අල්ලස් කොමිසම මඟින් දූෂණ චෝදනා යටතේ ගොනු කර තිබූ නඩු විභාගයක චෝදනා වලට වරදකරු කර තිබුණු උතුරු මැද පළාතේ හිටපු ප්‍රධාන අමාත්‍ය එස්.එම්.රංජිත් සමරකෝන් සහ ඔහුගේ පුද්ගලික ලේකම්වරිය ලෙස කටයුතු කළ ශාන්ති චන්ද්‍රසේන හට කොළඹ මහාධිකරණය බරපතළ වැඩසහිත වසර 16 බැගින් සිරදඬුවම් නියම කර ඇති අතර අදාල විත්තිකරුවන්ට රුපියල් ලක්ෂ දෙකක් බැගින් දඩ නියම කර තිබුණි.
එස්.එම්.රංජිත් සමරකෝන් මහතා උතුරු මැද පළාතේ ප්‍රධාන අමාත්‍යවරයා වශයෙන් කටයුතු කළ සමයේ නීතියට පටහැනි ආකාරයෙන් ඉන්ධන දීමනා ලෙස රුපියල් 2,080,500ක් ලබාගෙන ඇති බවත් ඒ මඟින් දූෂණය නැමැති වරද සිදු කර ඇති බව පවසමින් අදාල විත්තිකරුවන්ට අල්ලස් කොමිසම එම නඩුව ගොනුකර තිබිණි.
