ත්‍රස්තවාදය වැළැක්වීමේ පනත සංශෝධනය කිරීම සඳහා නීති කෙටුම්පත් සම්පාදක සකස් කර ඇති අවසන් කෙටුම්පත තවදුරටත් වැඩි දියුණු කිරීම වෙනුවෙන් සුදුසු යෝජනා ඉදිරිපත් කිරීම සඳහා හිටපු සොලිසිටර් ජනරාල් ජනාධිපති නීතිඥ රියන්සි අර්සකුලරත්නගේ සභාපතිත්වයෙන් යුත් කමිටුවක් පත්කර ඇත.
අධිකරණ හා ජාතික ඒකාබද්ධතා ඇමති නීතිඥ හර්ෂණ නානායක්කාර පෙබරවාරි 19 වැනිදා පැවැත්වූ කැබිනට් මණ්ඩල රැස්වීම සඳහා එම යෝජනාව ඉදිරිපත් කිරීමෙන් පසු ඒ සඳහා අනුමැතිය හිමි වී තිබේ.
ත්‍රස්තවාදය වැළැක්වීමේ පනත අහෝසි කිරීම සඳහා පසුගිය ආණ්ඩුව විසින් ඉදිරිපත් කරන ලද ත්‍රස්ත විරෝධී පනත් කෙටුම්පත අධිකරණය හමුවේ අභියෝගයට ලක්වීමෙන් පසු ඒ සඳහා තවදුරටත් සිදුකළ යුතු සංශෝධන නීති කෙටුම්පත් සම්පාදක සකස් කර ඇති අතර ඉහත කමිටුව මගින් තවදුරටත් වැඩි දියුණු කිරීමට යන්නේ එම කෙටුම්පතයි.
ඉඳුවර බණ්ඩාර
