හිටපු ජනාධිපති මහින්ද රාජපක්ෂ මහතා ජනාධිපතිවරයාව සිටියදී කිරිවෙහෙරේ සෝරත හිමියන් විසින් ඉදිකරන ලද නිවසක් සම්බන්ධයෙන් ප්‍රකාශයක් ලබා ගැනීම සම්බන්ධයෙන් කතරගම කිරිවෙහෙර විහාරාධිපති කොබවක ධම්මින්ද හිමි මාර්තු මස 11වන දින අපරාධ පරීක්ෂණ දෙපාර්තමේන්තුව කැඳවා ඇත.
තවද රුහුණු කතරගම මහා දේවාලයේ බස්නායක නිලමවරයා වන ඩිෂාන් ගුණසේකර මහතාව මාර්තු 10 වන දින අපරාධ පරීක්ෂණ දෙපාර්තුමේන්තුවට කැඳවා තිබූ අතර, මාධ්‍ය වෙත අදහස්ඔ දක්වමින් ඔහු පවසා සිටියේ හිටපු ජනාධිපති මහින්ද රාජපක්ෂ වෙනුවෙන් කතරගම ඉදිකරන ලද නිවසක් සම්බන්ධයෙන් අපරාධ පරීක්ෂණ දෙපාර්තමේන්තුව තමාගෙන් ප්‍රශ්න කළ බවය. එම නිවස මහින්ද රාජපක්ෂට අයත් නිවසක් නොවන බවත් එම නිවස එවකට කතරගම කිරිවෙහෙර විහාරස්ථානයේ විහාරාධිපති සෝරත හිමියන් මහින්ද රාජපක්ෂ මහතා වෙනුවෙන් ඉදිකළ නිවසක් බවත් ඒ මහතා පවසා තිබිණී.
