ජනාධිපති මෛතී‍්‍රපාල සිරිසේනගේ දියණිය ඇයට අයත් තිිදස් අරණ හෝටලයේ බලපත‍්‍ර ලබාගෙන මත්පැන් වෙළෙඳාමේ යෙදෙන බවට අප පසුගි ය සතියේ කරන ලද හෙළිදරව්ව හේතුවෙන් සමහර පිරිස් බොහෝ කලබලයට පත්වී ඇති බව අන්තර්ජාලය පරික්සීමේදී පෙනීයයි. මෙසේ කලබලයට පත්වී ඇති සමහර වෙබ් අඩවිවල අයිතිකරුවන් තබා කර්තෘ මණ්ඩල සමාජීකයන් පවා කවුදැයි ජනමාධ්‍ය ක්ෂේත‍්‍රයේ අය පවා දන්නේ නැත. ජනාධිපති මෛතී‍්‍රපාල සිරිසේනගේම නිර්වචනයට අනුව නම් ඒවා මඩ ප‍්‍රචාරය කරන වෙබ් අඩවිය. ආචාරධාර්මික වෙබ් අඩවි නම් ඒවා හිමිකාරිත්වය හා කර්තෘ මාණ්ඩලිකයන් සමග ප‍්‍රසිද්ධියේ පෙනීසිටිය යුතුය.
සමාජ වෙබ් අඩවිවල සරන සමහරුන්ට අනුව නම් අපගේ එම හෙළිදරව්ව ස්තී‍්‍ර විරෝධීය. එසේ කියන බොහෝ අය ගැන අපට එළඹිය හැකි නිගමනය වන්නේ ඔවුන් අපගේ සම්පූර්ණ වාර්තාවම කියවා නැති බවය. අප එය වාර්තා කර ඇත්තේ ස්තී‍්‍ර විරෝධයක් මත පිහිටා නොව රටේ අනෙකුත් ස්තී‍්‍රන්ට ජනාධිපති මෛතී‍්‍රපාල සිරිසේන අකැපයි කියන අයිතියක් ඔහුගේ දියණියට කැපවූයේ කෙසේදැයි ප‍්‍රශ්න කිරීම සඳහාය. ජනාධිපති මෛත‍්‍රීපාල සිරිසේනගේ පුතෙකු නොව දියණියක මෙලෙස හැසිරීම අපේ අඩුපාඩුවක් නොවේ. මහින්ද රාජපක්ෂ ජනාධිපතිවරයාගේ දරුවන් පිළිබඳවද අපි මෙලෙසම වාර්තා කළෙමු. එහෙත් ඔහුට දියණියන් නොසිටි නිසා මේ චෝදනාව එල්ල නොවීය. සමහරවිට අපගේ එම හෙළිදරව් කිරීමට ජනාධිපති මෛතී‍්‍රපාල සිරිසේනගෙන් හෝ ඔහුගේ දියණියගෙන් නොවන, ජනමාධ්‍ය ආචාර ධර්ම පිළිබඳව ඇසූ පිරූ තැන් ඇති කවුරුත් නොදන්නා පුවත්පත් පාඨකයෙකුගෙන්, ‘මේ නම් ගවේෂණාත්මක මාධ්‍යවේදයක් නොවේයැ’යි අපට ලිපි ලැබිය හැකිය. ගවේෂණාත්මක මාධ්‍යවේදයේ ම`ගහැරිය නොහැකි විෂය පථයක් වන්නේ ප‍්‍රතිපත්ති හා කි‍්‍රයාව අතර පරස්පරය පෙන්වාදීමය. විශේෂයෙන් ප‍්‍රභූන්ගේ හෙවත් රට කරවන දේශපාලනඥයන්ගේ ප‍්‍රතිපත්ති හා කි‍්‍රයාව අතර පරස්පරය පෙන්වාදීමය. අප කළේ එයය.
