මාර්තු මාසයේදී රජයේ පත්වීම් ලබාදුන් උපාධිධාරී අභ්‍යාසලාභීන් සඳහා මාර්තු සහ අපේ‍්‍රල් මාසවල වැටුප් ලබාදී නොමැති නිසා එම උපාධිධාරීන් දැඩි අපහසුතාවකට පත්ව ඇති බවත් වාර්තා වේ.
රුපියල් 20,000ක වැටුපක් ලබාදෙන බව සඳහන් කරමින් උපාධිධාරී අභ්‍යාසලාභී පත්වීම් ලෙස 45,585 දෙනෙකු රජය බඳවාගෙන තිබුණි.
අප සමඟ අදහස් දැක්වූ උපාධිධාරීන් කිහිපදෙනෙකු පැවසුවේ පෞද්ගලික රැුකියා සහ ස්වයං රැකියා අත්හැර මෙම පත්වීම් ලැබූ පිරිස්ද සිටින බවය. අපේ‍්‍රල් මාසයේ අලූත් අවුරුදු සමයේදී වැටුපක් නොලැබීම නිසාත්, ඇඳිරි නීතිය නිසා වෙනත් ආර්ථික කටයුත්තක යෙදීමට නොහැකි වීමත් නිසා තමන් විශාල අපහසුතාවකට පත්ව සිටින බවය.
අනිද්දා කළ විමසීමකදී රාජ්‍ය පරිපාලන අමාත්‍යාංශයේ නිලධාරියෙකු නිර්නාමිකව අදහස් දක්වමින් පැවසුවේ මෙම උපාධිධාරීන් කිසිදු රාජකාරියකට අනුයුක්ත කිරීමට නොහැකි වූ නිසා වැටුප් ගෙවීමට නොහැකි වූ බවය. වසංගත සමය උදා වීමත්, පාර්ලිමේන්තුව විසුරුවාහැරීමෙන් පසුව මැතිවරණ කොමිෂන් සභාව මෙම උපාධිධාරීන්ට පුහුණුව ලබා නොදෙන ලෙස නියෝග කිරීමත් නිසා මැතිවරණය අවසන් වනතුරු මෙම උපාධිධාරීන් රාජකාරියකට අනුයුක්ත කිරීමට නොහැකි වනු ඇතැයි ඔහු පැවසීය.
මාර්තු 02 වැනිදා රාත‍්‍රියේ ජනාධිපතිවරයා පාර්ලිමේන්තුව විසුරුවාහැරීමේ නියෝගය නිකුත් කළ අතර, ඊට පෙර සිටම එදින පාර්ලිමේන්තුව විසුරුවාහරින බව දන්වා තිබුණි. කෙසේ වෙතත් මාර්තු 02 වැනිදා දහවල් කාලයේදී උපාධිධාරීන් 45,585 දෙනෙකු වෙත පත්වීම් ලිපි යවා තිබුණි. එම උපාධිධාරීන් පුහුණුව සඳහා ඉන්පසුව වාර්තා කළ යුතු බව දැනුම් දී තිබුණි.
එම පත්වීම් ලිපියෙන් නියෝග කර තිබුණේ සියලූ උපාධිධාරීන් ප‍්‍රාදේශීය ලේකම්වරුන් වෙත වාර්තා කළ යුතු බවත්, පුහුණුවක් ලැබිය යුතු බවත්ය.
මෙලෙස මැතිවරණ සමයක රාජ්‍ය සේවයේ බඳවාගැනීම මැතිවරණයට බලපෑමක් විය හැකි නිසා මැතිවරණ කොමිෂන් සභාව එම උපාධිධාරීන්ට පුහුණුව ලබාදීම මැතිවරණය අවසන් වන තුරු නවත්වන ලෙස නියෝග කර තිබුණි.
මැතිවරණ කොමිෂන්් සභාවේ තීන්දුවට ප‍්‍රතිචාර දක්වමින් මාර්තු 04 වැනිදා කැබිනට් තීරණ දැනුම්දීමේ මාධ්‍ය හමුවේදී කැබිනට් මාධ්‍ය ප‍්‍රකාශක බන්දුල ගුණවර්ධන ප‍්‍රකාශ කර තිබුණේ මැතිවරණ කොමිෂන් සභාව එවැනි තීන්දුවක් නිකුත් කළේ මන්දැයි තමා නොදන්නා බවත්, බඳවාගත් අභ්‍යාසලාභීන් සඳහා මාර්තු 01 වැනිදා සිට වැටුප් ගෙවන බවත්ය. රජය පොරොන්දුව ඉටු කළ බවත්, පත්වීම දී තිබෙන බවත්, ඒ අනුව මාර්තු 01 වැනිදා සිට රුපියල් 20,000ක වැටුප ගෙවන බවත් තමන් උපාධිධාරීන්ට පවසන බව බන්දුල ගුණවර්ධන අමාත්‍යවරයා කියා තිබුණි.
මෙම පත්වීම්ලාභීන් සෞඛ්‍ය අමාත්‍යාංශය යටතේ කොවිඞ්-19 ව්‍යාපෘතියට යෙදවීම සඳහායැයි මාර්තු 27 වැනිදා චක‍්‍රලේඛයක් නිකුත් කර තිබුණි. ඒ අනුව උපාධිධාරී පත්වීම්ලාභීන්ට තමන්ගේ ප‍්‍රාදේශීය ලේකම් කාර්යාලයට අයත්, සෞඛ්‍ය වෛද්‍ය නිලධාරීවරුන් වෙත වාර්තා කරන ලෙස ලිපි ලබාදී තිබුණි. ඒ සමඟම වැටුප් ගෙවීම සඳහායැයි උපාධිධාරීන්ගේ බැංකු ගිණුම් විස්තර ලබාදෙන ලෙසද නියෝග කර තිබුණි.
කෙසේ වෙතත්, පසුව එම නියෝගය ක‍්‍රියාත්මක කර නොතිබුණු අතර මේ වන විට කොවිඞ්-19 මැ`ඩපැවැත්වීමේ ව්‍යාපෘතියටද එම පත්වීම්ලාභී උපාධිධාරීන් සම්බන්ධ කරගෙන නොමැත.
