භාණ්ඩ අපනයනයෙන් ලැබෙන මුදලින් 25%ක ප්‍රමාණයක් දින 14ක් තුළ රුපියල් බවට හරවන ලෙස ආණ්ඩුව නියෝගයක් පනවා ඇත. අතිවිශේෂ ගැසට් පත්‍රයක් නිකුත් කරමින් මාර්තු 9 ශ්‍රී ලංකා මහා බැංකුව මෙම නියෝගය පනවා ඇත. මේ අනුව අපනයනකරුවකු භාණ්ඩ අපනයන කර ලැබෙන මුදල් බලපත්‍රලාභී වාණිජ බැංකුවක තැන්පත් කර ඉන් 25%ක ප්‍රමාණයක් දින 14ක කාලයකදී රුපියල් බවට පරිවර්තනය කළ යුතුය. මීට පෙර පෙබරවාරි 18 පැනවූ නියෝගයේ එම රුපියල් බවට පත්කිරීමේ නියෝගය දක්වා තිබුණේ අපනයන මුදල්වලින් 25% ක් ‘වහාම’ රුපියල් බවට පත්කළ යුතු බවටය.■
