2023 වසරේ මාතර, වැලිගම ප්‍රදේශයේ සිදු කළ වෙඩිතැබීමේ සිද්ධියට අදාළව විවෘත වරෙන්තු නිකුත් කර තිබුණු හිටපු පොලිස්පති දේශබන්දු තෙන්නකෝන් මාර්තු 19 දින උදෑසන මාතර මහෙස්ත්‍රාත් අධිකරණය හමුවේ පෙනී සිට ඇති බව වාර්තා වේ.
අදාළ වෙඩි තැබීමේ සිද්ධිය පිළිබඳව මාතර මහෙස්ත්‍රාත් අධිකරණය ලබාදුන් නියෝගය ක්‍රියාත්මක කිරීම වළක්වාලමින් අතුරු තහනම් නියෝගයක් නිකුත් කරන්නැයි ඉල්ලා දේශබන්දු තෙන්නකෝන් අධිකරණය හමුවේ ගොනු කර තිබුණු රිට් පෙත්සම විභාගයට නොගෙනම මාර්තු 17 වන දින නිෂ්ප්‍රභ කිරීමට අධිකරණය නියෝග නිකුත් කර තිබුණු අතර දේශබන්දු තෙන්නකෝන් මහතාව වහාම අත්අඩංගුවට ගෙන අධිකරණයට ඉදිරිපත් කරන ලෙස අභියාචනාධිකරණ විනිසුරු මඩුල්ල අපරාධ පරීක්ෂණ දෙපාර්තමේන්තුවට නියෝග කර තිබිණි.
