ශ්‍රී ලංකා රක්ෂණ සංස්ථාව සතු අනුබද්ධ සමාගම්වලින් 8න් 5ක් ප්‍රතිව්‍යුහගත කිරීම යටතේ විකුණා දැමීමට සූදානම් බවත්, එම ආයතනවල නිත්‍ය වටිනාකම රක්ෂණ සංස්ථාව වෙත රජයේ ප්‍රතිපත්ති ක්‍රියාවට නැංවිය යුතු බවත් රක්ෂණ සේවක සංගමය මුදල් අමාත්‍යාංශ ලේකම්වරයාට ලිපියක් යොමු කරමින් සඳහන් කරයි.
එහි අවධාරණය කර ඇත්තේ මෙම අනුබද්ධ සමාගම් මිලදී ගෙන ඇත්තේ රක්ෂිත ජනතාවගෙන් ලැබෙන මුදල් අයෝජනය කර උපයා ගන්නා ලද ආදායමෙන් බවත් හා ඒ නිසාම එම ආයතන රක්ෂිත ජනතාව සතු බවයි.
එමෙන්ම ශ්‍රී ලංකා රක්ෂණ සංස්ථාව සතු අනුබද්ධ සමාගම්වල මුළු වටිනාකම රුපියල් බිලියන 200ක් බවද එහි සඳහන් කර තිබේ.
ශ්‍රී ලංකා රක්ෂණ සංස්ථාව සතු අනුබද්ධ ආයතන වන්නේ ලංකා හොස්පිටිල්ස්, ලිට්රෝ ගෑස් ලංකා, ලිට්රෝ ටර්මිනල් ලංකා, කැන්විල් හොටෙල්ස් ඇන්ඩ් ස්පා, කැන්විල් හෝල්ඩින්ග්, මැනේජ්මන්ට සර්විසස් රක්ෂණ, සිනෝ ලංකා හොටෙල්ස් ඇන්ඩ් ස්පා හා හෙළන්කෝ හොටෙල්ස් ඇන්ඩ් ස්පා යන සමාගම්ය.
