතා සිටි, එදිනද ගාමිණි පේ‍්‍රමදාසට මදිපුංචිකමක් විය. එජාපයට එක්වී වසර 21කට පසුව, එකී තේරීමේදී පේ‍්‍රමදාස ඡුන්ද 118ක් ලැබීය. එජාපයට එක්වී වසර 7කට පසුව, ගාමිණි එදා ඡුන්ද 108ක් ලැබීය. ගාමිණි නිසා ඇතිවූ ඒ පරතරය තුළ තවත් නියෝජ්‍ය නායකයෙකු නිර්මාණය වීම ගැන පේ‍්‍රමදාස සිටියේ වෛරයෙනි. එදා ගාමිණීට වටිනාකමක් දුන් එජාප සංවිධායකවරු ඉතිරි 8 දෙනා දෙමළ මුස්ලිම් කුල ගෝත‍්‍ර ආගම් පිළිවෙළට පෙළගස්වා එජාපයේ අනන්‍යතාවද තහවුරු කළහ. මේ ඉතිහාසය, පක්‍ෂ සම්ප‍්‍රදාය හදාරා නැවත පෙළගැසෙයි නම් එජාපයට හෙට දවස ශක්තිමත් කළ හැකිය.
මහා බි‍්‍රතාන්‍යයේ ප‍්‍රධාන පක්‍ෂ දෙක මෙන්ම මහා බි‍්‍රතාන්‍යයද එසේ පවතින්නේ සම්ප‍්‍රදායට අනුගත නිසාය. චරිත නොව තම පක්‍ෂය ගැන කල්පනා කළ යුතු වේ. නලින් බණ්ඩාරලා, අශෝක් අබේසිංහලා, හේෂාන් විතානගේලා, බණ්ඩාරිගොඩලා මේ ඉතිහාසය සම්ප‍්‍රදාය තේරුම් ගත යුතු වේ. මලික් සමරවික‍්‍රමලා එජාපයේත්, පාක්‍ෂිකයන්ගේත් අනාගතය රටේ සුරක්‍ෂිතභාවය රුපියල් සතවලට විකුුණා හමාරය. දයාසිරි ජයසේකරත් කලක් සජිත් වෙනුවෙන් සටන් කර එජාපයෙන් විසිවුණ චරිතයකි. සජිත්ගේ ලණු කෑ තිස්ස අත්තනායක අද මහපාරේය. මම තාත්තා වගේ කොරනවා කීවාම තාත්තා නිසා විනාසවූ ජීවිත ප‍්‍රමාණය සිහිපත් කළ යුතුවේ. සජිත්ගේ තාත්තා ජනාධිපති වී රටට කළ දේ ලිපියේ අවසානයේ සාකච්ඡා කෙරෙයි. සජිත් පේ‍්‍රමදාස ඒ පියාගේ පුතා වුණොත් රටම විනාසය.
එජාප අපේක්‍ෂකයෙකුට හුදෙකලාව රටේ ජනාධිපති වීමට බැරි යයි ලිපියේ මුලින් දැක්වේ. ඒ ඇයි? මේ යෝධ පක්‍ෂයට පැවති යෝධ හයිය හත්තිය වැරවීරිය දැන් නැති නිසාය. 2015 තෙක් එජාපයට හොරකම් ¥ෂණ වංචා චෝදනා නොතිබිණ. එහෙත් මහ බැංකු මංකොල්ලයෙන් රාජපක්‍ෂලාගේ හොරකම් යට ගැසීමෙන් පිරිහුණ, එජාපය රාජපක්‍ෂලා විසිවුණ කුණු බක්කියට වැටී හමාරය. විවිධ හේතු නිසා එජාප ඡුන්ද පදනම දෙදරා ගොස්ය.
අපි 1994 සිට 2018 තෙක් 24 වසරක එජාප මැතිවරණ වාර්තා විමසා බලමු.
1994 එජාප ඡුන්ද පදනම 3498370කි. එය 44.04%කි. 2000දී එය, 3477770ක් හෙවත් 40.22%කි. 2001දී එය 4086026ක් හෙවත් 45.62%කි. 2004දී එජාප ඡුන්ද පදනම 3504200ක් හෙවත් 37.83%කි. 2010දී එජාප ඡුන්ද පදනම 2357057ක් හෙවත් 29.34%කි. 2015දී එජාප ඡුන්ද පදනම 5098927ක් හෙවත් 45.66%කි. (සුවිශාල වර්ධනයකි.* 2018 අවසන් ඡුන්ද ප‍්‍රතිඵලය අනුව, වර්තමාන එජාප ඡුන්ද පදනම 3640620කි. හෙවත් 29.42%කි. එජාපය ආයෙත් 2010ට ඇද වැටී ඇත. මේ 24 වසරින් 18 වසරක් සජිත් පේ‍්‍රමදාසත් එජාපය නියෝජනය කළා නොවේද? 2015 ජනාධිපති මැතිවරණයේදී පවා සජිත් රාජපක්‍ෂලා වෙනුවෙන් සටන මගහැරියේය.