ජනාධිපති මෛතී‍්‍රපාල සිරිසේන නිර්පාක්‍ෂික අපේක්‍ෂකයා වශයෙන් මේ රටේ හැටදෙලක්ෂයක ජනතාව ජනපති පුටුවේ ඔසවා තබනු ලැබුවේ එහි රස බලමින් චිරාත් කාලයක් වැජඹෙන්නට නොවේ. ශී‍්‍ර ලංකාව ජනතාවට ගෞරවයෙන් ජීවත්විය හැකි යහපත් රටක් වශයෙන් පවත්වාගෙන යෑම සඳහා අත්‍යවශ්‍ය ප‍්‍රතිසංස්කරණ සිදු කොට නිශ්චිත කාල රාමුවක් තුළ විධායක ජනාධිපති ධුරය අහෝසි කිරීමටය. එහෙත් එම නිශ්චිත කාල රාමුව තුළ තබා ඔහුගේ පළමු ධුර කාලයෙන් පසුවත් ජනාධිපති මෛතී‍්‍රපාල සිරිසේන ජනාධිපති පුටුවෙන් බැස යෑමට කැමැත්තක් නැති බව ඔහු විසින් පසුගිය කාලය පුරාම පෙන්වා තිබේ. ඔහු හැරදා විත් නැවත බාරගත් ශී‍්‍රලනිපයේ 2020 ජනාධිපති අපේක්‍ෂකයා ඔහු බව එම පක්ෂයේ ඔහුගේ අතිජාත ගෝලබාලයන් ප‍්‍රසිද්ධියේ කරන ප‍්‍රකාශ ඔහුට නෑසෙන සේය. ඒ නිසාම ඔහු, ‘මා ආවේ විධායක ජනාධිපති ක‍්‍රමය අහෝසි කරන්නට මිස එහි තවදුරටත් ඇලීගැලී ඉන්නට නොවන බව’ කියන්නේ නැත. විෂන් 2025 යනු, ඇලීගැලීමේ ඔහුගේ ඒ ආශාව අපට නොකියා කියන ඔහුගේ සමාජ ආර්ථික වැඩපිළිවෙළය. 2020න් අවසන් වන ඔහුගේ වත්මන් ධුරකාලයද අබිබවමින් 2025 දක්වා එය දිගුවන්නේ එම අනාගත බලාපොරොත්තුව ඇතිවය.
‘පරාක‍්‍රමබාහු රජ සමයේද ශී‍්‍ර ලංකාව ඉන්දියානු සාගරයේ ගෝලීය ආර්ථික කේන්ද්‍රස්ථානයක් වූ බවට ඉතිහාසය සාක්ෂි දරයි. 2025 දැක්ම තුළින් නැවතත් එවන් සමෘද්ධිමත් යුගයක් වෙත ළ`ගාවීමට අපි බලාපොරොත්තු වන්නෙමු.’ යන්න එහි විශාලනය කොට අවධාරණය කර ඇත.
ඒ අනාගත බලාපොරොත්තුවේ දැක්ම දැන් අපට ඔහුගේ කැපීපෙනෙන දියණියගේ ව්‍යාපාරික ක්ෂේත‍්‍රයන් හරහා පිළිබිඹු වනවාද යන්න විමසා බැලිය හැකිය. පසුගිය සතියේ අප ඔබට හෙළිදරව් කළ චතුරිකා සිරිසේනගේ ‘තිදස් අරණ’ හෝටලයට අදාළ ව්‍යාපාරික ලියාපදිංචිය අනුව මේ අනාගත බලාපොරොත්තුව අපට පැහැදිලි වේ. එය හෝටලයක් වුවද සාමාන්‍යයෙන් හෝටලයකින් සැපයෙන සෘජු හා බාහිර සේවාවන්ට වඩා එහි අරමුණ පුළුල්ය. විශාලය.
සමාගම් ලියාපදිංචිය සඳහා ඉදිරිපත් කර ඇති එම අරමුණු අතර, හෝටල් හා ඒ ආශ‍්‍රිත බාහිර කි‍්‍රයාකාරකම්වලට අමතර, ගුවන්විදුලි හා රූපවාහිනී මධ්‍යස්ථාන පවත්වාගෙන යෑම, ජලය හා අනෙකුත් බීම නිෂ්පාදනය, ජංගම ටැක්සි සේවා පවත්වාගෙන යෑම, භාණ්ඩ ගබඩා කිරීමේ ගුදම් පවත්වාගෙන යෑම, බේකරි හා රසකැවිලි කර්මාන්තය, කී‍්‍රඩාගාර පවත්වාගෙන යෑම, පෙට‍්‍රල් පොම්ප අලූත්වැඩියාව හා සේවා මධ්‍යස්ථාන පවත්වාගෙන යෑම, පුහුණු මධ්‍යස්ථාන හා කී‍්‍රඩා සමාජ පවත්වාගෙන යෑම, සායන හා සාත්තු නිවාස පවත්වාගෙන යෑම, ශීත ගබඩා හා සිනමා ශාලා පවත්වාගෙන යෑම ආදිය හෝටල් කර්මාන්තයට සම්බන්ධයක් නැති දේ වශයෙන් බැලූබැල්මට හඳුනාගත හැකිය.
