ගොවීන් 155 දෙනෙකුට ලබාදුන් පොහොර සහනාධාර මුදල් රුපියල් 2,934,310ක් සොරගෙන
රජය ගොවීන්ට ලබාදුන් පොහොර සහනාධාර මුදල් ඇතැම් ගොවීන්ට ලැබී නොමැති බවත් එම මුදල් සොරාගෙන ඇති බවට මේ වනවිට කරුණු රැසක් අනාවරණය වී ඇති බවත් කෘෂිකර්ම නියෝජ්‍ය අමාත්‍ය නාමල් කරුණාරත්න මහතා මාර්තු 18 දින පාර්ලිමේන්තුවේදී පැවසීය.
නාමල් කරුණාරත්ණ මහතා එම අනාවරණය කර තිබුණේ සුසන්ත කුමාර නවරත්න මන්ත්‍රීවරයා යොමුකළ ප්‍රශ්නයකට පිළිතුරු දෙමිනි. අනුරාධපුර දිස්ත්‍රික්කයේ පමණක් ගොවීන් 155 දෙනෙකුට ලබාදුන් පොහොර සහනාධාර මුදල් රුපියල් 2,934,310ක් සොරගෙන ඇති බවට මේ වන විට කරුණු අනාවරණය කරගෙන ඇති බවත් අදාළ සොරකම සම්බන්ධයෙන් එක් නිලධාරිනියක් අත්අඩංගුවට ගෙන ඇති බවත් කෘෂිකර්ම නියෝජ්‍ය අමාත්‍යවරයා පවසා තිබිණි.
ගොවීන්ට ලැබීමට නියමිත අදාල පොහොර සහනාධාර මුදල් අස්ථාන ගතවීම සම්බන්ධයෙන් එම ගොවීන් අපරාද පරීක්ෂණ දෙපාර්තමේන්තුවට පැමිණිලි කර ඇති බවත් මෙම සොරකමට අදාළ ගත හැකි උපරිම ක්‍රියාමාර්ග ගන්නා බවත් ඒ මහතා පවසා තිබිණි.
