ඉඳුවර බණ්ඩාර
ඉදිරි පාර්ලිමේන්තු මැතිවරණය සඳහා තනිව තරග කිරීමට ශ්‍රී ලංකා පොදුජන පෙරමුණ හෙවත් පොහොට්ටු පක්ෂය තීරණය කර ඇත.
ජනාධිපති අනුර කුමාර දිසානායක පාර්ලිමේන්තුව විසුරුවිමෙන් පසු එම පක්ෂයේ ක්‍රියාකාරින් බත්තරමුල්ල නෙ`ඵම් මාවත පක්ෂ කාර්යාලයේ සිදුකළ සාකච්ඡාවකින් පසු එම පක්ෂයේ නායක හිටපු ජනාධිපති මහින්ද රාජපක්ෂ මාධ්‍ය කළ විමසිම්වලදී ප්‍රකාශ කළේ පාර්ලිමේන්තු මැතිවරණයට තරග කිරීමට තීරණය කළ බවයි.
එමෙන්ම එම පක්ෂයේ ප්‍රබලයෙකු වන ගාමිණී ලොකුගේ මාධ්‍යයට ප්‍රකාශ කර තිබුණේ ඉදිරි පාර්ලිමේන්තු මැතිවරණයට තරග කරන බවත්, එහිදී ආසන 12ක් පමණ ඔවුන්ට ලබාගත හැකි බවත්ය. ආසන අඩු ගණනකින් ආරම්භ කර ඉදිරියට යන බවද ඔහු එහිදී පවසා තිබුණි.
එම පක්ෂයෙන් කැඩී ගොස් වෙනත් දේශපාලන සන්ධාන පිහිටුවා ඇති පිරිස් සමඟ පාර්ලිමේන්තු මැතිවරණයට තරග කිරීමට සූදානම් ද යන්න පිළිබඳ එම පක්ෂයේ ලේකම් සාගර කාරියවසම්ගෙන් විමසිමට උත්සාහ කළත් ඔහු දුරකථනයට සම්බන්ධ කර ගැනිමට නොහැකි විය.
