■ ඉඳුවර බණ්ඩාර
අධිකරණ අමාත්යාංශය යටතේ ඇති ජාතික සමගිය හා සංහිඳියා කාර්යාංශයේ පාලක සභාවෙන් තමා ඉවත්වන බව මහාචාර්ය රිස්වි හසන් සිය ෆේස්බුක් ගිණුමේ සටහනක් තබමින් සඳහන් කර ඇත.
එම කාර්යාංශය යටතේ ඉටුකිරීමට නියමිත කාර්යයන් වත්මන් ආණ්ඩුව බාර ගැනීමට
සූදානම් නොවීම මත ඉල්ලා අස්වන බව එහි සඳහන් කර ඇත. එම කාර්යාංශය හිටපු ජනාධිපති චන්ද්රිකා කුමාරතුංග යටතේ පිහිටුවූ බවත් එම සමයේ එහි ඉතා හොඳින් කටයුතු කළ බවත් මහාචාර්යවරයා එහි සඳහන් කර ඇත.
මේ අතර එම කාර්යාංශයට සම්බන්ධ අපේ ආරංචි මාර්ග ප්රකාශ කරන්නේ ‘එක රටක් එක නීතියක්’ නම් වූ ජනාධිපති කාර්ය සාධක බලකායේ ප්රධානියා වශයෙන් ගලගොඩඅත්තේ ඥානසාර හිමි පත් කිරීම හේතුවෙන් එම ඉල්ලා අස්වීම සිදුවී ඇති බවය.■
