යෝජිත විදුලිබල පනත් කෙටුම්පත පාර්ලිමේන්තුවේ දී සම්මත කළහොත් ලංකා විදුලි බලමණ්ඩල ඒකාබද්ධ වෘත්තීය සමිති සන්ධානය වැඩ වර්ජන ක්රියාමාර්ගයකට යාමට ඒකමතිකව තීරණය කළ බව එහි කැඳවුම්කරු රංජන් ජයලාල් අප කළ විමසීමක දී ප්රකාශ කළේය.
විදුලිබල හා බලශක්ති අමාත්ය කංචන විජේසේකර අත්තනෝමතික ලෙස වැඩ කරන බවත් තවමත් යෝජිත විදුලිබල පනත් කෙටුම්පත පිළිබඳ වෘත්තීය සමිති සමග සාකච්ඡාවක් හෝ නොකළ බවත් ජයලාල් මහතා පැවසීය.
අමාත්යවරයා සංශෝධන සහිතව පාර්ලිමේන්තුවේදී පනත සම්මත කරන බව පැවසූවත් කිසිම කෙනෙකුගෙන් සංශෝධන නොගත් බවත්, මේ පනත් කෙටුම්පත ගෙන එන්නේ විදුලිබල මණ්ඩලය පෞද්ගලීකරණයට බව ඔහු පෙන්වා දුන්නේය. වැඩි දුරටත් ඔහු කියා සිටියේ විදුලිබල මණ්ඩලය පෞද්ගලීකරණයට ගෙන එන විදුලිබල පනත් කෙටුම්පත හකුලා ගන්නා තුරු අඛණ්ඩව විරෝධතා ක්රියාමාර්ග සිදු කරන බවත් අවශ්ය වුවහොත් තම සන්ධානය අඛණ්ඩ වැඩ වර්ජනයකට යාමට වූවත් සූදානමින් සිටින බවත්ය.
