ගනේමුල්ල සංජීව ඝාතනයේ වෙඩික්කරුට ආධාර අනුබල දුන් ප්‍රධාන සැකකාරිය වන පිංපුර දේවගේ ඉෂාරා සෙව්වන්දි අත්අඩංගුවට ගැනීම සඳහා සාර්ථක තොරතුරක් ලබාදෙන අයෙකුට ලබාදෙන ත්‍යාග මුදල වැඩිකර ඇත.
පොලිස් මාධ්‍ය කොට්ඨාශය මාර්තු 4 වැනිදා සවස මාධ්‍ය නිවේදනයක් නිකුත් කරමින් සඳහන් කරන්නේ සැකකාරිය අත්අඩංගුවට ගැනීම සඳහා සාර්ථක තොරතුරක් ලබාදෙන අයෙකුට රුපියල් ලක්ෂ 12ක මුදලක් ත්‍යාගයක් වශයෙන් ලබාදෙන බවයි.
මීට පෙර පොලීසිය සඳහන් කළේ සැකකාරිය අත්අඩංගුවට ගැනීම සඳහා සාර්ථක තොරතුරක් ලබාදෙන අයෙකුට රුපියල් ලක්ෂ 10ක මුදලක් ත්‍යාගයක් වශයෙන් ලබාදෙන බවයි.
තොරතුරු ලබාදෙන අයගේ රහස්‍යභාවය ආරක්ෂා කරන බවද පොලීසිය එම නිවේදනයේ වැඩිදුරටත් සඳහන් කර ඇත.