එජාපය තනිව එයි නම් ඉතිරි 30 ලක්‍ෂය හොයන්නේ කෙසේද? සිවිල් සමාජ බලවේග යනු 20 ලක්‍ෂයක නිවැරදි අවබෝධයකි. ජනතා විමුක්ති පෙරමුණත් දෙමළ ජාතික සංධානයත් තවත් ලක්‍ෂ 12ක් අතැතිව සිටිති. සිවිල් බලවේග හෝ අනෙක් පක්‍ෂ දෙක කිසි විටෙක රාජපක්‍ෂලා සමග එක් නොවෙති. මේ තිස් දෙලක්‍ෂයම අරමුණක් මිස චරිත වෙනුවෙන් පෙනී නොසිටිතිි. 2020ට පත්වන ජනාධිපති අන්තිම විධායක ජනාධිපති විය යුතුය යන්න ඒ තිස් දෙලක්‍ෂයේම එකම අරමුණ වේ.
1988න් මෙපිට එජාපයට රටෙන් 51%ක් ලැබිලාම නැත. එජාපයට තනිව බැහැ කියන්නට තවත් තර්ක අවශ්‍යද? ගම සජිත්ට කීවාට 2018දීත් ගමෙන් බහුතරය සිටියේ මහින්ද සමගය. සජිත් පේ‍්‍රමදාස යනු එජාපයේ දියැවෙන තවත් ඉටිපන්දමකි. හිස් කළයක් මිස පුන් කලසක් නොවේ. 51%ක ඡුන්ද ඉලක්කය අද ප‍්‍රධාන පක්‍ෂ දෙකටම ළගා විය නොහැකි අභියෝ්ගයකි. 2018 පෙරබවාරි ප‍්‍රතිපලයේ සමස්තය ඊට සරල උදාහරණයකි. අපි දිනුවා කී පොහොට්ටුවට ලැබූණේ 44.65%ක ඡුන්ද ප‍්‍රමාණයකි. රාජපක්‍ෂලාට එරෙහිව 2018 පෙරබවාරියේ ප‍්‍රකාශිත ඡුන්ද ප‍්‍රමාණය 55.35%කි.
සංධානගත නොවී කිසිවෙකුට හෙල්ලෙන්න බැරිය. මෙම විග‍්‍රහය අනුව 51%ක් දක්වා ප‍්‍රධාන පක්‍ෂ දෙකටම සංධානගත නොවී තනිව යා නොහැකිය. සජිත් ගැන කවර කතාද? එන්නේ සජිත් නම්, ගෝඨාභයට උදව් කිරිම යෝග්‍ය බව සරත් පොන්සේකා කියා තිබිණ. ඒ ප‍්‍රකාශය බෙහෙවින් තාර්කිකය. ජනාධිපති පේ‍්‍රමදාසගේ ජනාධිපති ලේකම්ව සිටි කේ.එච්.ජේ. විජයදාස ලියා පළ කළ ‘පහන් සංවේගය’ නම් පොතේ 195-199 පිටු කිහිපය සාරාංශ කර පහත දැක්වේ. ‘පේ‍්‍රමදාස මහතා එල්ටීටියට ආයුධ ලබා දීමට 1989 ජූලි මාසයේදී ගත් තීරණය ඉතිහාසය පුරා එක්සත් ජාතික පක්‍ෂයට, පක්‍ෂයේ ඇමතිවරුන්ට රජයේ ඉහළ නිලධාරීන්ට එල්ලවූ බරපතළ චෝදනාවකි. එකී තීන්දුව ගැන මා (විජයදාස* තුළ ඇත්තේ බලවත් අප‍්‍රසාදයකි. පිළිකුලකි. විරුද්ධත්වයකි.
එහෙත් පේ‍්‍රමදාස මහතා ගත් තීරණයකට එරෙහිවීම හිතාමතා දිවි නසාගැනීමකි. එල්ටීටීඊය ජනාධිපතිගේ අත අඹරවමින් හමුදා කඳවුුරු 15ක් සිය ප‍්‍රදේශවලින් ඉවත් කිරීමට එදා සමත් විය. එකී ප‍්‍රදේශයේ රාජකාරි කළ පොලිස් නිලධාරින් පාරේ දණගස්වා තැබීය. 1990 ජූනි 11 දිනට එළිවන විට, උතුරු නැගෙනහිර ප‍්‍රධාන කඳවුරු 5ක් හැර අන් සියලූ පොලිස් ස්ථාන සහ හමුදා කඳවුරු කොටි ත‍්‍රස්තවාදීන් වටලා තිබිණ. කොළඹින් දුන් අණ අනුව, මඩකළපුව, අම්පාර පොලිස් නිලධාරීන් විශාල පිරිසකට කොටි සංවිධානයට යටත්වීමට සිදුවිය. එයින් 700ක අත්පා බැඳ පේළියට සිටුවා මැෂින් තුවක්කුවලින් වෙඩි තබා මරා දැමීය.’ හරක් වළං කඩ කුඩු කෙරුවාට පාලකයන් මෙසේ හැසිරිය යුතු නැත. සරත් පොන්සේකා ඉහත ප‍්‍රකාශය කළේ පදනමක් ඇතිවය. හීනමානයෙන්, බල තණ්හාවෙන් පිම්බුණ කිසිවෙකුට ඇහුන්කන් නොදුන් ආර් පේ‍්‍රමදාසගේ කෙරුවාව එහෙමය. බලයේ සිටි කාලයේ පේ‍්‍රමදාස රාජ්‍ය සේවකයන්ට ප‍්‍රසිද්ධියේ නින්දා කළේය. තර්ජනය කර බිය ගැන්වීය.
