■ අමන්දිකා කුරේ
උතුරේ ජනතාව මුහුණ දෙන ගැටලු සම්බන්ධයෙන් කැනඩා පාර්ලිමේන්තුවේ මන්ත්‍රීවරුන් හා දමිළ ජාතික සංධානයේ නියෝජිතයන් අතර සකච්ඡාවක් පැවැත්වී තිබේ.
මේ වන විට කැනඩා සංචාරයක නිරත වී සිටින දමිළ ජාතික සංධානයේ පාර්ලිමේන්තු මන්ත්‍රීවරුන් වන ජනාධිපති නීතිඥ එම්.ඒ. සුමන්තිරන් හා ශානකියන් රාසමාණික්කම් යන අය නොවැම්බර් 23 වන දින මෙම සාකච්ඡාව පවත්වා ඇත්තේ කැනඩා පාර්ලිමේන්තු මන්ත්‍රීවරයෙකුගේ ආරාධනාවක් මතයි.
එහිදී උතුරු නැගෙනහිර ප්‍රදේශයේ සිදුවන නීති විරෝධී ඉඩම් කොල්ලය හා සම්පත් සූරාකැම, මානව හිමිකම් උල්ලංඝනය, ජාතික ප්‍රශ්නයට දේශපාලනික විසඳුමක ඇති අවශ්‍යතාවය සම්බන්ධයෙන් සාකච්ඡා වී තිබෙන අතර ඊට අමතරව, ශ්‍රී ලංකාවේ වත්මන් ආර්ථිකය නගා සිටුවන්නේ කෙසේද යන කාරණය පිළිබඳවද සාකච්ඡා වී ඇත.■
