ආර්. සම්බන්ධන්
ආග‍්‍රාමාත්‍ය රනිල් වික‍්‍රමසිංහ විසින් යුධ සමයේ සිදු වු දේවල් අමතක කර ඒවාට සමාව දෙන මෙන් පසුගිය සතියේ ඉල්ලීමක් කළ ද දෙමළ ජාතික සන්ධානයේ නායක ආර් සම්බන්ධන් මහතා විසින් යාපනය උදයන් පුවත්පත සමග කළ සම්මුඛ සාකච්ඡුාවකදී පවසා ඇත්තේ දෙමළ ජනතාවට අවශ්‍ය කරන්නේ සමාව දීමවත්, අතීතය අමතක කර දැමීමවත් නොව යුක්තිය බවත්ය.
රනිල් වික‍්‍රමසිංහ මහතා විසින් යුධ අපරාධ සිදු වී ඇති බව පිළිගැනීම අගය කරන බවත් අතීතය අමතක කර දමමින් සමාව දීම සම්පූර්ණයෙන්ම ප‍්‍රතික්ෂේප කරන බවත් ඒ මහතා අදාල සම්මුඛ සාච්ඡුාවේදී පවසා ඇත.
යුධ අපරාධ වලට මුහුණ දුන් පුද්ගලයන් තවමත් වන්නි ප‍්‍රදේශයේ ජීවත් වන බවත් අවතැන් වු, අබාධිත වු හා අතුරුදහන් වු අයට යුක්තියක් අවශ්‍ය බවත් අදාල අපරාධ වලට දඩුවම් ලබා දිය යුතු බවත් ඒ මහතා පවසා ඇත. තවද ඒ මහතා ප‍්‍රකාශ කර ඇත්තේ අවසන් යුධ සමයේදී දෙපාර්ශවයෙන්ම යුධ අපරාධ සිදු වී ඇති බවත් ඒ සදහා සාක්ෂි ඇති බවත්ය.
