මන්නාරම, වෙඩිතලතීවූ ප්‍රදේශයේ ඉන්දියාවේ අදානි සමාගම සමඟ සුළං විදුලි බලාගාරයක් ඉදිකරීමට ගෙන තිබූණු තීරණය බලරහිත කරන ලෙස ඉල්ලා ශ්‍රේෂ්ඨාධිකරණය හමුවේ ගොනුකර තිබූ මූලික අයිතිවාසිකම් පෙත්සම් මාර්තු 18 දින ඉල්ලා අස්කර ගෙන ඇති බව වාර්තා වේ.
පරිසර යුක්ති කේන්ද්‍රය ඇතුළු පාර්ශව පහක් අදාල පෙත්සම ඉදිරිපත් කර තිබුණි. එම සුළං විදුලි බලාගාරයේ ව්‍යාපෘතිය ඉවත් කර ගන්නා බවට ඉන්දියාවේ අදානි සමාගම මෙරට ආයෝජන මණ්ඩලයේ සභාපතිවරයාට ලිඛිතව දැනුම් දී ඇති බව නිතිපතිවරයා අධිකරණයට මෝසමක් ගොනු කරමින් දන්වා තිබුණු අතර එහින් අනතුරුව අදාළ මූලික අයිතිවාසිකම් පෙත්සම් පෙත්සම්කරුවන් ඉල්ලා අස්කර ගැනීමට තීරණය කර ඇත.