හෝටල් කර්මාන්තයට අවශ්‍ය ස්පා පවත්වාගෙන යෑමද එහි අරමුණක් වන අතර අප පසුගිය සතියේ හෙළිදරව් කළ සේම වයින්, බියර් හා ස්පී‍්‍රතු වෙළෙඳාමද එහි අරමුණක්ය. මේ අරමුණු ඇයට පහළ වී ඇත්තේ සිය පියා ජනාධිපතිවරයා වශයෙන් පත්වීමෙන් පසු 2017 වර්ෂයේදීය. ඒ එම හෝටලයට ඉහත අරමුණු සහිතව සමාගම් ලියාපදිංචිය ලබාගන්නේ 2017.06.07 දින බැවින්ය.
මේ අනුව අපට කියාපාන්නේ කුමක්ද? චතුරිකා සිරිසේන සිය පියාගේ අනුහස යටතේ බොහෝ දුරක් යන්නට සිතාගෙන සිටිනවා යන්නය. රාජපක්ෂ පුතුන් මෙන් ඇයද ගුවන් විදුලි හෝ රූපවාහිනී බලපත‍්‍රයක සෘජු හෝ වක‍්‍ර හිමිකාරියක විය හැකිය. හිටපු මුදල් අමාත්‍ය රවි කරුණානායක මෙන් ආනයන අපනයන ගුදම් පවත්වාගෙන යන ව්‍යාපාරයක සෘජු හෝ වක‍්‍ර හිමිකාරියක විය හැකිය. රාජපක්ෂ පුතුන් මෙන් කී‍්‍රඩා සමාජවල හිමිකාරියක විය හැකිය. රාජපක්ෂ පුතුන් පවා අත නොගැසූ පෞද්ගලික රෝහලක හිමිකාරියක විය හැකිය. ආනයන, අපනයන වෙළෙඳාමට හෝ රට පුරා විසිරෙන සුපිරි වෙළෙඳපොළවල බඩු ගබඩා කරන ශීත ගබඩාවල අයිතිකාරියක විය හැකිය. වාහන අලූත්වැඩියාව හා සේවා ස්ථාන ජාලයක හිමිකාරියක මෙන්ම රට පුරාම ඇති ඉන්ධන පිරවුම්හල්වලට අවශ්‍ය පෙට‍්‍රල් පොම්ප ආනයනය කරන නියෝජිතවරිය වීමටද හැකිය. පොළොන්නරුවේ ඇති වකුගඩු රෝගයට පිළියම් වශයෙන් පෙරන ලද ජලය භාවිතාව වෙනුවට ඇය විසින් නිෂ්පාදනය කරනු ලබන ජලබෝතල් සැපයෙන කි‍්‍රයාවලියක් ඉදිරියේදී ඇතිවිය හැකිය. එපමණක්ද නොව ජංගම දුරකථනයෙන් වෙන් කරවාගෙන අපට යෑම්ඊම් කිරීමට මිල අඩු ටැක්සි සේවාවක්ද ලැබිය හැකිය.
ඉතිං ජනාධිපති මෛතී‍්‍රපාල සිරිසේන කෙසේ වෙතත් ඔහුගේ දියණිය චතුරිකා නම් සුළුපටු නැතැයි මෙම කියවන ඔබට සිතිය හැකිය. රාජපක්ෂ පුතුන්ගේ සීඑස්එන් නාලිකාවද ඇගේ දැන්වීම් ප‍්‍රචාරණ ආයතනයේ ගනුදෙනුකරුවෙක්ය. සරලව කිවහොත් 2015න් පසු රාජපක්ෂ පුතුන්ද ඔවුන්ගේ නාලිකාවේ ප‍්‍රචාරක කටයුතු බාරදී ඇත්තේ චතුරිකාගේ දැන්වීම් සමාගමටය. රාජපක්ෂ පුතුනුන් තමා යටතට ගැනීමට තරම්ම ඇය දක්‍ෂය. ජනාධිපති මෛතී‍්‍රපාල සිරිසේන පුටුවේ සිටියහොත් රාජපක්ෂ පුතුන් මොකුන්ද කියන තරමට අපට චතුරිකා සිරිසේනගේ ව්‍යාපාරික දස්කම් විස්කම් බලාගත හැකිවනු ඇත. තමන්ගේ පවුලේ කිසිවෙකු දේශපාලනයට නොපැමිණෙන බව ජනාධිපති මෛත‍්‍රීපාල සිරිසේන මහතා කියා ඇතත් චතුරිකා සිරිසේන දියණිය අනාගතයේ දේශපාලනයට පැමිණීමේ ඉඩක් ඇති බවද පෙනෙයි.
ලසන්ත රුහුණගේ
