කොවිඞ් ආසාදිත රැඳවියන් පිරිසක් අතර ගැටුමක් ඇති වී සුළු තුවාල ලබා රෝහල්ගත කළ පස්දෙනෙකු නැවත කන්දකාඩු මත්ද්‍රව්‍ය, ප්‍රතිකාර හා පුනරුත්ථාපන මධ්‍යස්ථානය වෙත ජුලි 23 දින රැගෙන ආ බව කොවිඞ් 19 පැතිරීම වැළැක්වීමේ ජාතික ක්‍රියාන්විත මධ්‍යස්ථානයේ මාධ්‍ය අධ්‍යක්ෂ ලුතිනන් කර්නල් පී. හෙට්ටිආරච්චි අනිද්දාට පැවසීය.
ජුලි 22 වන දින ඇති වී තිබුණු එම ගැටුමෙන් රෝහල්ගත කළ රැඳවියන් නැවත පුනරුත්ථාපන මධ්‍යස්ථානය වෙත රැගෙන ආවේ ඔවුන් රෝහලෙන් පැනයයි යන බියෙන් බව ඒ මහතා වැඩිදුරටත් පැවසීය. මෙවැනි ආකාරයේ ගැටුම් එම මධ්‍යස්ථානයේ ඇති වන බවත් ඔහු පැවසීය.
රේඛා නිලුක්ෂි හේරත්
