රට මුහුණ දී තිබෙන විදේශ විනිමය අර්බුදයට විසඳුම් වශයෙන් පරිභෝජනය අඩු කිරීම
සඳහා පසුගිය සතියේ ඉන්ධන මිල ගණන වැඩි කරනු ලැබුවද ඒ තුළ ඉතා විශාල වශයෙන් බදු තිබෙන අතර ඔක්ටේන් 92 වර්ගයේ පෙට්‍රල් ලීටරයක්
සඳහා රුපියල් 85.90ක බද්දක් ආණ්ඩුව අය කරමින් පවතී.
ආනයනික ඉන්ධන සම්බන්ධයෙන් පවතින බදු පිළිබඳව ශ්‍රී ලංකා රේගුවෙන් කරන ලද විමසීමේදී මෙම කරුණු තහවුරු කර ගැනීමට හැකිවූ අතර ඒ අනුව පෙට්‍රල්ලී ටරයකට රුපියල් 50ක ආනයන බද්දක්ද, රුපියල් 27ක රේගු බද්දක්ද, සියයට 7.5ක වරාය හා ගුවන් තොටුපල බද්ද හෙවත් පැල් බද්දක්ද මේ වනවිට අයකරනු ලැබේ. ී ලංකා රෙගුව පැල් බද්ද ගණනය කරනු ලබන්නේ ආනයන වටිනාකම මත පදනම්ව වන අතර බලශක්ති අමාත්‍ය උදය ගම්මන්පිල සපුගස්කන්ද තෙල් පිරිපහදුව වසා දමන අවස්ථාවේදී ප්‍රකාශ කරනු ලැබුයේ පිරිපහදු ඉන්ධන බැරලයක් ඩොලර් 93කට මිලදී ගන්නා බවය. ඒ
අනුව පෙට්‍රල් ලීටරයක් සඳහා වන ආනයන මිල රුපියල් 118.73ක් ලෙස ගණනය කළහොත් ඒ සඳහා වන පැල්බ ද්ද ලීටරයකට රුපියල් 8.90කි. මේ අනුව මේ බදු තුනේ
එකතුව රුපියල් 85.90ක් වන අතර රුපියල් 177ක් වන ඔක්ටේන් 92 පෙට්‍රල් ලීටරයක් තුළ වන බදු ප්‍රතිශතය සියයට 48.53කි.
මේ වනවිට ලීටරයක් රුපියල් 207ක් වන ඔක්ටේන් 95 පෙට්‍රල් ලීටරයක් සඳහාද අය කරනු ලබන්නේ එම බදු ප්‍රමාණයන් හා ප්‍රතිශතයන් වන අතර එය එම පෙට්‍රල්ලී ටරයක් සඳහා සියයට 41.5ක ප්‍රතිශතයකි.
ඔටෝ ඩීසල් ලීටරයක් සඳහා ආනයන බදු වශයෙන්රු පියල් 25ක් හා රේගු බදු වශයෙන් රුපියල් 6ක් අය කරන අතර එහි පැල් බද්ද සියයට 7.5කි. ඒ අනුව රුපියල් 121ක් වන ඔටෝ ඩීසල් ලීටරයක් තුළ ඇති බදු ප්‍රමාණය රුපියල් 39.90ක් වන අතර එය ප්‍රතිශතයක් ලෙස සියයට 32.97කි.
සුපර් ඩීසල් ලීටරයක් සඳහා ආනයන බදු වශයෙන්රු පියල් 25ක්ද, රේගු බදු වශයෙන් රුපියල් 13ක්ද අය කරන අතර එහි පැල් බද්ද සියයට 7.5කි. ඒ අනුව රුපියල් 159ක් වන එම ඩීසල් ලීටරයක් තුළ පවතින බදු ප්‍රමාණය රුපියල් 46.90ක් වන අතර එය ප්‍රතිශතයක් ලෙස සියයට 29.5කි.
මීට පෙර ආණ්ඩුව ආනයනික ඉන්ධන සඳහා මෙම බදුවලට අමතරව අධිභාරයක්ද පනවනු ලැබූ අතර එය ඉවත් කරනු ලැබුයේ පසුගිය පෙබරවාරි මාසයේදීය. එම අධිභාරයෙන් ලැබෙන මුදල් ඉන්ධන මිල ස්ථායිකරණ අරමුදලකට බැර කරන බව පැවසුවද එම මුදල් ඉන්ධන මිල ස්ථායි කිරීමට යෙදවූයේ නැත.
රසායනික පොහොර සඳහා සහනාධාරයක් ක්‍රියාත්මක නොකරන බව ආණ්ඩුව ප්‍රකාශ කර තිබියදී මේ වනවිට පෞද්ගලික සමාගම් රටට ගෙන්වමින් තිබෙන පොහොර සඳහා ආනයනික බද්දක් හෝ රේගු බද්දක් අය නොකරන අතර අය කරනු ලබන්නේ පැල් බද්ද පමණය.■
