අයවැය තෙවැනි වර කියැවීමේ ඡන්ද විමසීමේදී ශ්රීලනිප පාර්ලිමේන්තු කණ්ඩායම දෙකට බෙදී කොටසක් අයවැයට විරුද්ධවත් තවත් කොටසක් අයවැයට පක්ෂවත් ඡන්දය ලබාදීමට සූදානමින් සිටින බව අනිද්දා සමඟ අදහස් දැක්වූ ශ්රීලනිප මන්ත්රීවරු කිහිපදෙනෙක් පැවසූහ.
ඩිලාන් පෙරේරා, සුමේධා ජයසේන, ලක්ෂ්මන් යාපා අබේවර්ධන ඇතුළු මන්ත්රීවරුන් පිරිසක් අයවැයට විරුද්ධව ඡන්දය ලබාදීමට නියමිත බව වාර්තා වෙයි. දුමින්ද දිසානායක, මහින්ද සමරසිංහ, සරත් අමුණුගම ඇතුළු මන්ත්රීවරුන් පිරිසක් අයවැයේදී ඡන්දය ප්රකාශ නොකර සිටීමට බලාපොරොත්තුවෙන් සිටින බව වාර්තා වෙයි.
අයවැයේදී ඡන්දය ලබාදෙන ආකාරය පිළිබඳ තීන්දුවක් ගැනීමට අප්රේල් 04 වැනිදා එක්සත් ජනතා නිදහස් සන්ධාන මන්ත්රී කණ්ඩායම් රැස්වීමක් පාර්ලිමේන්තුවදී පැවැත්වීමට නියමිතව තිබුණි. එම සාකච්ඡාවට මහින්ද රාජපක්ෂ පාර්ශ්වය හා මෛත්රීපාල සිරිසේන පාර්ශ්වය යන පාර්ශ්ව දෙකම සහභාගිවීමට නියමිත විය. පුවත්පත මුද්රණයට යන විටත් එම සාකච්ඡාවේ ප්රතිඵලය දැනගන්නට නොලැබුණද සාකච්ඡාවට පෙර අනිද්දා සමඟ අදහස් දැක්වූ ශ්රීලනිප පාර්ලිමේන්තු මන්ත්රීවරුන් කිහිපදෙනෙකු කීවේ, එම රැස්වීමේදී කුමන තීන්දුවක් ගත්තද තමන්ගේ අදහස වෙනස් නොකරන බවයි.
අයවැය පිළිබඳව අප්රේල් 01 වැනිදා පැවති සාකච්ඡාව තීරණයක් නොමැතිව අවසාන වූ අතර එහිදී ජනාධිපතිවරයා පවසා තිබුණේ මෙම අයවැය තුළ තමාගේ වැය ශීර්ෂද පවතින බවය. ඒ නිසා නිහඬ පිළිවෙතක් අනුගමනය කිරීම සුදුසු බවය. ■
