ඔක්තෝම්බර් 26 වැනිදා ආණ්ඩු වෙනස් කිරීම සඳහා වූ කුමන්ත‍්‍රණය පිළිබඳව ශ‍්‍රීලනිපයේ සහ ඒකාබද්ධ විපක්ෂයේ නායකයන්ද දැනගත්තේ එදින හැන්දෑවේය. මාධ්‍ය දැනගත්තේද ඒ අස්සේය. ඉන් පැයක් යද්දී රටේ තැන් රැුසක අපූරු ක‍්‍රියා රැසක් දැකගත හැකිවිය. පහරදීම්, කලහකාරීත්වය දකින්නට ලැබුණි. මාධ්‍ය හරහා දකින්නට ලැබුණේ මාධ්‍ය ආයතනවල ඇතිවූ කලබලයන් පමණි. එහෙත් බොහෝ ස්ථාන රැුසක ආණ්ඩු මාරුවෙන් උද්දාමයට පත් රාජපක්ෂ පාක්ෂිකයන් තමන්ට පුරුදු මැර බලය පෙන්වන්නට පටන්ගෙන තිබුණි. වත්මන් ආණ්ඩුවට හිතවත් පුද්ගලයන්ගේ නිවෙස් ඉදිරිපිට කෑ ගැසීමේ සිදුවීම්, නිවෙස්වලට රතිඤ්ඥා දැමීමේ සිදුවීම් රාජපක්ෂ පාක්ෂිකයන්ගෙන් සිදුවූ අවස්ථා රැුසක් පිළිබඳව දැනගන්නට ලැබුණි.
කුමන්ත‍්‍රණය දියත් වූ මොහොතේ සහ ඉන් පසුව බොහෝ ස්ථානවල තිබුණු කටවුට් ගිනිතැබීම් සහ විනාශ කිරීම් දකින්නට ලැබෙයි. රාජ්‍ය ආයතවල තිබුණු කටවුට් රැසක් ගිනිතබා ඇති අතර එවැනි සිදුවීම් ගණනාවක් වාර්තා වෙයි. කුමන්ත‍්‍රණ ආණ්ඩුවට පාර්ලිමේන්තුවේ බහුතරයක් ලැබෙන්නටද පෙර සංවිධානය වීමෙන් තම බලය පෙන්වීමට බොහෝ පිරිස් උත්සාහ දරා ඇත.
මාධ්‍ය
මාධ්‍ය ආයතනවලට පහරදීමේ සිදුවීම ගැන ස්වාධීන රූපවාහිනී ආයතනයේ ප‍්‍රධානියෙක් කී කතාවක් ඇත. සිකුරාදා හැන්දෑවේ ස්වාධීන රූපවාහිනී පරිශ‍්‍රයෙන් පිටවූ ඔහු පන්නිපිටියට ළං වෙද්දී ආණ්ඩු පෙරළීමේ කුමන්ත‍්‍රණය ගැන ආරංචිය ලැබී ඇත. නිවසට ඇතුළුවෙද්දී ස්වාධීන රූපවාහිනී පරිශ‍්‍රයට සුධර්මන් රදලියගොඩ ළඟා වී ඇත. ස්වාධීන රූපවාහිනියේ සේවය කළ සුභාෂ් ජයවර්ධනට ‘උඹේ කාලය අවසන්’යැයි කියමින් පහරදී ඇත. ශාලික විමලසේන, දයා නෙත්තසිංහ වැනි ස්වාධීන රූපවාහිනියට වත්මන් ආණ්ඩුව සමයේදී පත්වීම් ලද නිලධාරීන් රැුසකට පහරදීමට උත්සාහ කර ඇත.
ජාතික රූපවාහිනී පරිශ‍්‍රයේ සිදුවූ සිදුවීම බොහෝ දෙනෙක්ට දකින්නට ලැබුණි. මංගල සමරවීර, චතුර සේනාරත්න ඇතුළු පිරිස ජාතික රූපවාහිනී පරිශ‍්‍රයට ගොස් තිබුණේ පවතින තත්වය පිළිබඳව විශේෂ වැඩසටහනක් සඳහා බව සැබෑය. ජාතික රූපවාහිනිය වැනි ආයතන
කෙසේ වෙතත් රජයේ මාධ්‍ය ආයතන හතර වන ස්වාධීන රූපවාහිනිය, ජාතික රූපවාහිනිය, ශ‍්‍රී ලංකා ගුවන් විදුලි සංස්ථාව හා ලේක්හවුස් යන ආයතන හතරටම කණ්ඩායම් මෙහෙයවා තිබුණේ කෙහෙළිය රඹුක්වැල්ල විසින්ය. කෙහෙළිය රඹුක්වැල්ල විසින් රජයේ මාධ්‍යවලින් කුමන්ත‍්‍රණකාරී ආණ්ඩුවට හිතවත් පුවත් පළ කරවාගැනීම සඳහා කටයුතු සූදානම් කර තිබුණි.
