ජනප‍්‍රිය කලාවේ අතිශය ජනප‍්‍රිය තරු බවට පත්වීමෙන් පසුව ඕනෑම කලාකරුවෙක් ඉන්නේ තමන්ගේ ජනප‍්‍රියත්වය නැතිවේදැයි බියෙන්. ඒ නිසාම තමන්ගේ අදහස් දැක්වීමේ අයිතිය සීමා කරගන්නටත් එවැනි කලාකරුවන් පෙළැඹෙනවා. ජනප‍්‍රියත්වය ගැන බිය මෙන්ම ගුටිකෑමට සිදුවේදැයි ඇතිවෙන බියත් තමන්ගේම අවංක අදහස් සිමා කරගන්නට හේතු කරගන්නවා. එහෙත් ජනප‍්‍රිය තරු විසින් නිර්භීත ලෙස ඉදිරියට පැමිණ තමන්ගේ අදහස් පවසන අවස්ථා දකින්න ලැබෙනවා.
රැප් සංගීතය කියන්නේ ලොව වඩාත් දේශපාලනිකම සංගීත ශෛලිය බවට සැකයක් නැහැ. රැුප් සංගීතය සමග මත්ද්‍රව්‍ය, ලිංගිකත්වය, මුදල් සම්බන්ධයෙන් ගැයෙන රැුප් ගී බොහෝ තිබුණත් රැප් ගායකයන් අතර වඩා සවිඥාණිකව, වඩා දේශපාලනිකව රැුප් ගී ගැයූ තරු බොහෝ සිටිනවා. රැප් සංගීත ඉතිහාසයේ බිහිවූ ශේෂ්ඨතම රැප් සංගීත තරු සියල්ලම පාහේ ශේෂ්ඨත්වයට පත්වුණේ අතිශය දේශපාලනික අදහස් රැප් සංගීතයෙන් ප‍්‍රකාශ කිරීම නිසායි.
මේ සටහන රැුප් සංගීතයේ ශේෂ්ඨ කලාකරුවන් අතරින් ශේෂ්ඨතමයා යැයි සැලකෙන එමිනම් ගැනයි. එමිනම් රැුප් සංගීත ශෛලියටත් එහා ගොස් ලොව ජනප‍්‍රිය සංගීතයේ ජනප‍්‍රියම තරුවක් ලෙස සැලකෙනවා. මේ වෙද්දී වයස අවුරුදු 40 ඉක්මවා සිටින ඔහුව තවමත් තරුණ සංගීත රසිකයන්ගේ හදවතේ ‘රැප් දෙවියා’ ලෙස සනිටුහන් වී සිටිනවා.
ඔහුගේ ජනප‍්‍රියත්වය කෙටියෙන් කීවොත්, ලොව වැඩියෙන්ම අලෙවි වූ ඇල්බම් අතර ඔහුගේ ඇල්බම් දෙකක් තියෙනවා. ලොව වැඩිම රසිකයන් පිරිසක් සිටින යූටියුබ්, ෆෙස්බුක් සහ ට්විටර් පිටු අතර ඔහුගේ පිටු මේ මොහොතේත් පවතිනවා. එක් කලෙක ලොව වැඩිම ෆෙස්බුක් ලයික්ස් ප‍්‍රමාණයක් හිමිවූ කලාකරුවා වුණේත් ඔහු.
‘මම දැනගෙන හිටියා ජනප‍්‍රිය වෙන එක අසීරු දෙයක් නොවන බව. ඒත් එතැන රැුඳී සිටීම ඊට වඩා අසීරු බව.’ අවුරුදු විසිදෙක වෙද්දී ජනප‍්‍රියම සංගීත තරුවක් වූ එමිනම් විසින් එසේ පවසන්නේ ජනප‍්‍රිය වීමට වඩා ජනප‍්‍රියත්වය රැුකගැනීම අසීරු නිසායි. ජනප‍්‍රියත්වය කඩාවැටුණු අවස්ථා මෙන්ම ජනප‍්‍රියත්වය ඉහළ ගිය අවස්ථා සමඟ ඔහුගේ සංගීත ජීවිතය ඉදිරියටම එනවා. 2014 දී රැුප් ගෝඞ් ගීතයෙන් ඔහු තමන් දෙවියෙක් බව කියනවා. ‘රජෙක් වෙන්න? මං හිතන්නෑ. රජෙක් වෙන්නෙ මොකද? දෙවියෙක් වෙන්න පුලූ‍වන්කම තියෙද්දී.’ රැුප් දෙවියා තමන් බව එමිනම් කියනවා.
