වරුණ සූරියආරච්චි
යහපාලන ආණ්ඩුව සමයෙහි රාජ්‍ය ආයතනවල සිදුව ඇතැයි කියන දූෂණ සහ වංචා පිළිබඳව සෙවීමට පත් කළ ජනාධිපති කොමිසමට පැමිණිලි භාර දීමට හැකි කාලය මාර්තු මස 14 වන දින දක්වා දීර්ඝ කරන ලෙස එම කොමිසමේ සභාපති උපාලි අබේරත්න ජනාධිපති කාර්යාලයෙන් ඉල්ලීමක් කර ඇත.
මේ වන විට මෙම කොමිසමට පැමිණිලි 412ක් ලැබී ඇති අතර ඒවායින් කිහිපයක් කොමිසම විසින් පොලිස් ඒකකය වෙත යොමු කර ඇත. මෙලෙස යොමු කරන ලද පැමිණිලි අතර, රජයේ වෛද්‍ය නිලධාරීන්ගේ සංගමයේ ලේකම් හරිත අලුත්ගේ විසින් නෙවිල් ප්‍රනාන්දු රෝහල රජයට පවරා ගැනීමක් සිදුව නැතැයි කර ඇති පැමිණිල්ලද වන අතර රෝහලේ සේවය කරන හෙදියන් 39 දෙනෙකුට කාසල් රෝහල මගින් වැටුප් ගෙවන බවද එහි දක්වා ඇත.
ස්වාධීන රුපවාහිනී ආයතනයේ සභාපති ලෙස කටයුතු කළ තිලකා ජයසුන්දර මහත්මිය සහ එහි ජාතික සේවක සංගමයේ සමන්ත රත්නායක යන අය සිය ධුර කාලය තුළ බලය අනිසි ලෙස භාවිත කර ඇති බවට වූ පිළිබඳව පැමිණිල්ලක්ද ලැබී ඇත.