තෙල් සංස්ථාව
තෙල් සංස්ථාවේ ඔක්තෝම්බර් 28 වැනිදා සිදුවූ වෙඩි තැබීමේදී අර්ජුණ රණතුංගගේ ආරක්ෂකයන් විසින් කටයුතු කළ ආකාරය සම්බන්ධයෙන් විවිධ අදහස් ඇතිවිය හැකිය. එහෙත් සරලවම ඛණිජ තෙල් සංස්ථාව භාර නීත්‍යානුකූල අමාත්‍යවරයා වන අර්ජුණ රණතුරංග තමන් යටතේ පවතින ආයතනයකට ඇතුළුවීම කිසිසේත්ම නොකළ යුතු ක‍්‍රියාවක්යැයි හැඳින්විය නොහැකිය. නීතිවිරෝධී ආණ්ඩුවට සහාය පළකරන බොහෝ මාධ්‍යවලින් කියන ආකාරයට අර්ජුණ රණතුංග දැන් හිටපු ඇමතිවරයෙක් වුව තෙල් සංස්තාවට ඇතුළුවීම වැරදි ක‍්‍රියාවක්යැයි අර්ථකතනය කිරීමට පසුබිමක් නිර්මාණය වෙන්නේ නැත. හදිසියේ ආණ්ඩුව වෙනස් වුවත් හිටපු ඇමතිවරයෙකු තමන් යටතේ ඇති ආයතයකට ඇතුළුවීම සාමාන්‍ය කාරණයකි.
එහෙත් රාජපක්ෂලාට හිතවත් මැර කණ්ඩායම් තෙල් සංස්ථාවට ඇතුලූ‍වී සිටියේය. ඔවුන් ක‍්‍රියා කළේ තෙල් සංස්ථාව තමන්ගේ දේපලක් ලෙස සලකමින්ය. සුදර්මන් රදලියගොඩලා ස්වාධීන රූපවාහිනියට ඇතුළු වූ සේම තෙල් සංස්ථාවේ සේවකයන් නොවන රාජපක්ෂ හිතවාදීන්ද ආයතනයේ සිටියේය. අර්ජුණ රණතුංගට හිතවත් නිලධාරිනියන්යැයි කියමින් නිලධාරිනියන් දෙදෙනෙක්ව සිර කරගෙන තබාගත් බවද වාර්තා විය.
තම නිල කාමරයේ තිබු තමන්ගේ පෞද්ගලික බඩුබාහිර ආදිය රැුගෙන ඒමට ගිය මොහොතක එම ස්ථානයට පැමිණි ඛනිජ තෙල් සේවකයන් පිරිසක් සමග පැමිණි මහින්ද රාජපක්ෂ මහතාට ලැදි නාගරික මන්ත‍්‍රිවරයෙකුද තමන්ට පහර දීමට තැත්කල බවත් එම අවස්ථාවේ අර්ජුන රණතුංග මහතාගේ ආරක්ෂක නිලධාරියා විසින් වෙඩි තැබීමක් සිදු කර ඇති බවත් අර්ජුණ රණතුංග ඇමතිවරයා කියයි. ඛණිජ තෙල් සංස්ථා සේවකයන්ගේ පැත්තෙන් කියන්නේ සිදුවීම පොලීසියෙන් පාලනය කරද්දී ත් ඇමති ආරක්ෂකයා වෙඩි තැබූ බවයි. කෙසේ වෙතත් මේ ගැටුම් සියල්ල හදිසි කුමන්ත‍්‍රණයකින් ආණ්ඩුව පෙරළන්නට ගොස් සිදුවූවක් බව පැහැදිළි කාරණයකි.
අවසානයේදී ඛන්ජ තෙල් සේවකයන් තිදෙනෙකුට වෙඩි වැදුන අතර එක් අයෙකු ජීවිතක්ෂයට පත්විය. ඛණිජ තෙල් සේවකයන්ගේ විරෝධතා නිසා අර්ජුණ රණතුංගව අත්අඩංගුවට ගත්තද ඔහුට මහේස්ත‍්‍රාත් අධිකරණයෙන් ඇප ලැබුණි.