දේවත්වය ලැබීමට වඩා එය රැුකගැනීම අසීරුයි. වැඩිපුර ආරක්ෂා විය යුතුයි. ආරක්ෂා වීමටනම් ආන්දෝලනාත්මක දේවල් නොපවසා සිටිය යුතුයි. රසිකයන් අකැමති දෙයක් කීවොත් එයින් ජනප‍්‍රියත්වය බිඳ වැටීමේ ඉඩක් තියෙනවා.
ඇමෙරිකානු ජනාධිපතිවරණයට ඩොනල්ඞ් ට‍්‍රම්ප් ඉදිරිපත් වෙන්නේ ඒ අතරතුර. ට‍්‍රම්ප් කියන්නේ රියැලිටි තරුවක් සහ ව්‍යාපාරිකයෙක්. මෑත ඉතිහාසයේ ඇමෙරිකානු ජනාධිපතිවරණයට ඉදිරිපත් වූ ජාතිවාදීම පුද්ගලයෙක්. ජාතිවාදය ඇතුළු ප‍්‍රතිගාමී අදහස් තමන්ගේ මැතිවරණ ව්‍යාපාරයට පාවිච්චි කළ කෙනෙක්. ඇමරිකාව තුළ ජාතිවාදී රැල්ලක් ඇතිකළ පුද්ගලයෙක්. 2016 වර්ෂය අවසාන වෙද්දී ට‍්‍රම්ප්ගේ මැතිවරණ ව්‍යාපාරය පැවැත්වුණා. මැතිවරණ ව්‍යාපාරයේදී ට‍්‍රම්ප් දැක්වූ අදහස් සමග එමිනම්ගේ හඬ අවදි වුණා. බොහෝ උදවිය මේ වෙද්දී ට‍්‍රම්ප් විරෝධය එළිපිට පවසනවා. ජිමී කිමෙල්, ජිමී ෆැලන්, ට‍්‍රවෙර් නෝආ, ජෝන් ඔලිවර්, ස්ටීවන් කෝල්බර්ට් වැනි රාත‍්‍රී වැඩසටහන් ඉදිරිපත් කරන්නන් සියලූ දෙනාම පාහේ ට‍්‍රම්ප් විරෝධීන් බවට පත්වෙලා. ටේලර් ස්විෆ්ට් පවා ට‍්‍රම්ප් විරෝධය ප‍්‍රසිද්ධියේ ප‍්‍රකාශ කරනවා. එහෙත් එමිනම් ට‍්‍රම්ප්ගේ ජාතිවාදී අදහස්වලට අභියෝග කරන්නට පටන්ගන්නේ 2016 දී ට‍්‍රම්ප්ගේ මැතිවරන ප‍්‍රචාරක වැඩසටහනේදිමයි.
2016 ඔක්තෝම්බර් 19 වැනිදා එමිනම් විසින් කැම්පේන් ස්පීච් නමින් පසුබිම් සංගීතයක් නැති නිදහස් රැප් ගීයක් එළිදැක්වුවා. ඒ ජනාධිපතිවරණ අපේක්ෂකයන් දෙදෙනා අතර අවසාන විවාදය පැවති දිනයේයි. ට‍්‍රම්ප්ට එමිනම්ගේ වාග් ප‍්‍රහාරය මුලින්ම එල්ලවුණේ ඒ අවස්ථාවේදී. ඉන්පසුව කිහිප වතාවක්ම සම්මුඛ සාකච්ඡුාවලදී ඔහු ට‍්‍රම්ප් විරෝධය පෙන්වුවා.
