මැතිවරණ කොමිසමේ පැවති පුරප්පාඩුව සඳහා ජනාධිපතිවරයා විසින් මහාචාර්ය ඩීඑම්එස්එස් ලක්ෂ්මන් දිසානායක පත්කර තිබේ. ඒ අනුව දිසානායක මහතා ජනවාරි 10 දින මැතිවරණ කොමිසමේ රාජකාරි බාරගත් බව මාධ්‍ය නිවේදනයක් නිකුත් කරමින් මැතිවරණ කොමසාරිස් ජනරාල් සමන් ශ්‍රී රත්නායක සඳහන් කරයි.
මැතිවරණ කොමිසමේ සභාපති ලෙස ආර්එම්ඒඑල් රත්නායක මහතා කටයුතු කරන අතර සෙසු සාමාජිකයන් වන්නේ එම්ඒපීසී පෙරේරා, අමීර් මොහොමඩ් ෆායිස්, අනුසුයා ෂන්මුගනාදන් හා මහාචාර්ය ඩීඑම්එස්එස් ලක්ෂ්මන් දිසානායක යන මහත්ම මහත්මීන්ය.
මැතිවරණ කොමිසමේ එම පුරප්පාඩුව දීර්ඝ කාලයක් තිස්සේ පැවතුණි.
