එක්සත් ජාතික පක්ෂ නායක රනිල් වික්‍රමසිංහගේ නායකත්වයෙන් පසුගිය මහ මැතිවරණයට තරග කළ සිලින්ඩරය ලකුණ යටතේ පාර්ලිමේන්තුවට තේරී පත්වූ රවී කරුණානායක මහතා පළාත් පාලන මැතිවරණය සඳහා සමගි ජන බලවේගය සමඟ කටයුතු කිරීමට සූදානම් බව වාර්තාවේ.
රවී කරුණානායක මහතා ඔහු සමඟ කටයුතු කරන ප්‍රාදේශීය සංවිධායකයින් කිහිප දෙනෙකු සමගි ජන බලවේගයේ කොළඹ මහ නගර සභා අපේක්ෂකයන් වශයෙන් ඉදිරිපත් කිරීමට සාකච්ඡා කර තිබේ. ඒ අනුව ඔහු සමඟ කටයුතු කළ හිටපු නගර සභා මන්ත්‍රීවරු ඇතුළු කිහිප දෙනෙකුට සමගි ජන බලවේගය යටතේ කොළඹ මහ නගර සභාවට තරග කිරීමට අවස්ථාව හිමිවී තිබේ.
රවී කරුණානායක මහතා එක්සත් ජාතික පක්ෂයේ උතුරු කොළඹ ආසනයේ සංවිධායක වශයෙන් කටයුතු කළ අතර වාර්තා වන්නේ එම ආසන සංවිධායක තනතුර සඳහා වෙනත් පුද්ගලයෙක් පත් කිරීමට එක්සත් ජාතික පක්ෂය කටයුතු කරමින් සිටින බවයි.
- ඉඳුවර බණ්ඩාර
