ශ්‍රී ලංකා නිදහස් පක්ෂය තුළ ජනාධිපති මෛත්‍රීපාල සිරිසේන හා හිටපු ජනාධිපතිනි චන්ද්‍රිකා කුමාරතුංග අතර ගැටුම උච්ච අවස්ථාවකට පැමිණ ඇතැයි වාර්තාවේ.
ඒ අනුව චන්ද්‍රිකා කුමාරතුංගට සම්බන්ධ යැයි සැලකෙන සියලු පුද්ගලයන් තනතුරුවලින් ඉවත් කිරීමේ ක්‍රියාදාමයක ජනාධිපති මෛත්‍රීපාල සිරිසේන නිරතවෙමින් සිටින බව වාර්තා වේ.
ශ්‍රී ලංකා නිදහස් පක්ෂයේ ආසන සංවිධායක ධුර ඇතුළු තනතුරු දරන්නන් සහ ජනාධිපති ලේකම් කාර්යාලයේ හා අනෙකුත් රාජ්‍ය ආයතනවල තනතුරු දරන්නන් මේ ආකාරයට ඉවත් කිරීමේ අනතුරට මුහුණ පා ඇත.
හිටපු ජනාධිපති මහින්ද රාජපක්‍ෂගේ උපදෙස් මත ජනාධිපති මෛත්‍රීපාල සිරිසේන මෙම කටයුතු කරන බවත්, ජනාධිපතිවරයාගේ පිලිපීන සංචාරයෙන් පසු එවැනි පියවර රාශියක් දැකගත හැකි බවත් ජනාධිපති කාර්යාල අපගේ ආරංචි මාර්ග ප්‍රකාශ කරයි.
මහින්ද රාජපක්‍ෂගේ ශ්‍රී ලංකා පොදු ජන පෙරමුණ සමග ශ්‍රීලනිප සන්ධාන ගතවුවහොත් චන්ද්‍රිකා කුමාරතුංග ශ්‍රීලනිපයේ සැලකිය යුතු පිරිසක් සමග එජාපෙ සන්ධානයකට යනු ඇතැයි යන අනුමානය මේ සඳහා හේතුවී ඇත.
මේ යටතේ ප්‍රබල අමාත්‍යාංශ ලේකම්වරයෙක් පවා චන්ද්‍රිකා හිතවාදියෙකු සේ සලකා ඉවත් කෙරෙනු ඇතැයි වැඩිදුරටත් වාර්තාවේ.■
ඉඳුවර බණ්ඩාර
