රිමාන්ඞ් බන්ධනාගාරගතව සිටින ලේඛක ශක්තික සත්කුමාරට එරෙහිව අයිසීසීපීආර් පනත යටතේ අධිචෝදනා පත්රයක් ගොනුකිරීමට නීතිපති දෙපාර්තමේන්තුව සූදානම් වන බව දැනගන්නට තිබේ. ඒ, මෙතෙක් මේ විමර්ශනයේ අධීක්ෂණය භාරව සිටි නීතිපති දෙපාර්තමේන්තුවේ ජ්යෙෂ්ඨ නීතිඥවරයා, ශක්තිකට එරෙහිව අයිසීසිපීආර් යටතේ චෝදනා ගොනු කිරීමට හැකියාවක් නැතැ’යි නිර්දේශ කර තිබියදීය. නඩුගොනුව භාරව සිටින ගංගා වාකිෂ්ඨආරච්චි නම් රජයේ අධිනීතිඥවරිය, එම අධීක්ෂණ නිර්දේශය නොසලකා, නියෝජ්ය සොලිසිටර් ජෙනරාල් ප්රියන්ත නාවාන වෙත ගොස් ශක්තික සත්කුමාරට එරෙහිව අධිචෝදනා ගොනුකිරීමට පියවර ගෙන ඇතැයි දැනගන්නට තිබේ.
බෞද්ධ බැතිමතියක හැටියට සැලකෙන ගංගා වාකිෂ්ඨආරච්චිත්, නීතිපති දෙපාර්තමේන්තුවේ බෞද්ධ සංගමයේ සභාපති වශයෙන් දීර්ඝ කාලයක් කටයුතු කළ ප්රියන්ත නාවානත් වැනි අය, බුදුදහමට නිගාකළැයි චෝදනා යටතේ ශක්තික සත්කුමාරට එරෙහිව අධිචෝදනා ගොනුකිරීමට බලවත් උත්සාහයක් දැරීම, බැලූබැල්මටම ආගමික අගතීන්ගෙන් මෙහෙයවනු ලැබ සිදුවන්නකි.
ශක්තිකගේ මූලික අයිතිවාසිකම් පෙත්සම සලකා බලා එය විභාගයට නියම කළ ශ්රේෂ්ඨාධිකරණය, එහිදී නීතිපති දෙපාර්තමේන්තුව වෙනුවෙන් පෙනීසිටි ගංගා වාකිෂ්ඨආරච්චි ඇතුළු නීතිඥවරුන්ට කියා සිටියේ මෙවැනි කාරණා දෙස ඉවසනසුලූ කෝණයකින් බැලිය යුතු බවයි. එහෙත්, නීතිපති දෙපාර්තමේන්තුවේ මේ අගතිගාමී නිලධාරීන්ට ශ්රේෂ්ඨාධිකරණයේ මගපෙන්වීම් පවා අවශ්ය නැති බව පෙනෙයි.
මතක තබා ගත යුත්තේ, මේ වැනි නිලධාරීන් ගන්නා අත්තනෝමතික තීරණ නිසා, මිනිසුන් බලවත් අගතියට පත්වනවාට අමතරව නීතිපති දෙපාර්තමේන්තුවද මහජනතාව ඉදිරියේ අවමානයට පත්වන බවයි. නව නීතිපතිවරයා මේ ගැන සැලකිලිමත් විය යුතු නොවේද?x
x අරුණ ජයවර්ධන
