පසුගිය ඔක්තොම්බර් 26 වන දින රට තුල සිදු වු කුමන්ත්‍රණකාරි ආණ්ඩු මාරුවත් සමඟ සෞඛ්‍ය අමාත්‍යංශ විසින් දින 14කට වරක් ටෙන්ඩර් කැඳවා මිලදි ගැනීමට නියමිතව තිබු අත්‍යවශ්‍ය ඖෂධ වර්ගවල ටෙන්ඩර් කැඳවීම් නතර වී ඇති බව වාර්තා වේ.
මෙසේ අත්‍යවශ්‍ය ඖෂධ වර්ග ටෙන්ඩර් නොකිරිම හේතුවෙන් ඉදිරි දින වලදි අත්‍යාවශ්‍ය ඖෂධ හිඟයක් ඇති විය හැකි බවත් එසේ අත්‍යවශ්‍ය ඖෂධවල හිඟයක් ඇති වුවහොත් විශාල අර්බුධයකට රෝගින්ට මුහුණ දිමට සිදු වන බවත් අනිද්දා කල විමසීමකදි විශේෂඥ වෛද්‍යවරු කිහිපදෙනෙක් පැවසීය. තවද පසුගිය නොවැම්බර් 07 වන දින ජනාධිපති මෛත්‍රිපාල සිරිසේන විසින් පත්කරන ලද නීතිවිරෝධී සෞඛ්‍ය අමාත්‍යවරයා වන චමල් රාජපක්ෂ පත් වු දින සිට අමාත්‍යංශය වෙත රාජකාරි සදහා පැමිණ ඇත්තේ දින හතරක් පමණක් බවත් එම දින හතරෙන් දින තුනකදීම රජයේ වෛද්‍ය නිලධාරින්ගේ සංගමයේ වෛද්‍යවරුන් සමඟ පමණක් අමාත්‍යංශය තුල සාකාච්ඡා පවත්වා ඇති බවත් සෞඛ්‍ය අමාත්‍යාංශයේ නිලධාරීන් පිරිසක් අනිද්දා සමඟ අදහස් දක්වමින් පැවසිය.
මේ පිලිබඳව කල විමසිමකදි සෞඛ්‍ය අධ්‍යක්ෂක ජෙනරාල් වෛද්‍ය අනිල් ජාසිංහ මහතා පවසා සිටියේ ටෙන්ඩර් කැදවීම් නොනවත්වා කරගෙන යන බවය.
