■ අරුණ ජයවර්ධන
තමා සහ වර්තමානයේ පක්‍ෂයේ වැඩ කටයුතු කෙරෙන ආකාරයත් විවේචනය කළ නිසා එක්සත් ජාතික පක්‍ෂයේ අනුරාධපුර දිස්ත්‍රික් නායක කස්තුරි අනුරාධනායක කෘත්‍යාධිකාරි මණ්ඩල සභික ධුරයෙන් ඉවත් කිරීමට පක්‍ෂ නායක රනිල් වික්‍රමසිංහ පියවර ගෙන ඇතැයි වාර්තා වේ.
ඒ ජනවාරි 21 වැනිදා පැවැති පක්‍ෂයේ කෘත්‍යාධිකාරි මණ්ඩල රැස්වීමේදීය. ඊට පෙර මාසයේ පැවැති කෘත්‍යාධිකාරි මණ්ඩල රැස්වීමේදී අනුරාධනායක මහතා සහ නවීන් දිසානායක මහතා පක්‍ෂ නායකයා සහ පක්‍ෂයේ ක්‍රියාකාරිත්වය විවේචනය කළ විට, මුලසුනේ සිටි රනිල් වික්‍රමසිංහ මහතා ඊට දැඩි විරෝධය පා මේසයට ගසා රැස්වීම අත්හිටුවා පිටව ගිය බවද වාර්තාවේ.
ඊළඟ රැස්වීම පැවැත්වූ ජනවාරි 21 වැනිදා අනුරාධනායක මහතා සභික ධුරයෙන් ඉවත් කර තිබේ.■