ඛණිජ තෙල් සංස්ථාවේ ජාතික සේවක සංගමය නියෝජනය කරමින් ආනන්ද පාලිත මහතා මෙසේ අදහස් දැක්වීය. ‘මහින්දලගේ මැරයන් ගහලා තෙල් සංස්ථාවේ ජාතික සේවක සංගමයේ සභාපති වරයා රෝහල් ගත කරලා. ඒ් ව‌ගේම තේල් සංස්ථාවේ ජාතික සේවක සංගමයේ කාර්යාලය බලහත්කාරෙයන් වහලා වෘත්තිය සමිති වලට දුන්න පහසුකම් බලහත්කාරයෙන් අත්පත් කරගන. මේ වෙන කොට රටේ තැන් කීපයක දීම් සිදුවෙලා තියෙනවා. නමුත් 2015 ජනාධිපති වරයෙන් පස්සේ කිසිදු පහර දීමක් කිසිම රාජ්‍ය ආයතනයක සිදුවුනේ නෑ.’
තවත් සිදුවීම්
හම්බන්තොට සිදුවීම් රැුසක් පිළිබඳව වාර්තා වී ඇත. ගම්උදාව යටතේ සජිත් පේ‍්‍රමදාසගේ ප‍්‍රධානත්වයෙන් නිර්මාාණය කර තිබූ නිවාස රැුසකට පහරදී ඇත. ඊට අමතරව නාමපුවරු රැුසක් කඩා දමා ඇත. මේ පහරදීම් සිදුව ඇත්තේ 27 වැනිදාය.
ඔක්තෝම්බර් 26 වන දින රාත‍්‍රියේදී හම්බන්තොට ලූ‍ණු සංස්ථාවේ සභාපතිවරයාගේ නිල නිවසට පිරිසක් ඇතුල් වී ඔහුට පහර දීමට උත්සාහ කර ඇත. සභාපතිවරයාව නිල තනතුරෙන් පමණක් නොව නිල නිවසෙන්ද පන්නා දැමීමට ඒ පිරිස උත්සාහ කර තිබේ. අවසානයේදී ලූ‍ණු සංස්ථාවේ කාර්යාල වලටද සීල් තබා ඇත.
මීට අමතරව කොළඹ වරායේ සිදුවීමක් පිළිබඳවද ස්වාධීන වරාය සේවක සංගමයේ සභාපති ලාල් බෙංගමුව අනිද්දා සමඟ අදහස් දක්වමින් කීය. ‘වරාය සභාපති පරාක‍්‍රම දිසානායක මහත්තයාගේ නිල නිවසට බලහත් කාරයෙන් ඇතුළුවූ මහින්ද රාජපක්ෂ පාර්ශවයේ මැර කණ්ඩායමක් සභාපතිවරයාගේ නිල වාහනය වීවෘත කර ලිපි ගොනු කීපයක් පැහැර ගැනීමට උත්සහ කරලා, පසුව සභාපතිවරයාට තර්ජනය කරලා ගිහින්.’
නිවාස සංවර්ධන අධිකාරියේ ඉහළ නිලධාරියෙක් පසුගිය 27 වැනිදා තම නිල රථයෙන් සේවයට පැමිණි පසුව සේවකයන් විසින් එම නිලධාරියාව ත‍්‍රීරෝද රථයෙන් ගෙදර යවා ඇත.
ඊට අමතරව පක්ෂ කාර්යාලවලට පහරදීම් සිදුව ඇත. ශ‍්‍රීලනිප මීරිගම කාර්යාලයටද එලෙස පහරදී ඇත. 30 වැනිදා එක්සත් ජාතික පක්ෂයේ ත‍්‍රිකුණාමලය නගර සභා මන්ත‍්‍රිනියකගේ මෝටර් රියකට පහර දී ඇත.
රාජ්‍ය ආයතන රැුසක් අරාජික වී ඇති බවත් වාර්තා වෙයි. ආයතනවල නිලධාරීන් විසින් තම ප‍්‍රධානීන්ගේ නියෝග පිළිනොපැදීමේ සිදුවීම්ද ඇත. සමස්ථයක් ලෙස පෙනී යන්නේ නැවත රාජපක්ෂ රජයක් ඇතිකරගැනීමේ කුමන්ත‍්‍රණය ක‍්‍රියාත්මක වෙද්දී රාජපක්ෂලාගේ දේශපාලන සංස්කෘතියද අවදි වී ඇති බවය. බොහෝ රටවල් හැත්තෑ ගණන් අසූ ගණන්වලදී අත්හැර දමා ඇති මෙවැනි දේශපාලන සංස්කෘතියකට නැවත රට බාරදීමේ වගකීම බාරගත යුත්තේ මෛත‍්‍රීපාල සිරිසේන ය.
රේඛා නිලූ‍ක්ෂි හේරත් / ධම්මික ප‍්‍රියදර්ශන
