වස්ගමුව ජාතික වනෝද්‍යානය තුළ ඇති වූ ගින්න ස්වාභාවිකව ඇතිවූවක් නොව ඒ තුළ සිටින අලින්ගේ ආහාරය සඳහා තණකොළ වවාගැනීමට අවශ්‍ය පරිසරය සකස් කිරීම සඳහා වනජීවී සංරක්ෂණ දෙපාර්තමේන්තුව විසින් ඇතිකරන ලද්දක් බව වාර්තා වෙයි.
මෙම ගින්න හේතුවෙන් වස්ගමුව අභය භූමියේ අක්කර 50 කට අධික භූමි ප‍්‍රමාණයක් විනාශ වී ඇති අතර සතුන්ටද හානි වී ඇති බව වාර්තා වේ. අගෝස්තු මස 22 වන දින අදාල ගින්න ඇති කර ඇත. මේ පිළිබඳව කළ විමසීමකදී වනජීවී අමාත්‍යාංශයේ නිලධාරීනියක පැවසුවේ ගින්න වනෝද්‍යානය මායිමේ ඇති කුඹුරුවලින් වනෝද්‍යානය තුළට ව්‍යාප්ත වී අක්කර 10 ක භූමි ප‍්‍රමාණයක් ගින්නෙන් විනාශ වී ඇති බවත් ගින්න සිදුකලේ කවුරුන්ද යන්න පිළිබඳව මේ දිනවල පරීක්ෂණයක් පවත්වන බවත්‍ය.x කාලයේ කුඹුරුවල ඇති පිදුරු ගිනි තැබූ විට මෙවැනි සිදුවීම් වාර්තා වන බවත් ඇය පැවසීය.