ට‍්‍රම්ප්ට විරුද්ධව දරුණුම රැුප් ප‍්‍රහාරය එල්ලකළේ 2017 ඔක්තෝම්බර් 10 වැනිදා. බී.ඊ.ටී. හිප්හොප් සම්මාන වෙනුවෙන් ඉදිරිපත් කළ ඒ රැුප් ගීයද පසුබිම් සංගීතයක් නැති නිදහස් රැප් ගීයක්වුණා.
ට‍්‍රම්ප් සැබෑ ප‍්‍රශ්න ජනතාවට අමතක කරමින් සිටින බව එමිනම් ඒ ගීයෙන් කියනවා. ‘ඔහු කියනවා අපේ බදු අඩු කරන බව. එතකොට ඔහුගෙ මිල අධික ගමන්, මාළිග ාවලට ගෙවන්නෙ කවුද?’ ඒ ගීයෙන් එමිනම් එසේ කියනවා. නැවත අප‍්‍රිකාවට යන්නැයි කළු ජාතිකයන්ට ට‍්‍රම්ප් පැවසිම ගැන දරුණු විරෝධයක් එමිනම් එල්ලකරන්නේ ට‍්‍රම්ප්ට ‘අවුරුදු 94ක ජාතිවාදී සීයා කෙනෙක්’යැයි අමතමින්.
‘ට‍්‍රම්ප්ට තාප්පය හැදුවොත් ඒක ශක්තිමත් විදියට හදයි කියල මං හිතනව. මොකද එහෙම වුණොත් මම එයාගෙ ටි‍්‍රක්ස් ඔක්කොම පාවිච්චි කරල දේශපාලනයට එනවා. ඊට පස්සෙ එයාගෙ ඔලූ‍ව අරන් තාප්පෙ පුපුරනකල් තාප්පෙට ගහනවා.’ එමිනම් තමන්ගේ ගීය ට‍්‍රම්ප්ට එරෙහි වාචිකව කරන හිංසනයක් දක්වා ගෙනයනවා.
‘මගෙ රසිකයො අතරෙ කවුරුහරි ඉන්නවම් ඩොනල්ඞ් සපෝටර්ස්ලා. මම ඉරක් අඳිනවා. ඔයා ඒ පැත්තෙ හරි මේ පැත්තෙ හරි ඉන්න. කාටහරි තීරණයක් ගන්න බැරිනං, වැඩියෙන්ම කැමති මටද ට‍්‍රම්ප්ටද කියලා. මම ඔයාලා වෙනුවෙන් තීරණේ ගන්නං මේකත් එක්ක.’ එසේ කියන ඔහු තමන්ගේ මැදැගිල්ල පෙන්වමින් එවැනි රසිකයන්ව අවශ්‍ය නැති බව සංකේතවත් කරනවා. ‘ඉතිරි ඇමෙරිකානුවන් මාත් එක්ක හිටගන්න. අපි අපේ හමුදාවට ආදරෙයි. අපි ඇමෙරිකාවට ආදරෙයි. ඒත් අපි ට‍්‍රම්ප්ට වෛර කරනවා.’ එමිනම් කියනවා.
ඉන්පසුව එමිනම් විසින් 2017 ඔක්තෝබර් 20 වැනිදා වල්චර් සඟරාව සමග සම්මුඛ සාකච්ඡුාවකට එක්වෙනවා. එහිදී එමිනම් පවසන්නේ ට‍්‍රම්ප් විසින් මිනිසුන්ගේ ඔලූ හෝදන බව.
