නීතිය හා සාමය පිළිබඳ අමාත්‍ය රංජිත් මද්දුම බණ්ඩාර තමන්ගේ නිවසේ ආරක්ෂකයා සේ දීර්ඝ කාලයක් සේවය කළ පොලිස් කොස්තාපල් සමන්ත කරගහවෙල උපපොලිස් පරීක්ෂක තනතුරට උසස් කරමින් නිල වාහනයක්ද ලබා දී ඇතැයි අනිද්දා වෙත වාර්තා වෙය.
බිබිල ප‍්‍රදේශයෙන් ලැබෙන ආරංචි ප‍්‍රකාශ කරන්නේ අමාත්‍යවරයා මන්ත‍්‍රීවරයෙකුව සිටින කාලයේ සිට මෙම පොලිස් නිලධාරියා නිවසේ ආරක්ෂාව භාරව කටයුතු කර ඇති බවය. ඊට අමතරව ඔහු අමාත්‍යවරයාගේ බිබිල මහියංගණය පාරේ හතරකණුව ප‍්‍රදේශයේ ගල්කොරියක් භාරවද කටයුතු කර ඇත. මෙම පොලිස් නිලධාරියාට දේශපාලන පළිගැනීම් යටතේ උසස්වීමක් ලබාදී ඇති අතර රාජ්‍ය පරිපාලන අමාත්‍යාංශය යටතේ උඡු ඡු්‍ය 1233 යන අංකය දරන කැබ් රථය පරිහරණයට ලබාදී ඇත.
මෙම පොලිස් නිලධාරියාට ලබාදුන් උසස්වීම සමග ඔහු තම හිතවතුන්ට බිබිල මහියංගණ පාරේ හතේ කණුව ප‍්‍රදේශයේ ගඟ අද්දර හෝටලයේ සාදයක් පවත්වා ඇති අතර එයට අමාත්‍යවරයා සමග ඌව පළාතේ පොලිස් ප‍්‍රබලයන් සහභාගිවී ඇත. මෙම උසස්වීම සමග මෙම පොලිස් නිලධාරියා මැදගම පොලීසියට අනුයුක්තව සේවය කරන බව වාර්තා වෙයි. මේ පිළිබඳව කරුණු විමසීමට අනිද්දා පුවත්පත අමාත්‍යවරයා ඇමතුවත් ප‍්‍රතිචාරයක් නොලැබිණි.
