ඉඳුවර බණ්ඩාර
විධායක ජනාධිපති ක්‍රමය අහෝසි කිරීම ඇතුළු රටේ ආාණ්ඩුක්‍රමයේ හා නීති ක්ෂේත්‍රයේ සිදුකළ යුතු ප්‍රතිසංස්කරණ සඳහන් කරමින් නීතිඥ සාමූහිකය නව කැබිනට් මණ්ඩලය ඇතුළු පාර්ලිමේන්තු නියෝජිතයන්ට සිය ස්ථාවරය පැහැදිලි කරමින් ලිපියක් යවා ඇත.
ත්‍රස්තවාදය වැළැක්වීමේ පනත අහෝසි කිරීම, මාර්ගගත ක්‍රමවල සුරක්ෂිතතාව පිළිබඳ පනත හෙවත් ඔන්ලයින් පනත අහෝසි කිරීම හා පාලනය සම්බන්ධයෙන් වන මෑත හා වර්තමානයේ අවධානයට ලක්වන ගැටලු සම්බන්ධයෙන් එහි අවධාරණය කර ඇත.
රාජ්‍ය විශ්වවිද්‍යාල පද්ධතියේ ස්වාධිපත්‍යය බිඳ දැමීම සඳහා විධායක ජනාධිපති ක්‍රමයේ බලතල අනිසි ලෙස භාවිත කර ඇති බව සඳහන් කරන නීතිඥ සාමූහිකය රාජ්‍ය විශ්වවිද්‍යාල ස්වාධීන හා ශක්තිමත් කරන ප්‍රතිසංස්කරණ සලකා බලන ලෙස ව්‍යවස්ථාදායකයෙන් ඉල්ලා සිටී.
නීතිඥ සාමූහිකයේ එම ලිපිය සඳහා ජනාධිපති නීතිඥ උපුල් ජයසූරිය, ජනාධිපති නීතිඥ ආචාර්ය ජයම්පති වික්‍රමරත්න, මහාචාර්ය සාවිත්‍රී ගුණසේකර, ජනාධිපති නීතිඥ ජෙෆ්රි අලගරත්නම්, ජනාධිපති නීතිඥ සාලිය පීරිස්, මහාචාර්ය දීපිකා උඩගම, මහාචාර්ය කමිනා ගුණරත්න, නීතිඥ නොයෙල් ඩයස් පියතුමා, නීතිඥ කේ ඩබ්ලිව් ජනරංජන, නීතිඥ ශ්‍රීනාත් පෙරේරා, නීතිඥ අර්මිසා ටීගල්, නීතිඥ දර්ශන කුරුප්පු අත්සන් තබා ඇත.