‘ඔහු මගේ ලේ රත් කරවනවා. මට දැන් නිව්ස් බලන්නත් බැහැ. ඒකෙන් මාව පීඩනයට පත්වෙනවා. විහිළු පැත්තකට තියමු. පන්ච්ලයින් පැත්තකට තියලා මට ඕනෑ ඔහු ගැන පණිවුඩයක් සමාජගත කරන්න. මටත් ඕනෑ මගේ රට ශ්‍රේෂ්ඨ කරන්න. රට හැකිතරම් හොඳ වෙන්න ඕනෑ. මම මුලින්ම හිතුවෙ ඔහුට අවස්ථාවක් දීලා බලමු කියලයි. ඒ අස්සෙ මම දැක්කා අර කතාව. මෙක්සිකෝවෙන් අමෙරිකාවට ස්ත‍්‍රී ¥ෂකයන්වයි, අපරාධකාරයන්වයි එවන බවට කි කතාව. මට එතකොට තමයි හිතුණෙ මේ මොන මඟු‍ලක්ද කියලා. ඒ වෙලාවෙ ඉඳන් මම දැනගෙන හිටියා මම ඔහුට නරක විදියට ප‍්‍රතිචාර දක්වන බව. ඔහු මිනිස්සු එකිනෙකාට එරෙහිව පෙළගස්වනවා. එහෙම කරන එක ඉතාම භයානක දෙයක්.’ වල්චර් සමග සාකච්ඡුාවේදී එමිනම් එසේ කියනවා.
එමිනම්ගේ රසිකයන් වැඩිපුර සිටින්නේද ට‍්‍රම්ප් රසිකයන් වැඩිපුර සිටින ප‍්‍රදේශවලමයි. ට‍්‍රම්ප් අතිශයින් ජනප‍්‍රිය වෙන කාලයක එමිනම්ගේ අදහස් දැක්වීම් තමන්ගෙ ජනප‍්‍රියත්වය සීමා කිරීමටම හේතුවෙන බව රහසක් නෙවෙයි. ඔහු කමිකාසේ ඇල්බමයේ තිබුණු රිඟර් නම් ගීතයේදී ඒ බව කියනවා. මගේ රසිකයන්ගෙන් තුනෙන් දෙකක් අඩුවූ බව ඔහු එයින් කියනවා. 2017 දී ඔහු එළිදැක්වූ ඇල්බමය ඔහුගේ සංගීත ඉතිහාසයේ වැඩිම පාඩු ලැබූ ඇල්බම් දෙක අතරින් එකක්.
එසේ වුවත් ඔහු තමන්ගේ දේශපාලන ස්ථාවරයන් ගැන පසුතැවිලි වෙන්නේවත්, ඒවා අත්හරින්නේවත් නැහැ. ඒ වෙනුවට ඔහු 2018 දී එළිදැක්වූ කමිකාසේ ඇල්බමයෙන් වඩා ශක්තිමත් ගීත රැුසක් කලාකෘතිවලට එක් කරනවා. බිල්බෝඞ් දර්ශකයට කමිකාසේ ඇල්බමය එක්වෙන්නේම අංක එක ස්ථානයේ සිට. කමිකාසේ ඇල්බමයෙනුත් ඔහු ට‍්‍රම්ප් විරෝධය ගෙන එනවා. එහෙත් ඔහුගේ ජනප‍්‍රියත්වය නැවතත් වර්ධනය වෙමින් පවතින බව පෙනෙනවා. ඉදිරි ඇල්බමයකදී එමිනම් නැවතත් තමන් සැබෑවටම කවුදැයි සමාජයට පෙන්වාවි. කෙසේ වෙතත් අන් කිසිදේකට වඩා තමන්ගේ නිදහස් අදහස් පිළිබඳ අයිතිය රැකගන්නට එමිනම් සමත් වෙනවා. ඇමෙරිකාවේ දේශපාලනයට භයානක නරක සම්ප‍්‍රදායන් එක් කරමින් සිටින ට‍්‍රම්ප්ට එරෙහිව එමිනම් තමන්ගේ ජනප‍්‍රියත්වය පාවිච්චි කරනවා. ඒ තමන්ගේ රටේ යහපත වෙනුවෙන්. ජනප‍්‍රියත්වය වැඩිවෙද්දී ලාදුරු රෝගීන් මෙන් සමාජය ගැන හැඟීම් දැනීම් නැතිව ජීවත්වීම වෙනුවට සමාජය ගැන සංවේදී වීමට එමිනම් කළ තෝරාගැනීම එමිනම්ගේ ශ්‍රේෂ්ඨත්වය තවත් වැඩි කිරීමක් මිස අඩු කිරීමක් නොවෙයි.
අනුරංග ජයසිංහ
