යහපාලන ආණ්ඩු සමයේ රාජ්ය ආයතනවල ඇති වංචා දූෂණ පිළිබඳ සොයා බැලීම සඳහා ජනාධිපතිවරයා විසින් පත්කරන ලද කොමිෂන් සභාවේ සාමාජිකයන් දෙදෙනෙකු ඉන් ඉවත් වී ඇත.
එසේ ඉවත්වී ඇත්තේ හිටපු විගණකාධිපතිවරයෙකු වූ පී.ඒ. ප්රේමතිලක හා හිටපු අමාත්යාංශ ලේකම්වරයෙකු වූ ලලිත් ආර්. ද සිල්වාය.
එම පුරප්පාඩු සඳහා ජනාධිපතිවරයා හිටපු නියෝජ්ය විගණකාධිපතිවරයෙකු වූ එම්.පී. ධර්මවර්ධන මහතා සහ හිටපු අමාත්යාංශ ලේකම්වරයෙකු වූ ඩබ්ලිව්.කේ.කේ. කුමාරසිරි මහතා පත්කර ඇත. ඒ ජනාධිපති ලේකම් උදය ආර්. සෙනෙවිරත්න මාර්තු 13 දින නිකුත් කර ඇති අතිවිශේෂ ගැසට් පත්රයක් මගින්ය.
මේ අතර මෙම ජනාධිපති විශේෂ පරීක්ෂණ කොමිෂන් සභාවේ පැමිණිලි බාර ගැනීමේ කාලය මාර්තු මස 19 දක්වා ජනාධිපතිවරයා දික් කර ඇති අතර, එය ඊට පෙර අවසන් වීමට තිබුණේ මාර්තු 14 දිනය. මුලින්ම ඒ සඳහා ලබා දී තිබූ කාලය වුණේ පෙබරවාරි 28 දිනය. පැමිණිලි තවදුරටත් ලැබෙමින් පැවතීම ඊට හේතු වශයෙන් සඳහන් කර තිබේ.
මෙම කොමිසමට 2015 ජනවාරි 14 දින සිට 2018 දෙසැම්බර් 31 දින දක්වා රාජ්ය ආයතනවල සිදුවූ වංචා දූෂණ පිළිබඳව සොයාබැලීමට බලය පවරා ඇත.
මාර්තු 14 වනවිට පැමිණිලි 842ක් ලැබී ඇති බවත්, ඉන් පැමිණිලි 18ක් මූලික විමර්ශන කටයුතු සඳහා එහි පොලිස් ඒකකයට බාරදී ඇති බවත් එහි නිලධාරියෙක් පැවසීය. එසේ ලබාදුන් අවසන් පැමිණිලි වන්නේ සිංගප්පූරු ශ්රී ලංකා වෙළඳ ගිවිසුම, සාලාව පිපිරීමේ වන්දි තක්සේරුව නිසියාකාරව නොවීම හා වෙහිකල්ස් ලංකා සමාගමට වාසි සැලසීම සම්බන්ධයෙන් රේගු නිලධාරීන්ට එරෙහිව යන පැමිණිලිය. ■
ලසන්ත රුහුණගේ / වරුණ සූරියආරච්චි
