සමගි ජනබලවේගයේ නායකත්වය යටතේ අනෙක් පක්ෂ එකතු විය යුතු බවට පක්ෂයේ අදහස ඇති බවත් එම පක්ෂය සමග වැඩ කළ යුතු බවට පක්ෂයේ අදහසක් ඇති බවත් සමගි ජනබලවේගයේ පාර්ලිමේන්තු මන්ත්රි මුජුබර් රහුමාන් අනිද්දාට පැවසීය.
මන්ත්‍රීවරයා මේ බව පැවසුවේ සජබ සහ එජාප පක්ෂ අතර එකතු වීමට නිල නොලත් සාකච්ඡා සිදු කරගෙන යන බවට කියැවෙන ප්‍රකාශ සම්බන්ධයෙන් අනිද්දා කළ විමසීමකදීය.
ජනවාරි 08 වන දින රාත්‍රියේ පැවැති සමගි ජන බලවේගයේ කළමනාකරණ කමිටුවේදී පක්ෂ ව්‍යුහයේ යම් යම් ප්‍රතිසංස්කරණ කිරීමට යෝජනා ඉදිරිපත් වූ බවත් පක්ෂයේ කණ්ඩායම් එම ප්‍රතිසංස්කරණ ක්‍රියාවලියට එකඟ වූ බවත් ඒ මහතා පැවසීය.
‘සජිත් ප්‍රේමදාස මහතාගේ නායකත්වය යටතේ අනෙකුත් පක්ෂ එකතු කරගන්නවා වගේම රනිල් වික්‍රමසිංහ මහතා නායකත්වය දරන එක්සත් ජාතික පක්ෂයත් පුළුල් සන්ධානයකට එකතු කරගෙන යන්න පුළු‍වන් වැඩපිළිවෙළකට යන්න අපි සාකච්ඡා කරමින් සිටිනවා.’ මන්ත්‍රීවරයා පැවසීය.
