ජනාධිපතිවරයා ආරක්ෂක අමාත්‍යාංශය තමා යටතේ තබාගැනීම ආණ්ඩුක්‍රම ව්‍යවස්ථාවට පටහැණි බව නීතිඥ සුරේන් ප්‍රනාන්දු පෙන්වාදෙයි.
අනිද්දා සමග සම්මුඛ සාකච්ඡාවකට එක්වෙමින් ඔහු ඒ පිළිබඳ පැහැදිලි කළේ මෙසේය. ‘19 වැනි සංශෝධනයේ තාවකාලික විධිවිධානයක් තිබුණා, එම සංශෝධනය සම්මත වූ මොහොතේ ධුරයේ ඉන්න ජනාධිපතිවරයා හෙවත් මෛත්‍රීපාල සිරිසේන මහතා ජනාධිපතිධුරයේ ඉන්නතුරු ඔහුට ආරක්ෂක, පරිසර සහ මහවැලි කියන අමාත්‍යාංශ තුන තබාගන්න පුළුවන් බව. ඒකෙන් තේරෙනවා ඒ අමාත්‍යාංශ තුන වුණත් තමා සතුව තබා ගැනීමට පුළුවන්කම තිබුණේ එතුමා ධුර කාලයේ සිටිනතුරු විතරක් බව. ඊට පස්සේ ජනාධිපති කෙනෙකුට ආරක්ෂක අමාත්‍යධුරය වුණත් දරන්න බැරි බව ව්‍යවස්ථාවෙන් හොඳටම පේනවා. එහෙම නැත්නම්, ඒක විතරක් ඒ කාලයට දරන්න පුළුවන් කියන විශේෂ විධිවිධානය නැහැනේ. ඒ අනුව අමාත්‍යධුරයක් තබා ගැනීම පැහැදිලිව ආණ්ඩුක්‍රම ව්‍යවස්ථාවට පටහැනියි.’■
