ශ්රී ලංකාවේ මුස්ලිම් ප්රජාව පිළිබඳ පූර්ව නිගමන හා සනාථ කළ නොහැකි චෝදනා නොකඩවා පළ කරමින් අසහනය වැඩි කිරීමට මාධ්ය ආයතන කටයුතු කරමින් සිටින බව යුරෝපා සංගමය නිකුත් කළ නිවේදනයක සඳහන් වෙයි.ශ්රී ලංකාවේ මුස්ලිම් ප්රජාවට මුහුණදෙන්නට සිදුවී තිබෙන දේශපාලන හා ආගමික පීඩනය කෙරෙහි සිය ගැඹුරු අවධානය යොමුවී ඇතැයි ජුනි 13 වැනිදා නිකුත් කළ එම නිවේදනයේ සඳහන් වෙයි. ශ්රී ලංකාවේ සාමය හා සංහිඳියාව පිළිබඳ ක්රියාවලිය මේ නිසා දුර්වල වන බව එම නිවේදනයෙහි වැඩිදුරටත් සඳහන්ය.
ජනාධිපතිවරයාට, අගමැතිවරයාට හා සියලූ දේශපාලන නායකයන්ට රටේ ජනතාව අතර අවබෝධය, වෙනස්කම් ඉවසීම හා නීතිය ඉදිරියේ සමාන ලෙස සැලකීම සඳහා වූ කැපවීම යළි ස්ථාපිත කරන ලෙස එහිදී යුරෝපා සංගමය ශ්රී ලංකා රජයෙන් ඉල්ලා ඇත. ශ්රී ලංකා රජය සමඟ සිටිමින් ඒ සඳහා අවශ්ය සහයෝගය ලබාදෙන බව යුරෝපා සංගමය එහි සඳහන් කර ඇත.
ජුනි 12 වැනිදා ප්රංශය, ජර්මනිය, ඉතාලිය, නෙදර්ලන්තය, රුමේනියාව, නෝර්වේ, ස්විට්සර්ලන්තය යන රටවල එක්සත් රාජධානියේ මහකොමසාරිස්වරයා අග්රාමාත්ය රනිල් වික්රමසිංහ මුණගැසී තිබුණි. එම හමුවෙන් පසුව යුරෝපා සංගමය ඉහත තානාපතිවරුන් හා මහකොමසාරිස්වරයාගේ එකඟතාව මත ඉහත නිවේදනය නිකුත් කර තිබේ. අග්රාමාත්යවරයා හමුවූ අවස්ථාවේදී වෛරී ප්රකාශ නැවැත්වීමට හා සංහිඳියාව සඳහා කමිටුවක් පත්කිරීම සඳහා එම රැුස්වීමේදී රජයට ආරාධනා කළ බව එම නිවේදනයෙහි වැඩිදුරටත් දැක්වෙයි. x
අනුරංග ජයසිංහ
