පාර්ලිමේන්තු මන්ත්‍රී අර්ච්චුනා රාමනාදන් මන්ත්‍රීවරයා පාර්ලිමේන්තුවේ සිදුකරන ප්‍රකාශ සජීවී ලෙස ශ්‍රව්‍ය, දෘශ්‍ය හා සමාජ මාධ්‍යවල සජීවී විකාශ කිරීම තාවකාලිකව අත්හිටුවන බව කථානායකවරයා ප්‍රකාශයක් සිදු කරමින් මාර්තු 19 වන දින පාර්ලිමේන්තුවේදී පැවසීය.
‘පාර්ලිමේන්තු මන්ත්‍රී වෛද්‍ය අර්ච්චුනා රාමචන්ද්‍රන් විවිධ අවස්ථාවලදී, සමාජ මාධ්‍ය භාවිතා කරමින් විවිධ අවස්ථා වලදී, විවිධ කණ්ඩායම් සහ විවිධ පුද්ගලයන් ඉලක්ක කරගනිමින් ජාතික සමගියට හා සංහිඳියාවට හානි වන සහ අවමන් සහගත ප්‍රකාශ පිළිබඳව සැලකිල්ලට ගනිමින් මෙම තීන්දුව ගෙන ඇති බව කතානාකවරයා පැවසීය.
මන්ත්‍රීවරයාගේ ප්‍රකාශ මඟින් උත්තරීතර පාර්ලිමේන්තුට අවමන් සිදු වන බවත්, තමන් පෞද්ගලිකව එම මන්ත්‍රීවරයාට අවවාද කළ නමුත් ඔහු එය තැකීමකට නොගෙන මෙසේ හැසිරෙන බවත් කතානාකවරයා පැවසීය.
අර්ච්චුනා මන්ත්‍රීවරයා සිදු කරන අවස්ථානුකූල ලෙස අවමන් සහගත ප්‍රකාශ, අශෝභන හා පහත් ප්‍රකාශ හැන්සාඩ් වාර්තාවලින් ඉවත් කරන බවද කථානායකවරයා දැනුම් දුන් අතර මාර්තු 20 සිට මැයි 08 දක්වා පාර්ලිමේන්තු රැස්වීම් පැවැත්වෙන දින 08 තුළ අර්ච්චුනා මන්ත්‍රීවරයාගේ කිසිදු ප්‍රකාශක් වාර්තා කිරීම අත්හිටුවීම කටයුතු කරන ලෙස නියෝග කරන බවත් කතානායවරයා පැවසීය.
