අසත්‍ය පුවත් වාර්තාකරණය හේතුවෙන් පාර්ලිමේන්තු මන්ත්‍රීවරියක ලෙස සිය වරප්‍රසාද කඩ වී ඇති බැවින් වරප්‍රසාද කමිටුවෙන් විමසා සුදුසු ක්‍රියාමාර්ග ගන්නැයි පාර්ලිමේන්තු මන්ත්‍රිනි නිලන්ති කොට්ටහච්චි කථානායකගෙන් ඉල්ලීමක් කර ඇත.
පෙබරවාරි 20 වැනිදා පාර්ලිමේන්තුවේදී එම ඉල්ලීම සිදු කළ මන්ත්‍රීවරිය පැවසූයේ පෙබරවාරි 19 වැනිදා ඩේලි මිරර් ඉංග්‍රීසි පුවත්පතෙහිත් ලංකාදීප පුවත්පතෙහිත් තමා සම්බන්ධයෙන් අසත්‍ය පුවතක් වාර්තා කර තිබූ බවයි.
මන්ත්‍රීවරිය වැඩි දුරටත් පැවසූයේ ඇය නියෝජනය කරන දේශපාලන පක්ෂය වන ජාතික ජන බලවේගය ඇයට මාධ්‍යයට අදහස් දැක්වීමේදී වාරණ පනවමින් උපදෙස් ලබා දී ඇති බවට මෙලෙස අසත්‍ය පුවත් වාර්තාකරණයක් සිදු කර ඇත්තේ කිසිදු කරුණු තහවුරු කරගැනීමකින් තොරව බවයි.
- කාංචනා සිරිවර්ධන