ඔහු හැ¥ ගෙවල්වලින් අඩක් පාලූ අම්බලම් වී ඇත. සටන් පාවාදුන් ජනාධිපති සිරිසේන සජිත් පේ‍්‍රමදාසට ‘අතිගරු’ වේ. සජිත්ගේ අඹුව ප‍්‍රසිද්ධියේ තමා ම අනාගත ආර්යාව වෙලාය. මේ පුද්ගල මානසිකත්වය ජන සම්මතයට නිගාවකි. මේ නීච නිග‍්‍රහය ජයග‍්‍රහණය කරවා මිනිස්කම අවතක්සේරු කරන්නට එජාපය සූදානම්ද? ජනසම්මත රටකට අවශ්‍ය වෙනස් කළ නොහැකි වැඩපිළිවෙළකි. ජාතික ප‍්‍රතිපත්තියකි. සජිත් ඊට විකල්පය නොවේ. සජිත් ඕනැ කියන අය මේවා විමසිය යුතුය. මරණ දඬුවමට එජාපය විරුද්ධය. සජිත් කැමතිය. ගොනා මිව්වා එකට බැඳ සී සාන්න බැරිය. ජනාධිපතිවරණය ගැන අසන විට සජිත් කියන්නේ මා දන්නා වරණයක් නැත. මා කල්පනා කරන්නේ දාගැබ් 1125ක් තනා නිම කිරීම ගැනය. මෙය රෝමය ගිනි ගනිද්දී නීරෝ වීණා වාදනය කළාට වඩා බරපතළ මානසිකත්වයකි.
2018 පෙබරවාරි මැතිවරණයේදී හම්බන්තොට දිස්ති‍්‍රක්කයේ එජාපය යන්තම් ගොඩගියේ සභා දෙකක් පමණකි. හම්බන්තොට ප‍්‍රාදේශීය සභාවේ මන්ත‍්‍රීධුර 21න් එජාපයට ලැබුණේ 9කි. තංගල්ල නගර සභාවේ මන්ත‍්‍රීධුර 18න් එජාපයට ලැබුණේ 7කි. කිසිදු සභාවක තනි බලය ඇල්ලීමට මේ පුතයා අසමත්ව සිටියි. ඔහු සිටින්නේ නාමල් රාජපක්‍ෂටත් පහළිනි. මේ රට බාර දිය යුත්තේ මේ සජිත්ටද? දුප්පත්කම, ආගම දෙක විකුණා රට ගොඩගත නොහැකිය. ඉන්දියන් හමුදාවට පහර දීමට එල්ටීටීඊයට ආයුධ සහ මුදල් දී, බාබුලා ළග තබාගත්, සොත්ති උපාලි පක්‍ෂ කෘත්‍යාධිකාරි මණ්ඩලයට පත් කළ පේ‍්‍රමදාස චින්තනය ආමර් වීදියෙන් අවසන් වුණේ ජනතාවගේ පීී‍්‍රති ඝෝෂා සහ රතිඤ්ඤා හඬ මැදය.
කබීර් හෂීම්ලා, අජිත් පෙරේරාලා මලික් යන පාරේ ගියාට එජාපයේ බහුතරය ඒ පාරේ යා යුතු නැත. පක්‍ෂයට තනිව හැකි නම් පෙරමුණු ගසන්නේ ඇයි? දැනටම පුළුල් පෙරමුණක් සඳහා සියල්ල සූදානම් ය. එහෙව් පරිසරයක අපේක්‍ෂකයා එජාපයෙන් අවශ්‍ය බව කීමෙන් සියල්ල අවුල් වේ. පොදු අපේක්‍ෂකයාට එරෙහි මෙවැනි අවුලක් 2015දීත් තිස්ස අත්තනායක සමග එක්ව සජිත් නිර්මාණය කළේය. තිස්ස විසිවුණේ සියල්ල හෙළිවූ නිසාය.
සජිත්ට අනුව, ඔහු උපන් දා සිට රට පාලනයට සූදානම් ය. ඉතිහාසයේ බොහෝ ඔටුන්න හිමි කුමාරවරු ජංගියේ චූ කරගත්තේ තමන් අනාගත රජු බව නොදැනය. ජංගියේ චූ කරගත් විධායක ජනාධිපතිවරු දෙදෙනෙකි. ඒ දෙදෙනාම සජිත්ට ළෙන්ගතුය. හෙට බිහිවන පොදු සංධානයට සජිත්ලා රාජපක්‍ෂලා සිරිසේනලා විරුද්ධය.
නීතිඥ චන්ද්‍රසිරි සෙනෙවිරත්න
