සෞඛ්‍ය ඇමති වෛද්‍ය නලින්ද ජයතිස්ස ඖෂධ සඳහා උපරිම සිල්ලර මිලක් නියම කර ඇතැයි වාර්තා කරමින් පැවතියද ඖෂධ සඳහා උපරිම සිල්ලර මිලක් නියම කර නැත.
සෞඛ්‍ය ඇමතිවරයා අති විශේෂ ගැසට් පත්‍රයක් මගින් ප්‍රකාශයට පත්කර ඇත්තේ උපරිම සිල්ලර මිල සඳහා වන මිල නිර්ණය කිරීමේ ක්‍රමවේදයක් හා උපරිම ඉහළම සීමා මිල සඳහා වන මිල නිර්ණය කිරීමේ ක්‍රමවේදයක් පමණි.
මාර්තු 25 දින සහිතව සෞඛ්‍ය ඇමතිවරයා ප්‍රකාශයට පත්කර ඇති එම අති විශේෂ ගැසට් පත්‍රයේ සඳහන් කර ඇත්තේ යම් නිශ්චිත ඖෂධයක මිල නියාමනය කිරීම සඳහා අදාළ කර ගත යුත්තේ එම උපරිම සිල්ලර මිල සඳහා වන ක්‍රමවේදයද, නැතහොත් උපරිම ඉහළම සීමා මිල තීරණය කිරීම සඳහා වන ක්‍රමවේදයද යන්න අධිකාරිය විසින් තීරණය කරනු ලැබිය යුතු බවයි.
එහි අධිකාරිය යන්නෙන් ජාතික ඖෂධ නියාමන අධිකාරියේ මිල නියම කිරීමේ කමිටුව සහ පාරිභෝගික කටයුතු පිළිබඳ අධිකාරිය සඳහන් කර තිබේ.
