■ අමන්දිකා කුරේ
මේ දිනවල ටෝකියෝහි පැවැත්වෙන පැරාලිම්පික් 2020 තරඟාවලියේ හෙල්ල විසිකිරීම-පිරිමි අංශයෙන් නව ලෝක වාර්තාවකට ද හිමිකම් කියමින් රන් පදක්කම දිනා ගැනීමට ශ්‍රී ලංකාවේ හේරත් මුදියන්සේලාගේ දිනේශ් ප්‍රියන්ත ක්‍රීඩකයා සමත් විය.
අවසාන වටයේ දී ඔහු ඉන්දීය ක්‍රීඩකයා පරාජය කරමින් මීටර 67.79 දුරක් වාර්තා කිරීමට සමත් විය.
කලක් යුද හමුදාවේ සේවය කර යුද කාලවකවානුවේදී ආබාධයකට ලක්ව ඇති දිනේශ් ප්‍රියන්ත මීට පෙර 2016 වසරේදී රියෝ ද ජනයිරෝ පැරාලිම්පික් උළෙලෙහි ද මෙම තරඟ ඉසව්වෙන්ම ලෝකඩ පදක්කම දිනා ගත්තේ ය.
දිනේශ් ප්‍රියන්ත දිනාගත් මෙම රන් පදක්කම ශ්‍රී ලංකාව විසින් පැරාලිම්පික් උළෙලකදී දිනා ගනු ලැබූ පළමු රන් පදක්කමයි.■
