පාර්ලිමේන්තුව තුළට එක්සත් ජාතික පක්ෂයේ මන්ත්රීවරුන් පිහි දෙකක් රැුගෙන විත් තිබුණු බවත්, ඒවායින් දිලූම් අමුණුගම මන්ත්රීවරයාට හා ජයන්ත සමරවීර මන්ත්රිවරයාට ශාරීරික හානි කළ බවත් පාර්ලිමේන්තු මන්ත්රී දයාසිරි ජයසේකර මාධ්ය ඉදිරියේ කළ ප්රකාශය අසත්යයක් බව තහවුරු වේ.
නොවැම්බර් 15 වැනිදා පාර්ලිමේන්තුවේ ඇතිවූ කලබලකාරී තත්වය පිළිබඳව මාධ්යවේදීන් විමසූ අවස්ථාවේදී එම මන්ත්රීවරයා මේ බව ප්රකාශ කර ඇත.
පාර්ලිමේන්තු සජීවී විකාශයෙහි වීඩියෝ දර්ශන අනුව කථානායකවරයාගේ මයික්රෆෝනයට හානි කිරීමට තැත්කිරීම හේතුවෙන් දිලූම් අමුණුගම මන්ත්රීවරයාගේ අත තුවාල වී තිබුණි. ජයන්ත සමරවීර මන්ත්රීවරයාගේ සිරුරේ තුවාලයක් දක්නට නොවූ අතර ජයන්තර සමරවීර මන්ත්රීවරයාගේ ඇඳුමෙහි දිලූම් අමුණුගම මන්ත්රීවරයාගේ තුවාලය නිසා වූ ලේ පැල්ලමක් ඇතිවී තිබුණි.
පිහි දෙකක් ඇතැයි කථානායකවරයාට පෙන්වා දුන්නත් පිහි නැත්නම් කැති වුවත් රැගෙන ආවාට කමක් නැතැයි කථානායකවරයා පැවසූ බවද දයාසිරි ජයසේකර මන්ත්රීවරයා පවසා තිබුණි.
දිලූම් අමුණුගම මන්ත්රීවරයාගේ අත තුවාල වන ආකාරය වීඩියෝවල සටහන්ව ඇති බව දයාසිරි ජයසේකර මන්ත්රීවරයාට මාධ්යවේදියෙකු විසින් පෙන්වාදීමෙන් පසුව මන්ත්රීවරයා ප්රකාශ කර තිබුණේ තමා පැවසුවේද තමන්ට අසන්නට ලැබූ දේවල් බවයි.
කලබලකාරි සිදුවීම ආරම්භයේදි තිලංග සුමතිපාල මහතා විසින් කථානායකවරයාගේ අසුන වෙත දිව විත් ඔහු අසුනෙන් ඉවත් කිරීමට උත්සාහ කරන ආකාරයද, කථානායක කරු ජයසූරිය වෙත මහින්ද රාජපක්ෂ පාර්ශ්වයේ මන්ත්රීවරුන් සභාගැබේ ඇති කුණු කූඩයකින්, ලිපි ගොනුවලින් සහ වතුර බෝතල්වලින් පහරදෙන ආකාරයද වීඩියෝ දර්ශනවල සටහන්ව ඇත. මහින්ද රාජපක්ෂ මහතා සමග සාකාච්ඡුාවක නිරතව සිටි චම්පික රණවක මහතා මන්ත්රී ලොහාන් රත්වත්ත විසින් තල්ලූ කරන ආකාරයද එම දර්ශනවල දැක්වේ.
කථානායක ආසනය මතට පාර්ලිමේන්තු මන්ත්රී ප්රසන්න රණවීර වතුර බෝතලයක් හැලීමෙන් අනතුරුව එම වතුර පැල්ලම පෙන්වා, කථානායකවරයා පුටුවේ මුත්රා කර ඇතැයි ප්රචාරයක්ද ජනාධිපති ලේකම් කාර්යාලයේ මාධ්ය සම්බන්ධීකාරකවරයෙකු විසින් සමාජ මාධ්ය හරහා කර තිබේ.
