■ ඉඳුවර බණ්ඩාර
පෞද්ගලික අංශයේ සියලු සේවකයන්ගේ දෛනික අවම වැටුප රුපියල් 1000ක් ලෙස ඉදිරි අයවැය යෝජනාවලට ඇතුළත් කරන ලෙස ජාතික කම්කරු උපදේශක සභාව නියෝජනය කරන වෘත්තීය සමිති මුදල් අමාත්‍ය බැසිල් රාජපක්ෂට ලිපියක් යොමු කරමින් ඉල්ලා ඇත.
රුපියල් 1000ක අවම වැටුප මේ වනවිට ජාතික ප්‍රතිපත්තියක් ලෙස පමණක් නොව ප්‍රායෝගිකව වතුකරයේ සේවක සේවිකාවන්ගේ වැටුප සම්බන්ධයෙන් පඩිපාලක සභා මගින් ක්‍රියාත්මක කරමින් පවතින බවද එහි අවධාරණය කර තිබේ.
එසේම අයවැය සහන දීමනාවත් සමග රුපියල් 16,000ක් වන ජාතික අවම වැටුප රුපියල් 26,000ක් කරන ලෙසද ඉල්ලා ඇත.■
