කලාව වෙනුවෙන් විශිෂ්ට සේවයක් කළ කලාකරුවන් වෙනුවෙන් පිරිනැමුණු කලාභූෂණ රාජ්‍ය සම්මාන උළෙලේදී ජනාධිපති මෛත්‍රිපාල සිරිසේන අතින් තම සම්මානය ලබාගැනීම ප්‍රවීණ රංග ශිල්පී ඩබ්ලිව්. ජයසිරි ප්‍රතික්ෂේප කර ඇත.
සම්මාන උළෙල ජනවාරි 29 වන දින නෙළුම් පොකුණ ශාලාවේදී පැවැත් වුණු අතර එදින කලා ශිල්පී ශිල්පිනියන් දෙසීය දෙනෙකු පමණ ඇගයීමට ලක් කරමින් විශිෂ්ටතා සම්මාන පිළිගැන්වීම ජනාධිපතිවරයා අතින් සිදු විය.
මෙම සම්මාන උළෙල මීට පෙර පැවැත්වීමට කටයුතු යොදා තිබූ අතර එම අවස්ථාවේදී ජනාධිපතිවරයා විසින් ක්‍රියාවට නඟන ලද ව්‍යවස්ථා විරෝධී කුමන්ත්‍රණයට විරෝධය පළකරමින් ඩබ්ලිව්. ජයසිරි මහතා විසින්, තමන් එම සම්මානය ජනාධිපතිවරයා අතින් ලබා නොගන්නා බව දැනුම් දී තිබුණි.■
හංසි මානවඩු
